1 Pita 3:21 - Madak

²¹ la ga lok ngan neni lampoovo at lesep susu, ana nga nemi bok mi roo suu ren. Ni xopmen do rit gos kepe laxakapmek at labantuxu, ketla neni laxakaape mi lox i ri ne Moroa mi lodoxoma avukat. La neni na i lox aroo nemi mumu mun lorooro xat amlong at ne Iesu Karisito,

1 Pita 3:21 ပူးပေါင်းရင်းမြစ်များ

Metiu 28:19

Kuren la mina onon la mina lox ase limixin at lengkot axap kusu diba ravasu ngan luvuttadi loklok ka anasa rak; la mina sep susu di mi laasen at ne Temen dik la ne Nitna eburu bok mi Loroonan Kaala.

Lagale Lavavang At Ne Iesu Karisito Mak Ga Malagan I 16:16

Dola tara na nuunu at Lagale Lavavang tarak la mina sep susu i, neni naba roo suu. Dola tara noxo nuunu at Lagale Lavavang tarak, neni naba seeve.

Lagale Lavavang At Ne Iesu Karisito Jon Ga Malagan I 13:9

Simon Pita ga lok, “Leeme Silok, nemen uta gos kusuk mun luxangkedek tarak. Una gos bok lukngak mi lavatlak tarak.”

Leven Gugu 16:33

Ap mo mene laaleng at laxanimin laradi loklok tatao loogu xokoxo ga sat kaka du la ga gos levenin kooxing atdu; la neni eburu minedi diga nemen at loogu ren diga lok ka lesep susu ap mo mene loxonaleng.

Leven Gugu 2:38

Pita ga lok tidi, “Nemi getgesara mina leeng basinge leveloklok kakapmek atnimi, la mina lok kaka lesep susu at laasen at ne Iesu Karisito kusu ne Moroa naba doxoma xepe leveloklok kakapmek atnimi la nemi minaba ruuna ka na laramtaba at Loroonan Kaala.

Leven Gugu 22:16

La nemen utat kis gamasa. Katu kaxat la una lok ka lesep susu la ne Moroa naba doxoma xepe leveloklok kakapmek taram, mo do una sing ti loklok tooro at Leeme Silok.”

Leven Gugu 8:36

Nedu dugat pas ap mo langa la duga rupot to at lara loxot ladan ga nemen teren. La mo laradi gomgo ga lok, “Ladan na ik lok. Lai mo ik lok pe ia do ana lok kaka lesep susu?”

Leven Gugu 8:37

[Pilip ga lok tin, “Nenu u epovo do una lok ka lesep susu, mo do u nuunu ruturun mi lorooro axap taram.” Ni ga vorang i rin, “A nuunu do Iesu Karisito neni Nitna ne Moroa.”]

Lovoang At Ne Pol Ti Limixin Nunu to Rom 5:14

Ketla ga ru ka i at levenaleng at ne Adam i se at levenaleng at ne Moses, lanmet ga ru pavaa limixin axap, la ga ru pavaa bok nedi di goxo lok laxakapmek ngan lara ne Adam ga lox i, ni ga ronga xepe levelinga at ne Moroa. Ne Adam ga ru katling lara laradi mo ga vot melemu.

1 Korin 12:13

Nedik axap limixin, ne Moroa gara suxuna vam dik mi mo legeso Roonan Kaala ren, kuren mun la nedik at legesa bantuxu; mila nedik axap ataga lok ka vam legeso Roonan Kaala ne Moroa ga raba nedik min. Keke i do buaang atnedik limixin, la nedik at levengkot petpes, leventaba at leme Judaia, la leventaba xopmen di me Judaia, la leventaba nedi levenasaxaruki, la leventaba nedi luvuttadi mene xuren.

1 Korin 4:6

Luvutnetak mi luvurinuk. Ara vaase poovo vam minema’ mi ne Apolos, i ngan nema’ luampoovo ri nom axav i levelinga nenia a malagan i. La maxeneng at nom i, minaba xasep ap mo levelinga i lok keretna, ‘Mina ila mumu avukat levelinga at luvuttadi amgomgo, kerekngan Lovoang Kaala i tong i.’ La kerepmo mi noxo xip aurut taasen at tara taradi gomgo atnimi la mi noxo lox asi taradi gomgo vetpes.

2 Korin 1:12

Nema ma lok momo aleng, mila lodoxoma nunuan atnema i lox ase nema do, loklok atnema at na lavatbung menemen ngan maga ebibinat ka minemi, ga lok nunuan mene nga la kopmen taxakapmek teren ngan ne Moroa ga lok tooro nama min. Kuren mun maga mumu asu letaba nabalamu at ne Moroa la kopmen do at lakleklen maut at laradi at na laxangka.

2 Korin 7:1

Larapen tangas orong tarak. Na levelinga a tong pam i, ni levengkakaape ne Moroa ga lox i ridik; kuren la ata lox adadat dik basinge leveloklok kakapmek axap, mo i lox abilinga labantuxu la labaroonan atdik, la ata lok ka luruptuvuk i xaala, mi loklok ngangao atdik ti ne Moroa.

Galesia 3:27

Nemi miga sep susu ukeneng at laasen at ne Karisito, la amo nga Moroa ga lok nimi xusu mina vee ngan ne Karisito.

Epesas 5:26

Neni ga lox i xuren kusu ri lox adadat di basinge laxakapmek. Ni ga lox adadat di mi levelinga ren i ngan ladan.

Kolosi 2:12

Se nemi miga lok ka lesep susu, i lok ngan ta do miga vutup at lamaaut eburu mi ne Karisito la ap mo lesep susu bok nemi miga xatu kaxat amlong eburu mi ne Karisito keneng at lunuunu atnimi la lololos at ne Moroa, mo ga lox aroo xat ne Karisito basinge lanmet.

1 Timoti 1:5

Lavasuun at nai levelinga rak, ti lox axatu labalamu xantubu at limixin nuunu; nom labalamu i ravasu boro xeneng at lorooro kopmen taxakapmek teren la boro bok at lodoxoma, kopmen tusumsuma xapmek teren la boro bok at lunuunu ruturun.

1 Timoti 6:12

Unak sixit lolos at lekampoovo at lunuunu, kusu unaba ruuna ka mo lorooro i nemen amisik; ti mo mene lorooro ne Moroa ga ro ka u rin ap mo laaleng nenu ga vaase asu lunuunu ram to melamgo at limixin buaang.

Ibru 10:22

Kuren la mina vosiga ne Moroa do lebelen nimi irak mokso vam la lunuunu atnimi irat matkun pam la lebelen nimi xopmen tusumsuma xapmek teren mila ne Moroa ga lox adadat pam nimi kerekngan di gos labantuxu atdik mi ladan i nunuan.

Ibru 11:19

Abaram gaklen i do ne Moroa i epovo na lox arooro luvuttadi met; ketla ne Moroa ga sep pepe i la ni goxo sev amet ne Aisak. I lok ngan ta do ne Moroa ga lox arooro ne Aisak basinge lanmet.

Ibru 13:18

Mina ngising amisik ne Moroa do neni na lok tooro nama. Nema xopmen mana ruuna tusumsuma xapmek mila maklen i do lebelen nama ip sepsen tino, la ma vara aleng i do mana ruuna luruptuvuk i nunuan axap.

Ibru 9:14

Ketla na loklok at lekabus migomgo kopmen na epovo mi mo lavanga ne Karisito ga lox i. At loklok tooro at Loroonan at ne Moroa neni ga raba xa i ri ne Moroa ngan laplavang avolo, goxopmen taxakapmek teren, kusu na lox adadat dik basinge laxakapmek mo ba lox asuusu lanmet. Kerepmo i epovo do ata mu asu lavavara at ne Moroa, mo i rooro.

Ibru 9:24

Karisito goxo lok lugugu ren to xeneng at loxot kaala limixin diga lox i; mo loxot ni lampoovo mun ap mo loxot tuturun no vana at laxalibet. Ketla neni ga vubeles to vana at laxalibet kusu na tu ro at lemeren ne Moroa la na ngising i ri lok tooro dik.

1 Pita 1:3

Ata emi asu mi ne Moroa neni ne Temen, Leeme Silok atnedik ne Iesu Karisito, mumu mun lebelemumu silok teren tinedik, la neni ga lox arooro xaka amlong ne Iesu Karisito basinge lanmet kusu ri raba nedik mi lorooro maxat. La nai, ik suxa nedik mi lodoxoma voovo ri lorooro avolo.

1 Pita 3:16

Ketla mina vaase ridi mi lumulus la loklok ngangao, la lorooro atnimi nak lok nunuan kusu do dina paase xapmek mumu lorooro avukat atnemi keneng at ne Karisito, dinaba mangan at levelinga kapmek nedi di paase i.