1 Pita 2:12 - Madak

¹² La minap tuvuk avukat at lemeren nedi lavamolon, la mo do dina sok taba parang nemi mi toloklok kakapmek, nedi dinaba ven kibis ba leveloklok nunuan atnemi la dinaba emi asu mi ne Moroa at laaleng potpot teren.

1 Pita 2:12 ပူးပေါင်းရင်းမြစ်များ

Sam 37:14

Limixin kakapmek di gagas li levenise esep atnedi mi levesoosoo, ti sev asi limixin banbalo eburu mi limixin dik pakes, ti sep amet nedi di lok leveloklok ik mokso,

Sam 50:23

Loklok ti tong avukat, ni lagale laramtaba ip kip aurut laasen tarak, la nia anaba lox asepsu rinotno nedi di ronga res tarak.”

Metiu 10:25

I epovo do lamdak loklox ase na ngan mun leeme loklox ase ren; la lasaxaruki na ngan mun laradi gomgo ren. Mo do limixin dina so asen laamgomgo at lixitkis koetemen mi ne Belsebul, diba so asen gilipu levenasen atdi axap di nemen keneng ap mo loogu mi levenasen kapmek!”

Metiu 5:11

Luvukat mo ik lok tinemi do limixin diba vaase aksaksa rinimi la diba sev asongot nimi la diba paase mumu nimi mi levelinga xaxarang mila nemi limixin tarak.

Metiu 5:16

La kerepmo bok laxasep atnemi na soso ro melamgo at limixin, kusu diba reven leveloklok nunuan mik lox i, la diba emi asu mi ne Moroa ne Temen nimi boro vana at laxalibet.”

Metiu 9:8

Se mo limixin axap diga ven i na, diga lingun, la diga emi asu mi ne Moroa, mo ga raba lololos kerepmo ti limixin.

Lagale Lavavang At Ne Iesu Karisito Luk Ga Malagan i 1:68

“Ata emi asu mi ne Moroa, Leeme Silok me Israel! Ga vot ti soxomus asu limixin me Israel at loxokoxo at ne Satan.

Lagale Lavavang At Ne Iesu Karisito Luk Ga Malagan i 19:44

Diba lok kapmek tinotno nimi eburu mi laxamdak mi laxaalik atnimi dik lok maxeneng at langas uat; la kopmen tinotno tegesa xonuat diba ke i at toxot teren, mila mi goxo ven kibis i do ne Moroa ga vot kusu na lox arooro nimi!”

Lagale Lavavang At Ne Iesu Karisito Luk Ga Malagan i 6:22

Luvukat tinemi, mo do limixin kapmek dina ven nimi mina mumu asu ia, Laradi Mevana, la dina musak nimi, la dina sok tixirixes nimi, la dina vaase kapmek tinimi, la dina lok tinimi do nemi limixin kapmek.

Lagale Lavavang At Ne Iesu Karisito Jon Ga Malagan I 13:31

Judas ga onon pam, la ne Iesu ga lok, “Monga lisisixam tarak, Laradi Mevana, naba ravasu asuvos, la maxeneng teren limixin diba ven axasep avukat lisisixam at ne Moroa keneng tarak, ne Nitna.

Leven Gugu 15:14

Ana vam ne Simon ira soxomus pam i do ganoxa ne Moroa ga lox asu labalamu ren saparap limixin kopmen di me Judaia la ga lok kaka lentaba atnedi xusu tin.

Leven Gugu 24:13

Ketla dixo epovo do dina lox asuusu i do na levelinga atdi i ruturun.

Leven Gugu 25:7

Pol ga rupot, la leme Judaia no diga vas kaxat boro Jerusalem diga ru xangkan i la diga lok li laxampapaase lolos mumu i; ketla kopmen di goxo lox asuusu i do levelinga atdi ga ruturun.

Leven Gugu 28:22

Ketla ma vara i do mana ronga levelinga ram, mila ma ronga i do at lengkot axap limixin di paase mumu nom libinam tadi nenu uk lok teren.”

Lovoang At Ne Pol Ti Limixin Nunu to Rom 12:17

Do tara na lok laxakapmek tinemi, nemen gat miguta vorang i mi laxakapmek. Mina lok tong pen tinotno i xusu mina lok levempanga ik mokso ro melamgo at limixin axap.

Lovoang At Ne Pol Ti Limixin Nunu to Rom 13:13

Mina lok kaka luruptuvuk nunuan, na ngan do limixin dik lok keneng at laxasep at laaleng kangking; nemen gat miguta raba gamasa lorooro atnemi ri levempanga ik lok kapmek lorooro, ngan liinin tangtangku laxangkadan lolos, loklok kakapmek maxamang at lixitkis epot, lengkot mamangan, lekarakat, la levereven peves.

Lovoang At Ne Pol Ti Limixin Nunu to Rom 14:18

La dola nege i lox epovo lugugu ri ne Karisito at na langas, neni ba lox amomo ne Moroa la limixin diba lok momo mi na loklok teren.

Lovoang At Ne Pol Ti Limixin Nunu to Rom 15:9

la ti lox avolo limixin kopmen nedi me Judaia xusu dina epovo ri emi asu mi laasen at ne Moroa mumu lebelemumu ren. I ngan Lovoang Kaala i vaase i xeretna, “Ni lavasuun teren la anaba tong loklox avukat tu xantubu at limixin kopmen di me Judaia, la anak pixan ti emi asu mi laasen taram.” Sam 18:49

1 Korin 14:25

la dinaba ven kibis levempanga xakapmek i nemen keneng at lorooro atnedi; at na mun i loklok dinaba xis tiktikbu la dina lok ngangao ri lotu saparap ne Moroa, la dina tong asu i do, “I ruturun tinotno, Moroa i nemen eburu minimi.”

2 Korin 1:12

Nema ma lok momo aleng, mila lodoxoma nunuan atnema i lox ase nema do, loklok atnema at na lavatbung menemen ngan maga ebibinat ka minemi, ga lok nunuan mene nga la kopmen taxakapmek teren ngan ne Moroa ga lok tooro nama min. Kuren mun maga mumu asu letaba nabalamu at ne Moroa la kopmen do at lakleklen maut at laradi at na laxangka.

2 Korin 13:7

Ketla monga ma sing ne Moroa do nemi mi noxo lok taxapmek, kopmen ti lox asuusu i do nema maga volo vam ap mo loklok tong pen; ketla ma sing tinemi xusu miba ravasu ngan limixin nunuan at ne Moroa la keke i do nema mana subu kot.

2 Korin 8:21

Lodoxoma atnama xeretna, ma vara aleng i do mana nemen mokmokso, la kopmen to at lemeren Leeme Silok kusuk, ketla to bok at lemeren limixin.

Epesas 2:3

Nedik axap taga nemen kuren, taga lok lempanga kusu ri lox amomo mun lodoxoma la labantuxu atdik, mo ga umsu mi lavavara kapmek at lorooro maut. La nedik taga nemen maxopok at lebelemamao at ne Moroa kerekngan nedi.

Epesas 4:22

Miga lox ase kusu mina lok kepe lorooro maut mo gak lok at lorooro atnimi ganoxa, la lodomdoma ri laxakapmek gara lok kapmex i.

Pilipai 1:27

Nemen mita doxoma solo ri lavanga salai mo naba vot saparav ia, ketla luruptuvuk atnemi na epovo mi Lagale Lavavang at ne Karisito. Kuren la do nia ana vot pasa bok nimi kopla a noxo vot, aba ronga ba i do mi tu lolos mi legese belen la legesedoxoma, la mit kis eburu ngan legesara kusu mina esep lolos ti lunuunu mumu Lagale Lavavang.

Pilipai 4:8

Ti lox axap levelinga rak, luvutnetak mi luvurinuk; mina suxa umsu lodoxoma atnimi mi levempanga nunuan la nom i lox asuusu leemi asu, levempanga mo i ruturun, loklok mokmokso la loklok dadat, la loklok ti balamu, la loklok ti lok ngangao at leventaba vetpes.

1 Tesalonia 4:12

Kerepmo lavamolon diba lok ngangao atnimi la mi noxok pakes ti loklok tooro at limixin petpes.

1 Timoti 2:2

la levesingising bok ti lok tooro lavaorong silok la tinedi limixin amgomgo, kusu ataba nemen atnaasan at lorooro nunuan eburu mi limila, la lorooro atdik na umsu mi loklok ngangao saparap ne Moroa la kopmen taxakapmek teren.

1 Timoti 4:12

Nemen uta ke xepe tara na vas asi u ukopok atla nenu laau doxodok; ketla una lok ngan lampoovo ri limixin nuunu, at levempapaase ram, luruptuvuk taram, labalamu ram, lunuunu la loklok i dadat.

1 Timoti 5:10

la lorooro ren i umsu mi leven gugu nunuan la lorooro ren ga lok keretna. Neni latkin loklok tatao avukat laxamdak mi laxaalik teren, la ni ga lok maraose mi limixin kadiong diga vot to at loogu ren, la ni ga lok levempanga nunuan tinedi limixin nuunu la ni ga lok tooro nedi diga xip tutu mi levenmumuat, la ga raba axap lorooro ren ti lok leven gugu nunuan.

Ibru 13:18

Mina ngising amisik ne Moroa do neni na lok tooro nama. Nema xopmen mana ruuna tusumsuma xapmek mila maklen i do lebelen nama ip sepsen tino, la ma vara aleng i do mana ruuna luruptuvuk i nunuan axap.

Ibru 13:5

Mina ke xepe loklok ti vavara solo levempilas la mina lok momo mi mo levempanga mi ruuna i, mila ne Moroa ga lok keretna, “Nia noxo on basinge rinotno nimi la loklok tatao rak kopmen tinotno noxo xap.” Len 31:6

Jems 3:13

Do tara xantubu atnemi i ruuna lodoxoma avukat mi lakleklen solo, neni na lox asuusu i mi lavatpas teren i lox avukat axap la i umsu mi leveloklok nunuan; neni i lox i na mi langsangan loklok ngangao mi lodoxoma avukat.

1 Pita 2:15

mila ne Moroa i vara i do minak lok leven gugu nunuan kusu minaba vamus levelinga gamasa at luvuttadi rangtangku.

1 Pita 3:16

Ketla mina vaase ridi mi lumulus la loklok ngangao, la lorooro atnimi nak lok nunuan kusu do dina paase xapmek mumu lorooro avukat atnemi keneng at ne Karisito, dinaba mangan at levelinga kapmek nedi di paase i.

1 Pita 4:11

I ngan nege do neni laradi vavang, neni na vavang akmokso mi levelinga at ne Moroa; la do nege i gugu taba, neni na gugu taba mi lololos ne Moroa im taba i min, kusu keneng mun at na leventamtaba axap, leemi asu nabat pas ti ne Moroa mumu mun ne Iesu Karisito. Leemi asu la lololos tin amisik la kopmen taxavaxap teren. Tuturun.

2 Pita 3:11

Kuren la nemi minaba lok ngan limixin sala rinotno, do minaklen i do na lavatbung menemen naba rem utut keretna? Lorooro axa atnemi na xaala la kopmen taxakapmek noxok lok teren.