1 Pita 4:11 - Madak

¹¹ I ngan nege do neni laradi vavang, neni na vavang akmokso mi levelinga at ne Moroa; la do nege i gugu taba, neni na gugu taba mi lololos ne Moroa im taba i min, kusu keneng mun at na leventamtaba axap, leemi asu nabat pas ti ne Moroa mumu mun ne Iesu Karisito. Leemi asu la lololos tin amisik la kopmen taxavaxap teren. Tuturun.

1 Pita 4:11 ပူးပေါင်းရင်းမြစ်များ

Sam 145:13

Lixitkis amgomgo ram naba nemen lexen, la kopmen tekavaxap at lixitkis orong taram. Leeme Silok ik lok asoorun amisik leveng kakaape ren; la ik lox asuusu lebelemumu ren keneng at leven gugu axap teren.

Metiu 6:13

Nemen uta lok li nema ri leveloklok tong pen i lolos, ketla unang tanga amlong ka nema basinge ne Satan.’

Lagale Lavavang At Ne Iesu Karisito Jon Ga Malagan I 13:31

Judas ga onon pam, la ne Iesu ga lok, “Monga lisisixam tarak, Laradi Mevana, naba ravasu asuvos, la maxeneng teren limixin diba ven axasep avukat lisisixam at ne Moroa keneng tarak, ne Nitna.

Leven Gugu 7:38

Neni mo laradi ga nemen eburu mi limixin me Israel to at lamatbin, neni ga nemen eburu mi lavalabat atdik la laangelo bok mo ga paase rin to at lakaana Sinai; neni ga lok ka Lenavolo at ne Moroa xusu na raba i ri nedik limixin me Israel.

Lovoang At Ne Pol Ti Limixin Nunu to Rom 11:36

Levempanga axap neni xa ga rudum li di, la levempanga axap ga ravasu mumu xa i la ateren axa, la ata emi asu mi laasen teren amisik la kopmen taxavaxap teren. Tuturun.” Ais 40:13, Jop 41:11

Lovoang At Ne Pol Ti Limixin Nunu to Rom 12:3

La mumu mun letaba nabalamu at ne Moroa ria, a vaase i na rinemi axap keretna; nemen gat nemi miguta mi aurut nemi do mi silok ti mo lentaba vetpes, ketla mina viila mumu avukat lorooro atnimi la mina ven nimi do lunuunu atnimi i epovo mun mi lodoxoma at ne Moroa tinemi xuren.

Lovoang At Ne Pol Ti Limixin Nunu to Rom 16:27

Ata emi asu kusuk mun mi laasen at ne Moroa neni laradi ak leklen la leemi asu bok tin mumu lugugu at ne Iesu Karisito amisik la kopmen taxavaxap teren. I ruturun.

Lovoang At Ne Pol Ti Limixin Nunu to Rom 3:2

Laaba, limixin me Judaia dik lox avot keneng at lodoxoma at ne Moroa, la ne Moroa ga doxoma rinotno i do ni na raba levelinga ren tidi kusu dina lok tatao i.

1 Korin 10:31

I lox avukat mene, ketla levempanga salai do mi lox i, mina anan kopla mina inin, mina lox i xusu ri lox asu lisisixam at ne Moroa.

1 Korin 12:4

Buaang laxantamtaba at Loroonan Kaala, ketla na axav i leventamtaba i laala mun boro at Legeso Roonan Kaala im taba i.

1 Korin 3:10

Moroa ga raba ia mi lakleklen kusu ana lok lugugu avukat; la kerepmo aga lok lugugu xantubu atnimi, i lok ngan laradi akleklen at lixipkip gu, la aga vaxaru li laabuxumpio at loogu, la lentaba vetpes dip kip gu mavana ren. Ketla nedi xa dina lok tatao avukat di xusu dina lok lugugu avukat.

1 Korin 6:20

Neni ga xuruse ka vam nemi mi luunun. Kuren la mina ke xepe loklok kakapmek keneng at labantuxu atnimi la kerepmo miba lox asuusu loklok ngangao ri ne Moroa.

2 Korin 2:17

Nema maxo lok ngan nedi mo buaang lentaba di tong asu levelinga at ne Moroa xusu dina lok kaka lempilas. Ketla ma paase asu levelinga at ne Moroa mi luruturun, ma gugu at lemeren ne Moroa ngan lavaanat saxaruki at ne Karisito.

2 Korin 9:13

Mo laramtaba atnimi ba lox asuusu i do nemi limixin tuturun; la limixin petpes diba emi asu mi ne Moroa mumu lorongtonga res mi lurutu lolos atnimi ri Lagale Lavavang at ne Karisito, la mumu bok mo lomomo atnimi ri lok tooro mi leventamtaba ridi la ti limixin petpes bok.

Epesas 1:19

La miba xasep ap mo lololos teren i silok aleng, mo i lok tooro nedik limixin nuunu. Mo lololos i ravasu at lololos silok at ne Moroa,

Epesas 4:29

La lavapaase kapmek noxo ravasu at levenngusno atnemi. Levelinga avukat mene nga mina paase asu i, kusu na lox alolos nedi limixin dik pakes ti levelinga avukat la kusu na lok tooro limixin di ronga nimi.

Epesas 5:20

At levenaleng axap mina tong avukat ti ne Moroa Temen dik at lempanga axap neni i lox i at laasen at Leeme Silok atnedik, ne Iesu Karisito.

Epesas 6:10

Ti lox axap na lovoang. Mina lox alolos lorooro atnimi keneng at Leeme Silok la mina lok kaka lololos teren i silok pologat.

Pilipai 1:11

la lorooro atnimi nabak mokso xusu minaba visik asu levempipisik nunuan, ne Iesu Karisito naba lox asuusu i at lorooro atnimi; kerepmo lisisixam eburu mi leemi asu nabat pas ti ne Moroa.

Pilipai 2:11

La nedi axap diba tong asu i dola ne Iesu Karisito neni Leeme Silok la kerepmo dina emi asu mi ne Moroa, ne temen dik.

Kolosi 4:6

Levempapaase atnimi nap tavasu nunuan amisik kusu rik lox amomo limixin, la mina gagas do miba vorang avukat limixin mi levelinga at ne Moroa.

1 Tesalonia 2:4

Ganoxa ne Moroa ga ven i do lorooro atnama ga lox avukat la ga raba nama mi Lagale Lavavang teren kusu mana tong asu i. Maga xopara na emi asu minama; ketla maga vavang kusu ne Moroa na lok momo minama, neni iklen lodoxoma atnama do i lox avukat kopla kopmen.

1 Timoti 1:17

Kuren la ata emi asu mi Loorong Silok naba rooro amisik, la kopmen noxo met la dik taxo epovo ri ven i; neni xusuk mun ne Moroa. Ata lox asuusu amisik loklok ngangao la leemi asu rin! Tuturun.

1 Timoti 6:16

Neni xusuk mun naba roo avolo la i nemen keneng at langsangan laxasep la kovisi tara goxo ven tu ren, la tara noxo ven box i. Loklok ngangao xusuk tin eburu mi lololos amisik! Tuturun.

Taitas 2:1

Ketla nenu ne Taitas, una lox ase limixin nuunu mi loklok nunuan ik sixit eburu mi levelinga at ne Moroa.

Taitas 2:15

Na levelinga a tong pam i ru, ne Taitas, una anasa limixin me Krit min, kusu una lox alolos lorooro atdi mi na levelinga; la kerepmo bok una vaase sok di, atla kopmen torooro avukat atdi. La tara atdi guta lox abulubun kepe u, mila nenu leeme vapaase at ne Moroa.

Ibru 13:7

Mina doma loklok at luvuttadi amgomgo atnimi gano, mo diga vaase nimi mi Lagale Lavavang at ne Moroa. Mina doma lunuunu diga ruuna i at lorooro atdi se diga met, la mina lok ka lunuunu xerepmo.

Ibru 5:12

At na levenaleng i epovo do mina lok ka lugugu ri anasa limixin mi levelinga at ne Moroa; ketla kopmen mina epovo mila move mik pakes kusu tara na lox ase amu manga nimi mi levenanasa avot at levelinga at ne Moroa. I lok ngan ta do nemi move mi lok ngan lubung kadede, di tus at luvutnen di; kovisi mina epovo kusu mina anan leveluxa lolos.

Jems 1:19

Luvutnetak mi luvurinuk. Mina doxoma na lavanga. Nemi axap mina lok soso ri ronga res, ketla nemen mita vaase porang soso levelinga, la mita musak soso,

Jems 1:26

Lentaba dik lok keretna, “Nenia laradi nuunu la loklok tarak i lox avukat at lemeren ne Moroa.” Ketla do ni xopmen na lok tatao avukat lavapaase ren, ni i xaxarang axa lebelen, la lunuunu ren i ngan lavanga gamasa.

1 Pita 2:12

La minap tuvuk avukat at lemeren nedi lavamolon, la mo do dina sok taba parang nemi mi toloklok kakapmek, nedi dinaba ven kibis ba leveloklok nunuan atnemi la dinaba emi asu mi ne Moroa at laaleng potpot teren.

1 Pita 2:5

Nemi bok mira lok ngan pam larauat too rip kip gu, la ne Moroa xa i xip loogu laplavang minemi, kusu nemi minaba gugu ngan lavamaasa at ne Moroa; la minam taba i mi leventamtaba at loroonan mo ne Moroa naba siam kaka i xeneng at ne Iesu Karisito.

1 Pita 4:10

Nemi getgesara mi ruuna lugugu at loklok tatao levenasen tamtaba at ne Moroa, kuren la mina gugu avukat mi nom leventamtaba axap no ne Moroa ga raba nemi min, ti lok tooro leventaba vetpes.

1 Pita 4:16

Ketla do mina lok ka loklox asongot mumu mun i do nemi luvuttadi mumu asu at ne Karisito, nemen gat nemi guta mangan at loklok di lox i rinimi, ketla mina tong avukat ti ne Moroa atla nemi mip kip laasen at ne Karisito.

1 Pita 5:11

La ateren kusuk mun lololos amisik la kopmen taxavaxap teren. Tuturun.

Lovoang At Ne Jut 1:25

Leemi asu ri ne Moroa, neni Laradi Loklox Arooro atdik la neni lo Moroa xusuk mun; la lololos axap la loklok ngangao gat pas tin ganoxa at lereot, it pas bok tin at na levenaleng lingina, la nabat pas bok tin ap mo levenaleng i tu melamgo. At laasen at ne Iesu Karisito, Leeme Silok atdik. I ruturun.