1 Pita 4:1 - Madak

¹ Karisito ga suma losongsongot at labantuxu ren, kuren la nemi bok mina ru lolos ngan levendoxoma neni ga ruuna i; mo do nege i ekip tangarang mi losongsongot at labantuxu ren mumu lunuunu ren saparap ne Karisito, i lox asuusu i do neni ixok lok bok ba xeneng at laxapmek.

1 Pita 4:1 ပူးပေါင်းရင်းမြစ်များ

Lagale Lavavang At Ne Iesu Karisito Mak Ga Malagan I 3:3

La ne Iesu ga tong i ri nom laradi mi lekngen ga molo keretna, “Una xatu kaxat ude melamgo at limixin axap.”

Lovoang At Ne Pol Ti Limixin Nunu to Rom 6:11

At na mun langas mina doma mu i na do nemi miga met basinge laxapmek, ketla miga roo xat la mit kis esogo eburu mi ne Moroa xeneng at lixitkis eburu atnemi mi ne Iesu Karisito.

Lovoang At Ne Pol Ti Limixin Nunu to Rom 6:2

Kopmen tinotno! I lok ngan do nedik digara met pam basinge laxapmek, kuren la nedik ataba rooro bok ba xeneng at laxapmek kereva?

Lovoang At Ne Pol Ti Limixin Nunu to Rom 6:7

atla do taradi na met, neni naba sepsu basinge lololos at laxapmek.

Galesia 2:20

I lok ngan ta do diga vaxarem ia eburu mi ne Karisito ro at laxaba; la kopmen nenia xa na a rooro, ketla ne Karisito axa na i rooro xeneng tarak. La lorooro nenia ak lok keneng teren, ni lorooro mi lunuunu keneng at ne Nitna ne Moroa, la neni ga balamu ia la ga raba lorooro ren kusu na uu nop loklok tarak.

Galesia 5:24

La nedi limixin at ne Iesu Karisito, digara ke xepe vam lorooro maut la levendoxoma xapmek eburu mi lavavara at labantuxu atnedi.

Epesas 6:13

Kuren la mina siga axap levempanga singsiga at ne Moroa i raba i ri leesep kusu mina gagas avukat ti mo laaleng kapmek at leesep, la miba epovo na tu lolos. La do mi gagas avukat pam, minaba tu tuxuruxun at nom leesep.

Pilipai 2:5

Levendoxoma atnimi na mumu asu mene lodoxoma at ne Iesu Karisito.

Ibru 12:3

Mina doma mumu mo laxasongsongot limixin kapmek diga lox i rin; at na loklok neni lampoovo rinimi, xusu nemi mi noxo molo la mina soxope lunuunu atnimi.

Ibru 4:10

Do tara i ruuna loklok mamas at lorooro ren, neni ira on basinge vam lugugu axa ren at na lavatbung menemen. I lok ngan ne Moroa ga lok mamas basinge lugugu ren.

1 Pita 2:21

La ne Moroa ga ro xaka nemi mumu i na langas at losongsongot, mila ne Karisito axa ga suma losongsongot tinemi la ga lok taba nemi mi na langas, kusu minaba mumu asu lenaim teren.

1 Pita 3:18

Karisito ga met gesara mene nga ri ru korop ti laxakapmek axap atnimi, la neni laradi avukat ga met ti rukun levesongsongot ti limixin di lok laxakapmek, kusu ri lam kaka nemi uto saparap ne Moroa. Diga sev amet labantuxu ren, ketla Loroonan Kaala ga lox aroo xat amlong i;