1 Pita 1:8 - Madak

⁸ Nemi xovisi mina ven tu ren, ketla mi kox i; la mo nga mixo ven tu ren, ketla mi nuunu ren. La mi umsu mi lomomo i silok aleng, la neni mo lomomo nenia axo epovo xusu ana mii poovo i mi tepanga mila i silok aleng.

1 Pita 1:8 ပူးပေါင်းရင်းမြစ်များ

Metiu 10:37

Do nege i balamu aleng ne temen kopla nenen la ixo balamu aleng ia, neni xopmen na epovo do na ravasu ngan laradi rak. Do nege i balamu aleng ne nitna xopla ne nitnono, la ixo balamu aleng ia, neni xopmen na epovo do na lok ngan laradi rak.

Lagale Lavavang At Ne Iesu Karisito Jon Ga Malagan I 14:15

Do mina balamu ia, minaba lok levempanga nia a tong i.”

Lagale Lavavang At Ne Iesu Karisito Jon Ga Malagan I 14:21

Do nege na siam ka levelinga rak la na ronga res teren, neni laradi i balamu aleng ia. La ne Tamak naba balamu nege tara do na balamu ia. La nenia bok anaba balamu i la ana lox asuvos ia rin.”

Lagale Lavavang At Ne Iesu Karisito Jon Ga Malagan I 14:24

Do nege xopmen na balamu ia, neni noxo ronga res at levenanasa rak. La mo levenanasa miga ronga vam i, kopmen atarak, ketla boro at ne Tamak ni ga riki ia.

Lagale Lavavang At Ne Iesu Karisito Jon Ga Malagan I 16:22

I lok kuren mun tinimi; monga nemi mi bulu, ketla aba ven bok ba nimi la minaba umsu mi lomomo, la kopmen tara naba lok pes mo lomomo basinge nimi.

Lagale Lavavang At Ne Iesu Karisito Jon Ga Malagan I 20:29

La ne Iesu ga lok tin, “Ura ven pam ia, kuren la u nuunu rak. Luvukat bak lok tinedi di xovisi na ven ia, ketla di nuunu rak.”

Lagale Lavavang At Ne Iesu Karisito Jon Ga Malagan I 8:42

Iesu ga lok tidi xeretna, “Dola ne Moroa ne Temen nimi, nemi minaba balamu ia mila nenia aga laa boro at ne Moroa la monga nenia ak lok de. A goxo vas kaxat mi lodoxoma axa rak, ketla ne Moroa ga riki ia.

Leven Gugu 16:34

Ni ga lok ka ne Pol mi ne Sailas uto at loogu ren la ga raba nedu mi leveluxa ri anan. Neni eburu minedi diga nemen at loogu ren diga umsu mi lomomo, mila diga nuunu ba at ne Moroa.

Lovoang At Ne Pol Ti Limixin Nunu to Rom 14:17

Linintoo at ne Moroa neni xopmen loklok ti anan la ti inin, ketla neni lomokmokso, la limila, la lomomo at Loroonan Kaala im taba i.

Lovoang At Ne Pol Ti Limixin Nunu to Rom 15:13

A ngising do ne Moroa at levendoxoma voovo axap, na suxa aumsu nemi mi lomomo la limila mumu lunuunu atnemi saparav i, kusu levendoxoma voovo atnemi naba su silok eburu mi lolos at Loroonan Kaala.

1 Korin 16:22

Do nege xopmen na balamu Leeme Silok atdik, lasaxaek naba nemen teren. Leeme Silok atnema, unamlong.

2 Korin 1:22

la neni ga lok katling dik do ateren akmokso la ga lok li Loroonan Kaala ren keneng atdik ngan lampinebeng.

2 Korin 12:4

La go ni ga ronga levelinga i xaala aleng la ixo epovo do tara na tong asu i.

2 Korin 4:18

La amisik ma reven ti ne Iesu, maxo reven ti levempanga at na lavatbung menemen mo noxo nemen abao, ketla ma reven ti levempanga nedik dixo reven i la i nemen amisik.

2 Korin 5:7

La nedik dit pas mi lunuunu, keke i do nedik taxo reven mo lempanga dik di nuunu ren.

2 Korin 9:15

Ata tong avukat tinotno ri ne Moroa ri mo laramtaba ren tidik i silok aleng tinotno.

Galesia 5:22

Ketla mo lara i ruuna Loroonan Kaala at lorooro ren i pisik asu labalamu, lomomo, lenmila, loklox atnaasan, loklox anare, luvukat, loklok tuturun,

Galesia 5:6

Do nema mak lox eburu mi ne Iesu Karisito, mo leveloklok ti rivit kepe lengkontuxu kopmen lavanga silok; ixo lok petpes tinotno xantubu at taradi diga vit kepe toxontuxu ren la tara di goxo vit kepe toxontuxu ren. Ketla legesa vanga mene nga i silok aleng, neni lunuunu la labalamu i ravasu ren.

Epesas 3:19

la miba xasep do nom labalamu ren i silok polo lakleklen at limixin la kerepmo miba umsu mi leveloklox avukat axap at ne Moroa xa.

Epesas 6:24

la letaba nabalamu naba nemen eburu minedi axap di balamu Leeme Silok atnedik, ne Iesu Karisito la mo labalamu noxo xap. I ruturun.

Pilipai 1:25

Aklen tinotno i la a xasep do aba nemen. Nenia aba nemen eburu minemi axap, ti lox asilok lususu at lunuunu atnimi, la kusu lomomo na silok keneng at lorooro atnimi.

Pilipai 3:3

Nedik na digara ruuna ka vam loklok katling tuturun at ne Moroa la nedik di lotu saparap ne Moroa keneng at Loroonan Kaala la nedik di momo xeneng at lixitkis atdik eburu mi ne Iesu Karisito. Nedik kopmen tana nuunu do mo loklok ti rivit kepe lengkontuxu la leveloklok kerepmo at leme Judaia ba lok tooro dik.

Pilipai 4:4

Lomomo atnimi keneng at Leeme Silok na nemen amisik. A tong amu box i do mina momo.

Ibru 11:1

Lunuunu neni loklok tim doma ngangais ti leveloklox anarong ne Moroa naba raba limixin teren min; la lunuunu ik lox aklen dik ti mo levempanga nedik kopmen ta reven tu ren.

Ibru 11:27

Neni ga ruuna lunuunu, kuren la neni ga vas kaxat basinge lemenemen Isip la goxo marat at lumukmusak at loorong silok me go, ketla neni ga tu lolos at lunuunu ren, mila neni ga ven kibis ne Moroa, mo limixin di goxo epovo na ven i.

1 Pita 1:6

La mik lok momo aleng at na lavanga, keke i do mi ekip tangarang lixilik bok be mi tavanga i lox abulu nemi mumu buaang leveloklok tong pen ik lox asongot nemi.

1 Pita 2:7

Mo luat neni i silok at levendoxoma atnemi limixin mi nuunu ren; ketla tinedi dixo nuunu ren, i lok ngan Lovoang Kaala i lok keretna; “Mo luat luvuttadi gugu gu diga lu xepe min do i lok kapmek, ga ravasu ngan luat lugugu ren i volo rinotno mo larauat axap.” Sam 118:22

1 Pita 5:4

La do Laradi Gomgo rinotno at lubungsipsip na vot, minaba ruuna xaka luunun, ni lempatbungorong i ruuna lisisixam, la mo lisisixam teren noxo repes.