1 Pita 2:23 - Madak

²³ At loxonaleng diga paase aksaksa rin, neni goxo vorang di mi teloklok bok kuren; la at laaleng neni ga lok kaka loklox asongot, neni goxo lok tepanga, ketla neni ga lok li levendoxoma axap teren at ne Moroa neni laradi rongtonga linga la na lugugu ren ik mokso rinotno.

1 Pita 2:23 ပူးပေါင်းရင်းမြစ်များ

Sam 10:14

Ketla nenu, Leeme Silok, u ven lenget ka mo levenmumuat la levesongsongot dik lox i ri limixin baava, la u gagas amisik kusu una lok tooro di. Limixin pakpakes di vosiga u xusu una lok tooro di la uk lok tooro amisik di.

Sam 31:5

A lox abeles ia ukeneng at loklok tatao ram. Leeme Silok, unaba lox asepsu ia, nenu ne Moroa uk lox asoorun amisik levelinga ram.

Sam 37:5

Mina ke raba Leeme Silok mi lorooro ram; mina nuunu saga ren la ni naba lok tooro nimi,

Sam 7:11

Moroa ni lagale laradi rongtonga linga la levelinga ren ik mokso. Amisik ni i paase asi limixin kapmek.

Sam 96:13

at loxonaleng Leeme Silok na vot kusu rim gomgonga lavatbung menemen. Neni nabam gomgonga limixin at lavatbung menemen mi lodoxoma mokmokso la levelinga ruturun.

Lagale Lavavang At Ne Iesu Karisito Luk Ga Malagan i 23:41

La lumumuat tida ik mokso mila taga lok laxakapmek, i epovo ri na lumumuat; ketla neni laradi goxo lok taxakapmek.”

Lagale Lavavang At Ne Iesu Karisito Luk Ga Malagan i 23:46

La ne Iesu ga xup lolos, ni ga lok, “Tamak, a lok li loroonan tarak at lukngam!” Ni ga tong i na la ga met ta.

Lagale Lavavang At Ne Iesu Karisito Luk Ga Malagan i 23:9

Kuren la ne Erodes ga sue ne Iesu mi laxasusue solo, ketla ne Iesu goxo vorang i mi tekolinga.

Leven Gugu 17:31

Mila neni ira lok katling pam lara laaleng neni naba lok li limixin axap at lavapaase, la lavapaase ren nabak mokso aleng; la ni ga soxolik ka vam lara laradi xusu na ronga linga at laaleng ete. Ni ga lox asuvos pam mo laradi ri limixin axap mi loklok katling keretna, ni ga lox aroo amlong i basinge lanmet.”

Leven Gugu 4:29

Monga Leeme Silok, u ronga vam mo levelinga lolos di tong i; la una lox abelemes nema lavasaxaruki ram kusu mana vaase asu Lagale Lavavang.

Leven Gugu 7:59

Nedi move diga lulu uat ne Stiven la ni ga sing keretna, “Iesu, Leeme Silok, una lok ka loroonan tarak!”

Leven Gugu 9:1

Ap mo levenaleng Sol move ga lolos do nap sev amet limixin nuunu at Leeme Silok. Ni gat pas uto at lamaasa gomgo,

Lovoang At Ne Pol Ti Limixin Nunu to Rom 2:5

Ketla levendoxoma atnemi i rebonot la mi xopara na leeng; kuren la mi lox asilok nom loklox asongot tinemi ap mo laaleng ne Moroa naba ila mumu loklok at limixin la na lox asu lebelemamao ren ti lasaxaven.

Epesas 6:9

Nemi lubung amgomgo. Luruptuvuk atnemi na lok ngan legesara parap lavasaxaruki atnimi la mina xap at loklok ti paase mukmusak tidi. Mina doxoma i do ne Karisito laradi gomgo atnimi la atnedi bok, la ik lok to vana at laxalibet la i viila mumu nedik axap mi leges ampoovo mene nga.

2 Tesalonia 1:5

Lunuunu atnimi i tu lolos, la na i lox asuusu i do lodoxoma at ne Moroa ik mokso aleng la at laaleng ete neni naba ila mumu loklok atnimi la minaba epovo xusu mina vubeles uto xeneng at Linintoo ren. Ni lavasuun at levesongsongot atnimi.

2 Timoti 1:12

Ni lavasuun teren la nia arap kip levesongsongot; ketla nia move a tu lolos mila nia a nuunu at ne Iesu Karisito; la akleklen tinotno i do neni i epovo na lok tatao ia la na lok tatao bok mo lugugu ne Moroa ga raba ia min, se ap mo laaleng neni nabamlong teren.

2 Timoti 4:8

Lavatbungorong tia i ngan luunun ti luvuttadi mokmokso mo i nemen tangais ia. Leeme Silok ni laradi rongtonga linga la loklok teren ik mokmokso, ni naba raba ia mi nom luunun ap mo laaleng neni nabamlong teren. La kopmen tia xusuk ketla tinedi bok di ngangais mi lodoxoma liplivi ri lomlong teren.

Ibru 12:3

Mina doma mumu mo laxasongsongot limixin kapmek diga lox i rin; at na loklok neni lampoovo rinimi, xusu nemi mi noxo molo la mina soxope lunuunu atnimi.

1 Pita 3:9

Nemen gat miguta vorang laxapmek mi laxapmek kopla mina vorang lavapaase kapmek mi lavapaase kapmek bok; ketla mina vorang i na leveloklok mi loklox anarong, atla loklok anarong neni lavanga ne Moroa ga xaape xusu neni naba raba nemi min at laaleng neni ga ro xaka nemi.

1 Pita 4:19

Kuren la nedi dik lok kaka losongsongot mila dik lok mu asu lavavara at ne Moroa, dina tu lolos at leveloklok nunuan, la lunuunu atnedi na tu tuxuruxun at ne Moroa, laradi runtudum li, la neni kopmen na domampe laxakaape ren.

Lisilimet 19:11

La nia aga ven laxalibet ga rem suang la aga ven lara lavaros bunbun. La mo laradi gat kis go mavana ren, laasen teren, ne Luruturun. Lodoxoma ren ik mokso la kerepmo neni laradi ing tonga linga la ik paxaru kaxat levenesep.