1 Pita 4:14 - Madak

¹⁴ La do limixin di paase aksaksa rinimi mumu laasen at ne Karisito, luvukat nabat pas tinemi. Lavasuun at na keretna, mo loroonan i lox asuusu lisisixam, ni Loroonan at ne Moroa la ik lok keneng atnemi.

1 Pita 4:14 ပူးပေါင်းရင်းမြစ်များ

Sam 146:5

Laradi naba ruuna xaka lomomo mo do neni na siam kaka ne Moroa at ne Jakop kusu rik lok tooro i, la neni i nuunu saga at Leeme Silok ne Moroa ren,

Sam 49:9

ri lox aase i basinge lamaaut, la ni naba roo avolo.

Sam 89:51

O Leeme Silok. Lavamunepen taram diga paase xapmek ti loorong soksoxolik taram. Di paase xapmek tin ap mo axap lengkot neni it pas teren.

Metiu 5:11

Luvukat mo ik lok tinemi do limixin diba vaase aksaksa rinimi la diba sev asongot nimi la diba paase mumu nimi mi levelinga xaxarang mila nemi limixin tarak.

Metiu 5:16

La kerepmo bok laxasep atnemi na soso ro melamgo at limixin, kusu diba reven leveloklok nunuan mik lox i, la diba emi asu mi ne Moroa ne Temen nimi boro vana at laxalibet.”

Lagale Lavavang At Ne Iesu Karisito Luk Ga Malagan i 6:22

Luvukat tinemi, mo do limixin kapmek dina ven nimi mina mumu asu ia, Laradi Mevana, la dina musak nimi, la dina sok tixirixes nimi, la dina vaase kapmek tinimi, la dina lok tinimi do nemi limixin kapmek.

Lagale Lavavang At Ne Iesu Karisito Jon Ga Malagan I 15:21

Diba lok na levempanga rinimi mila mi nuunu rak la dixoklen mo lara ga riki ia.

Lagale Lavavang At Ne Iesu Karisito Jon Ga Malagan I 8:48

Luvuttadi amgomgo diga lok ti ne Iesu xeretna, “Nenu laradi boro Samaria la lagas i nemen taram.”

Lagale Lavavang At Ne Iesu Karisito Jon Ga Malagan I 9:28

Diga vaase kapmek tin la diga lok tin keretna, “Nenu laradi loklok ka anasa ren, nema luvuttadi loklok ka anasa at ne Moses.

Lagale Lavavang At Ne Iesu Karisito Jon Ga Malagan I 9:34

La diga lok tin keretna, “Nenu u umsu mi laxapmek ga ru ka i at nenam ga visix u, la kereva ba uk lok tong i do una lox ase nama?” Kuren la diga sep pepe i xusu neni noxo vubeles bok ba uto at loogu singising.

Leven Gugu 13:45

Ketla lentaba limixin me Judaia diga ven i, la diga umsu mi levereven peves; diga paase tangarang mo levelinga ne Pol ga tong i, la diga paase xapmek tin.

Leven Gugu 18:6

Ketla limixin me Judaia diga lox abulubun i la diga vaase levelinga xapmek mumu i, la ni ga vaase lolos tidi la ga semla xepe laxakup at lavanga singsiga ren; la ni ga lok tidi, “Do nemi mi xopara levelinga at ne Moroa, nemi xa minabap kip lumumuat teren. Kopmen bok ba toxot tarak ap mo i. Nia anat pas kusu ana vavang ti limixin kopmen di me Judaia.”

Leven Gugu 28:22

Ketla ma vara i do mana ronga levelinga ram, mila ma ronga i do at lengkot axap limixin di paase mumu nom libinam tadi nenu uk lok teren.”

Leven Gugu 5:41

Luvuttadi vavang diga vas kaxat basinge luvuttadi amgomgo, diga umsu mi lomomo mila ne Moroa ga siam do diga epovo rip kip lainmangan at laasen at ne Iesu.

2 Korin 12:10

Ti lox aru ne Karisito, a lok momo aleng ti lomolo rak, la levempapaase vupu la levenmumuat la levesongsongot la levenmumuat i lolos aleng, mila do nia a molo, aba suma xaka lololos silok.

2 Korin 4:10

Amisik mat pas ti lengkot axap map kip levenmumuat, kerekngan ne Iesu ga suma i, kusu mo lorooro ren limixin diba ven kibis box i at labantuxu atnama.

2 Korin 4:16

Neni mo lavasuun teren la ma noxo lox abulubun; keke i do labantuxu atnama mo irak lok si nga; ketla labaroonan atnama i susu amaxat amisik at levenaleng getgesara.

Galesia 1:24

Kuren la diga xip aurut laasen at ne Moroa la diga emi asu min mumu mo levempanga ga ravasu at lorooro rak.

Ibru 11:26

Moses ga doma i do ik mokso do neni na lok ka lainmangan eburu mi limixin teren at lugugu at Lanarong. Mo lainmangan ga lox avukat aleng ti lapnovos boro Isip, mila neni ga reven ti mo luunun move ne Moroa ba raba i min.

Jems 1:12

I lox avukat aleng do laradi nuunu na tu tuxuruxun maxopok at leveloklok tong pen. Mo do laradi ira sak tup pam mi leveloklok tong pen, i lox avukat mila ne Moroa naba raba i mi lavatbungorong, i lok ngan luunun tin la neni lorooro avolo. Ganoxa ne Moroa ga paase alii i do ni naba raba i ri mo limixin di balamu i.

Jems 5:11

Nedik di so asen nedi lavaeme vapaase alii do limixin nunuan mila diga tu lolos. Nemi miga ronga vam leretere at ne Jop; neni ga tu tuxuruxun la ga sosolok laxanmumuat gat pot parav i, la melemu Leeme Silok ga lok luvukat tin. Leeme Silok i umsu mi labalamu la lebelemumu.

1 Pita 2:12

La minap tuvuk avukat at lemeren nedi lavamolon, la mo do dina sok taba parang nemi mi toloklok kakapmek, nedi dinaba ven kibis ba leveloklok nunuan atnemi la dinaba emi asu mi ne Moroa at laaleng potpot teren.

1 Pita 3:14

Ketla do mina lok kaka loklox asongot mumu loklok avukat mi lox i, minaba ruuna xaka bok leveloklox anarong. Kuren la nemen gat miguta marat at teta, kopla mina bulu.

1 Pita 3:16

Ketla mina vaase ridi mi lumulus la loklok ngangao, la lorooro atnimi nak lok nunuan kusu do dina paase xapmek mumu lorooro avukat atnemi keneng at ne Karisito, dinaba mangan at levelinga kapmek nedi di paase i.

1 Pita 4:16

Ketla do mina lok ka loklox asongot mumu mun i do nemi luvuttadi mumu asu at ne Karisito, nemen gat nemi guta mangan at loklok di lox i rinimi, ketla mina tong avukat ti ne Moroa atla nemi mip kip laasen at ne Karisito.

2 Pita 2:2

La buaang atnimi minaba mu asu leveloklox ase xaxarang atdi, la laxakapmek atnedi maxamang at lixitkis epot; kuren la mumu mun mo leveloklok atnedi, limixin maxamang at lotu dinaba vaase kapmek ti langas at luruturun.