1 Pita 3:18 - Madak

¹⁸ Karisito ga met gesara mene nga ri ru korop ti laxakapmek axap atnimi, la neni laradi avukat ga met ti rukun levesongsongot ti limixin di lok laxakapmek, kusu ri lam kaka nemi uto saparap ne Moroa. Diga sev amet labantuxu ren, ketla Loroonan Kaala ga lox aroo xat amlong i;

1 Pita 3:18 ပူးပေါင်းရင်းမြစ်များ

Metiu 27:19

Ap mo loxonaleng Paelat gat kis at loxot kitkis at laradi rongtonga linga; la latkin teren ga lox aonon na levelinga rin, ga lok keretna, “Nemen gat uta lok tavanga ri na laradi kopmen taxakapmek teren, mila itinongo at laxanimin nia ata robo i la labalak ixo xis aulis tino.”

Metiu 27:24

Paelat ga ven kibis i do limixin di goxopara na ronga levelinga ren, la diga lok do dina ru kaxat ka leesep. Kuren la neni ga lok ka loxodan la ga gos lukngen to melamgo at limixin la ga lok tidi, “Kopmen tekot tarak at na. Lavanga mun atnimi.”

Lagale Lavavang At Ne Iesu Karisito Jon Ga Malagan I 16:10

Neni naba lox ase di mi loklok mokmokso, mila nenia anabat pas uto at ne Tamak la minoxo ven bok ba ia.

Leven Gugu 22:14

Ni ga lok, ‘Moroa at lavalabat atdik ga soxolik ka vam u do unaklen lodoxoma ren, la uba ven kibis Lanarong teren, luruptuvuk teren ik mokso; la unang tonga levelinga ren.

Leven Gugu 3:14

Neni laradi dadat la mokmokso; ketla nemi miga lok abulubun kepe i, la miga sing ne Paelat kusu na soxomus asu laradi sepsev amet tadi.

Lovoang At Ne Pol Ti Limixin Nunu to Rom 1:4

Ti loklok teren i xaala aleng, ne Iesu ga lok kaka laasen do Nitna ne Moroa at loxonaleng ni ga roo xat amlong basinge lanmet mi langsangan lololos teren.

Lovoang At Ne Pol Ti Limixin Nunu to Rom 4:25

Moroa ga song araba i xusu naba met mumu laxakapmek atnedik, la ni ga roo xat amlong kusu ri lox asepmus dik.

Lovoang At Ne Pol Ti Limixin Nunu to Rom 5:2

La neni gara siam ka vam nedik mumu lunuunu atnedik, la levereven kibis atnedik ti letaba nabalamu at ne Moroa, mo nga nedik di rooro ren. Nedik di momo mumu levendoxoma voovo atnedik do neni naba lox asuusu lisisixam teren tidik.

Lovoang At Ne Pol Ti Limixin Nunu to Rom 8:11

Mo do Loroonan at ne Moroa, mo ga lox aroo ne Iesu basinge lanmet, nak lok keneng atnemi, ne Moroa, mo ga lok aroo ne Karisito basinge lanmet, neni naba raba bok labantuxu atnemi mi lorooro, atla Loroonan teren ik lok keneng atnemi.

Lovoang At Ne Pol Ti Limixin Nunu to Rom 8:3

Lenavolo goxo epovo ri lox arooro limixin atla limixin diga ruuna laxakapmek keneng at lorooro atdi; ketla ne Moroa ga lox arooro dik, neni ga riki asi lamdak tinotno ren, la neni ga lok kepe laxapmek keneng at limixin. La ni ga ruuna ka labantuxu ngan labantuxu at limixin kusu na raba lorooro ren ngan laxaavuk.

2 Korin 1:24

Ma xopara i do mana pu soso nimi ri levelinga salai miba nuunu ren, mila mi tu lolos pam at lunuunu atnimi. Ketla ma gugu xantubu atnimi xusu miba ruuna ka lomomo.

2 Korin 13:4

I ruturun do neni ga merem at laxaba, la ap mo loxonaleng goxopmen tololos teren, ketla mo nga i rooro amisik mi lololos at ne Moroa. Kerepmo nema luvuttadi gugu ren, kopmen tololos atnama, ketla at lugugu atnema xantubu atnimi, nema manaba ruuna lololos at ne Moroa, mila nema mat kis ekilen eburu mi ne Karisito.

2 Korin 5:21

Karisito neni xopmen taxakapmek teren, ketla ti lununuan tidik, Moroa ga lox i ga xip tutu mi laxakapmek atdik, kusu keneng teren ataba ravasu ngan limixin mokmokso at ne Moroa.

Galesia 1:4

Iesu ga raba lorooro ren ti ru korop ti laxapmek atnedik kusu neni naba lox asepmus nedik basinge leveng kakapmek at na levenaleng lolos; ana ga ravasu ngan lavavara at ne Moroa ne Temen nedik.

Galesia 3:13

Ketla ne Karisito ga ruuna ka lasaxaek at loxonaleng neni ga ru korop ka lasaxaek, no ne Moroa im taba nedi di mumu asu Lenavolo min; kerepmo neni ga un ka amlong nema basinge nom lasaxaek; i ngan Lovoang Kaala i vaase i xeretna, “Do nege na rem to vana at laxaba, neni i ruuna xaka lasaxaek boro at lebelemamao at ne Moroa.” Len 21:23

Epesas 3:12

Maxeneng teren nedik ta epovo na vosiga ne Moroa, kopmen tavanga i ru pe dik la kopmen tainmarat, mo do dik ta nuunu at ne Iesu Karisito.

Taitas 2:14

Neni ga raba i xusu neni na un kaka amlong nedik basinge laxakapmek atdik ngan limixin dadat la kusu tana nemen ngan limixin teren kusuk mun la tana lolos ti lok leven gugu nunuan.

Ibru 10:10

Ne Karisito ga mu asu lavavara at ne Moroa, la neni ga raba lorooro ren ngan laplavang at legesa xonaleng mun kusu na lox adadat limixin basinge laxakapmek atdi.

Ibru 9:14

Ketla na loklok at lekabus migomgo kopmen na epovo mi mo lavanga ne Karisito ga lox i. At loklok tooro at Loroonan at ne Moroa neni ga raba xa i ri ne Moroa ngan laplavang avolo, goxopmen taxakapmek teren, kusu na lox adadat dik basinge laxakapmek mo ba lox asuusu lanmet. Kerepmo i epovo do ata mu asu lavavara at ne Moroa, mo i rooro.

Ibru 9:26

Do ne Karisito gita mumu mo loklok, neni gitaba suma amisik losongsongot, ga ru ka i at lavakpaxaru kaxat at na lavatbung menemen. Ketla at na levenaleng kavaxap, ne Karisito ga vot gesara mun kusu na raba lorooro ren ngan laplavang ti lok kepe laxakapmek la ti lox arooro dik basinge lololos at laxakapmek.

Ibru 9:28

La kerepmo ne Karisito ga met gesara mun ngan laplavang kusu na lox adadat buaang limixin basinge laxakapmek atdi; la neni nabamlong bok sev agepura, kopmen ti met nop loklok atdik, ketla neni naba lox arooro rino nedi dit kis tangais i.

Jems 5:6

Nemi mi lok li limixin avukat at lavapaase la mip sev amet nedi di goxo lok taxakapmek; la kopmen dina tu ebelen eburu minimi.

1 Pita 3:19

la at lorooro xat at loroonan teren, neni ga vavang ti limixin, labaroonan atnedi gak lok at loxokoxo.

1 Pita 4:1

Karisito ga suma losongsongot at labantuxu ren, kuren la nemi bok mina ru lolos ngan levendoxoma neni ga ruuna i; mo do nege i ekip tangarang mi losongsongot at labantuxu ren mumu lunuunu ren saparap ne Karisito, i lox asuusu i do neni ixok lok bok ba xeneng at laxapmek.

1 Pita 4:6

Neni ba na lavasuun teren la ne Iesu ga vavang bok mi Lagale Lavavang ti limixin diga met pam, atla neni naba viila axap limixin mumu mo leveloklok diga lox i at lorooro atdi. Ketla Lagale Lavavang gat pas tinedi xusu labaroonan atnedi naba roo la dinaba epovo ri rooro avolo ngan ne Moroa.

1 Jon 1:9

Ketla mo do nedik ta soxomus asu laxakapmek atnedik ti ne Moroa, neni naba doxoma xape i la neni naba lox adadat nedik basinge leveloklok kapmek axap atdik, mila neni Laradi Ruturun la Leeme Mokmokso.