1 Pita 1:4 - Madak

⁴ La nedik ataba epovo xusu ataba ven tu at laaleng ua taba lok kaka levenapnovos at leveloklox anarong no ne Moroa ik lok li i ri limixin teren to vana at laxalibet, kusu mo leveloklox anarong noxo lok kapmek la na xap gamasa.

1 Pita 1:4 ပူးပေါင်းရင်းမြစ်များ

Sam 31:19

Nenu u umsu mi lempanga avukat, mo ura gagas li vam i kusu na lox asuusu i rinedi dik lok ngangao aleng taram! U kok avukat nedi di nuunu saga ram, la limixin axap di ven kibis i.

Sam 47:4

Neni ga lok katling ka na lenep kangka atnedik livipisik li at ne Jakop ua tana nemen teren, ni i balamu limixin teren mo di lok momo mi lenep kangka atnedi.

Metiu 25:34

La nenia, Loorong Silok, anaba lok ti limixin to saparap lakngak tino xeretna, ‘Ude nimi, limixin ne Tamak ira lox anarong pam nimi. Minat pas ude la mina ruuna ka leveloklox anarong at Linintoo, ne Moroa ga gagas pam min tinimi at lurutu kaxat at lavatbung menemen,

Lagale Lavavang At Ne Iesu Karisito Mak Ga Malagan I 10:17

La ne Iesu ga vas kaxat uto at lenep petpes la lara laradi ga sixit pot, la ga xis tiktikbu mi luvatgulom teren to melamgo at ne Iesu la ga lok tin keretna, “Leeme loklox ase avukat. Nenia ba lok lavanga sala, kusu anaba lok kaka lorooro avolo?”

Leven Gugu 20:32

La ana nia a lok li nimi maxopok at loklok tatao at ne Moroa la levelinga mumu letaba nabalamu ren ba lok tooro nimi. Neni xa i epovo ri lox alolos lunuunu atnimi la na raba nemi mi lapnovos no ni i gagas li i ri limixin teren.

Leven Gugu 26:18

Nenu uba suang lodoxoma atnedi la uba sat kaka nedi basinge lamain at ne Satan uto at laxasep at ne Moroa, la basinge lolos at ne Satan uto saparap ne Moroa, kusu dina nuunu rak. La kerepmo ne Moroa naba doxoma xepe leveloklok kakapmek atnedi la dinaba ruuna ka loxot tidi xantubu ap mo limixin ne Moroa ga soxolik ka vam di.’

Lovoang At Ne Pol Ti Limixin Nunu to Rom 8:17

La nedik luvutnitna, kuren la atanaba ruuna xaka leveloklox anarong ne Moroa ga lok li ri limixin teren, la nedik eburu mi ne Karisito atanaba ruuna ka bok leveloklox anarong no ne Moroa ga lok li i rin; atla do nedik ata xip tooro ne Karisito mi losongsongot teren, nedik tanaba ruuna ka bok loxot at lisisixam teren.

1 Korin 9:25

Do limixin di nemen keneng at lekampoovo, di mumu asu leventaangas linga axap; di mu asu i xusu diba lok ka lavatbungorong kopmen na nemen amisik; ketla nema ma mumu asu leventaangas kusu manaba lok kaka lavatbungorong, i ngan luunun naba nemen amisik.

Galesia 3:18

Do laramtaba at ne Moroa ri ne Abaram ga vot mumu mene nga Lenavolo, naba milik ngan ta do, mo laramtaba ren kopmen nak lok at laxakaape ren. Ketla mumu mun laxakaape ren ne Moroa, la neni ga lox asuusu letaba nabalamu ren la ga raba laramtaba ren ti ne Abaram.

Epesas 1:11

Maxeneng at ne Karisito, Moroa ga soxolik ka dik do ateren; ganoxa ni ga tong li i xuren, la na i epovo mi lodomdoma alii at ne Moroa, mo ik lok lempanga i ngan lodoxoma la lavavara ren.

Epesas 1:14

Na Loroonan Kaala i lok ngan lampinebeng ti loklox arooro atdik kusu nedik tanaba lok ka mo leventamtaba ne Moroa gara vaase alii vam min ti limixin teren, la nabak lok kuren se at laaleng ne Moroa naba lox epovo loklox arooro ridik. Ata emi asu mi ne Moroa i silok aleng.

Epesas 1:18

Nia a sing bok ne Moroa do lodoxoma atnemi na rem suang kusu miba xasep ap mo leveloklox anarong, neni ga ro ka nimi ri lok ka i. Mo leveloklox anarong i ngan lapnovos silok i lox avukat aleng la i nemen tangais limixin axa ren.

Kolosi 1:12

la miba tong loklox avukat ti ne Temen dik, ni ga lok nimi xusu miba epovo rinotno ri ruuna ka loxot atnimi ap mo luunun ni ga lox agagas li vam i ri limixin teren to xeneng at Linintoo i umsu mi laxasep.

Kolosi 1:5

Na lunuunu la labalamu atnimi i nemen lolos at lorooro atnimi, mila mi ngangais mi lomomo ri mo leveloklox anarong i nemen tangais nimi ro vana at laxalibet; mo leveloklox anarong miga ronga vam i ap mo levenaleng diga vavang mi levelinga ruturun tinimi, mo levelinga ni Lagale Lavavang.

Kolosi 3:24

Mina xasep do Leeme Silok naba raba nimi mi laramtaba, i ngan luunun tinimi, mila nemi mi gugu ri ne Karisito, neni Leeme Silok atnimi.

2 Timoti 4:8

Lavatbungorong tia i ngan luunun ti luvuttadi mokmokso mo i nemen tangais ia. Leeme Silok ni laradi rongtonga linga la loklok teren ik mokmokso, ni naba raba ia mi nom luunun ap mo laaleng neni nabamlong teren. La kopmen tia xusuk ketla tinedi bok di ngangais mi lodoxoma liplivi ri lomlong teren.

Ibru 10:34

Miga balamu nedi digak lok at loogu xokoxo la miga lok momo mene nga do limixin diga sak paxat ka levempanga atnimi mila migaklen i do nemi xa miba ruuna lapnovos i lox avukat aleng no vana at laxalibet, mo lapnovos naba nemen amisik.

Ibru 9:15

Kuren la Karisito, neni laradi ga lok lumulum kantubu at limixin mi ne Moroa, la at na langas neni ga lok lekabus maxat. La nedi ne Moroa gara soxolik ka vam di, diba ruuna amisik leveloklox anarong neni ga vaase alii min tidik. Karisito ga met ngan laxaavuk kusu na lox asepmus limixin teren basinge laxakapmek diga lox i ap mo levenaleng diga mumu lekabus migomgo.

Jems 1:11

Laxangking i urut la iplivi aleng la i lox amolos axap nom lempusuvus aaxa la i subu uto xopok at laxangka; lampeneves teren ira xap. At nom mun langas laradi i ruuna levempanga solo naba met basinge leven gugu axap teren ap mo levenaleng i lok lugugu ren.

1 Pita 3:9

Nemen gat miguta vorang laxapmek mi laxapmek kopla mina vorang lavapaase kapmek mi lavapaase kapmek bok; ketla mina vorang i na leveloklok mi loklox anarong, atla loklok anarong neni lavanga ne Moroa ga xaape xusu neni naba raba nemi min at laaleng neni ga ro xaka nemi.

1 Pita 5:4

La do Laradi Gomgo rinotno at lubungsipsip na vot, minaba ruuna xaka luunun, ni lempatbungorong i ruuna lisisixam, la mo lisisixam teren noxo repes.

Lisilimet 21:27

Ketla kopmen tinotno taxakapmek naba beles keneng teren, nedi dik lok lengkot mamangan kopla di xaxarang, di noxo vubeles teren. Nedi xusuk mene levenasen atdi ik lok to at lubuk at lorooro at Lanasip diba beles keneng teren.