1 Pita 5:5 - Madak

⁵ La nemi bok luvuraau minang tonga ka levelinga at limixin mukun la mina mumu asu i. La nemi axap mina lok kaka langsangan loklok ngangao kusu na umsu kantubu atnemi. I ngan Lovoang Kaala i vaase xeretna, “Moroa naba vaase asi luvuttadi di simi aurut nedi, ketla i lox asu letaba nabalamu ren tinedi dik lox asi di.” Ler 3:34

1 Pita 5:5 ပူးပေါင်းရင်းမြစ်များ

Sam 132:16

Anaba lox anarong lavamaasa mego keneng at leven gugu axap nedi dinak lox i; la limixin dik lok keneng teren, dinak pixan la dinap kup mi lomomo.

Sam 132:9

A vara i do lavamaasa ram dinak lok amisik lempanga ik mokso; la a vara i do limixin taram dinap kup mi lomomo!

Sam 138:6

Keke i do nenu u silok polo lempanga axap, ketla uk lok tatao luvuttadi gamasa de xopok, la limixin loklox aaso dixo epovo na lox alipe laxakapmek atdi basinge u.

Lagale Lavavang At Ne Iesu Karisito Luk Ga Malagan i 22:26

Ketla nemen mita mu asu mo langas atdi; lara silok kantubu atnimi neni na lok ngan lara kakalik, la lara gomgo neni na lok ngan lasaxaruki.

Lovoang At Ne Pol Ti Limixin Nunu to Rom 12:10

Mina balamu rinotno leventaba vetpes i ngan loxoeton tinotno xeneng at ne Karisito, la mina lolos amisik kusu ri lox asuusu loklok ngangao atnimi ti leventaba vetpes.

Lovoang At Ne Pol Ti Limixin Nunu to Rom 13:14

Ketla mina lok ka levempanga esep at Leeme Silok ne Iesu Karisito, la mina doxoma xepe leveloklok kakapmek ngan lavavara at labantuxu mun.

Epesas 5:21

Mina lox asi nimi maxopok at luvutneton nemi kusu miba lox asuusu loklok ngangao atnemi ri ne Karisito.

Pilipai 2:3

Nemen mita doma i do mina lox asilok nimi, ketla mina lox asi nimi maxopok at limixin; amisik mina doxoma mumu nunuan nedi avot la melemu ba nemi, la mina umsu mi langsangan loklok ngangao.

Kolosi 3:12

Nemi lavaanat soksoxolik at ne Moroa la neni i balamu nimi. Kuren la, mina siga ka lebelemumu, labalamu, langsangan loklok ngangao, loklox anare la loklox atnaasan.

1 Timoti 5:1

Do taradi mukun na lok laxakapmek, nemen uta paase lolos tin, ketla una vaase amulus tin ngan neni ne tamam. Una lox anares ka luvuraau maxat ngan ta luvutnetam.

Ibru 13:17

Mina ronga res at luvuttadi amgomgo at lotu la mina mu asu levelinga atdi mila nedi di lok tatao nimi la ne Moroa nabakling lugugu atdi, mo do diga lok tatao avukat nimi. Mina ronga res atdi xusu diba lok momo mun at lugugu atdi. Do mina ronga xepe levelinga atdi, na loklok ting tonga xepe naba lok li lumumuat mavana atdi la naba lok kapmek lunuunu atnimi.

Jems 4:6

Ketla ne Moroa i raba dik mi letaba nabalamu, kerekngan Lovoang Kaala i tong i, “Moroa ixo ru ebelen minedi di lox aurut levenasen atdi. Ketla neni i lox asuusu letaba nabalamu ren tinedi di lox asi lorooro atnedi maxopok teren.” Ler 3:34

1 Pita 3:8

Ti lox axap na levelinga xeretna, nemi axap mina ruuna legesa doxoma eburu mi legesa sumsuma xeretna; mina doma mumu nedi di ruuna levenmumuat, la mina ebalamu ela ngan nemi loxoeton la mina belemumu nedi la mina lox asi nemi.

1 Pita 4:1

Karisito ga suma losongsongot at labantuxu ren, kuren la nemi bok mina ru lolos ngan levendoxoma neni ga ruuna i; mo do nege i ekip tangarang mi losongsongot at labantuxu ren mumu lunuunu ren saparap ne Karisito, i lox asuusu i do neni ixok lok bok ba xeneng at laxapmek.

1 Pita 4:5

Ketla nedi dinaba raba levelinga loklox axasep atnedi ri ne Moroa mumu laxapmek diga lox i, neni laradi i gagas kusu na viila limixin axap di rooro la nedi bok diga met pam.