1 Pita 3:8 - Madak

⁸ Ti lox axap na levelinga xeretna, nemi axap mina ruuna legesa doxoma eburu mi legesa sumsuma xeretna; mina doma mumu nedi di ruuna levenmumuat, la mina ebalamu ela ngan nemi loxoeton la mina belemumu nedi la mina lox asi nemi.

1 Pita 3:8 ပူးပေါင်းရင်းမြစ်များ

Sam 103:13

I ngan ne temen laxamdak i belemumu luvutnitna, kuren la Leeme Silok i belemumu nedi ua dik lok ngangao ren.

Metiu 18:33

Kereva, uxo epovo na balamu mo laradi xerekngan nia aga balamu u?’

Lagale Lavavang At Ne Iesu Karisito Luk Ga Malagan i 10:33

Ketla leeme boro Samaria mo ga mumu ngas ga rupot saparav i, la se neni ga ven i nom laradi, lebelen ga lok mu i.

Leven Gugu 2:1

At lara laaleng limixin me Judaia diga lok laanan silok, diga tong i do Pentikos; nedi limixin axap diga nuunu diga vot eburu ro at lara loogu.

Leven Gugu 27:3

Ap mo lara laaleng melemu maga rupot to Sidon; Julias gak lok loklox avukat aleng ti ne Pol la ni ga siam ti ne Pol kusu ni nat pas la na ven larapen tangas teren, kusu diba raba i mi levempanga salai neni gak pakes tin.

Leven Gugu 28:7

Goxo vaxalom at loxongkangka at laradi silok ne Pabilias, neni laradi gomgo ap mo losoxan. Ni ga lok tooro aleng nama, la at lavantun aleng maga nemen ngan lavaose ro at loogu ren.

Leven Gugu 4:32

Mo luvuttadi nuunu diga nemen mun keneng at legeso doxoma la legese belen. Kopmen teta atnedi ga lok do mo lempanga ren, ateren axa; ketla diga epes di getgesara mi lempanga axap diga ruuna i.

Lovoang At Ne Pol Ti Limixin Nunu to Rom 12:10

Mina balamu rinotno leventaba vetpes i ngan loxoeton tinotno xeneng at ne Karisito, la mina lolos amisik kusu ri lox asuusu loklok ngangao atnimi ti leventaba vetpes.

Lovoang At Ne Pol Ti Limixin Nunu to Rom 15:5

La a vara i do ne Moroa at loklox atnaasan la at lavapaase tooro na raba bok nemi mi luruburu xantubu atnemi xa na ngan langas ne Iesu Karisito gara lok pam i,

1 Korin 1:10

Luvutnetak mi luvurinuk. At laasen at Leeme Silok atdik ne Iesu Karisito, a sing nimi do nemi axap mina etaba belen, kusu kopmen tekarakat noxo nemen kantubu atnimi. Nemi axap mina ru buru mi legeso doxoma la mi lumulus at lebelen nimi.

1 Korin 12:26

Mo do toxot at labantuxu na songot, nedi bok lentaba levengkot petpes at labantuxu diba songot eburu min. Mo do tenep at labantuxu na ruuna ka lomomo, mo bok levengkot petpes diba lok momo eburu min.

Epesas 4:2

Lorooro axap atnimi na umsu mi langsangan loklok ngangao la loklox anare; mina nemen mulus mene la mina lox asuusu labalamu rinedi di lok laxakapmek.

Epesas 4:31

Nemi mina lok kepe axap loklok ti lebelen kapmek, lebelemamao, lumukmusak, loxoxo xaka, lavapaase mumu, la mo axap leveloklok kakapmek.

Epesas 4:32

La mina suxa lorooro atnimi mi lebelen tuntun la labalamu kantubu atnemi limixin nuunu, la mina domampe laxakapmek atnimi getgesara kerekngan ne Moroa ga lok pes laxakapmek atnimi at laasen at ne Karisito.

Pilipai 2:3

Nemen mita doma i do mina lox asilok nimi, ketla mina lox asi nimi maxopok at limixin; amisik mina doxoma mumu nunuan nedi avot la melemu ba nemi, la mina umsu mi langsangan loklok ngangao.

Pilipai 3:16

Ketla lavatpas atdik at na lorooro naba epovo mi lorooro maxat miga lok ka vam i.

Kolosi 3:12

Nemi lavaanat soksoxolik at ne Moroa la neni i balamu nimi. Kuren la, mina siga ka lebelemumu, labalamu, langsangan loklok ngangao, loklox anare la loklox atnaasan.

Ibru 13:1

Mina balamu ela nimi mila nemi limixin at ne Moroa.

Jems 2:13

At lorooro atnimi do kopmen mina ruuna lebelemumu, Moroa naba vaxaru nimi at lavapaase la ni noxo lox asuusu lebelemumu ren tinimi. Loklok ti vaxaru tara at lavapaase ixo lox avukat solo, ketla loklok ti lox asuusu lebelemumu i lox avukat aleng.

Jems 3:17

Ketla nedi limixin di ruuna lodoxoma at ne Moroa, di ruuna loklok keretna. Lara avot, luruptuvuk atdi i dadat, limila i nemen kantubu atdi, loklok mulus bok mo, la ding tonga res at lentaba vetpes; di umsu mi lebelemumu la dik lox amisik leveloklok nunuan. La di ke xepe loklok tik lox asi tara, la loklok kaxarang.

Jems 5:11

Nedik di so asen nedi lavaeme vapaase alii do limixin nunuan mila diga tu lolos. Nemi miga ronga vam leretere at ne Jop; neni ga tu tuxuruxun la ga sosolok laxanmumuat gat pot parav i, la melemu Leeme Silok ga lok luvukat tin. Leeme Silok i umsu mi labalamu la lebelemumu.

1 Pita 1:22

La mo nga, mira ronga ka vam levelinga ruturun la kerepmo lorooro atnemi ira dadat pam la labalamu ruturun i ravasu at lorooro atnimi ti luvutneton nimi; kuren la mina ebalamu ela mi lorooro axap atnemi;

1 Pita 2:17

Mina lok ngangao bok at limixin axap, la mina balamu limixin nuunu; la mina lok ngangao at ne Moroa la at loorong silok bok.

1 Pita 5:5

La nemi bok luvuraau minang tonga ka levelinga at limixin mukun la mina mumu asu i. La nemi axap mina lok kaka langsangan loklok ngangao kusu na umsu kantubu atnemi. I ngan Lovoang Kaala i vaase xeretna, “Moroa naba vaase asi luvuttadi di simi aurut nedi, ketla i lox asu letaba nabalamu ren tinedi dik lox asi di.” Ler 3:34

2 Pita 1:7

la minak lox epasum luvukat ti luvutneton nemi ukeneng ti lomokmokso; la minak lox epasum labalamu ukeneng at luvukat ti luvutneton nemi.

1 Jon 3:14

Nedik ataklen i do dik gara on basinge vam lololos at lanmet, la dik dira beles polo ri lorooro. Nedik takleklen i na mila nedik ta ebalamu ela. Do tara kopmen tabalamu ren, neni move i nemen maxopok at lololos at lanmet.