1 Pita 1:17 - Madak

¹⁷ La minaklen i do ne Temen nemi no vana at laxalibet, no nemi mi ngising tin, neni i viila mumu luruptuvuk at limixin la i viila mumu loklok atdi mi legesampoovo mun; kuren la mina raba axap lorooro atnemi at na lavatbung menemen eburu mi loklok ngangao saparav i.

1 Pita 1:17 ပူးပေါင်းရင်းမြစ်များ

Sam 39:12

Leeme Silok, una ronga lising tarak. Una ronga ri lanteng tarak; una lok tooro ia do nia anang teng tuntun. Nia a lok ngan lavalabat tarak diga nemen ngan lavaose ram nade xopok at na lavatbung menemen atla di goxo rooro abao.

Sam 89:26

La neni naba vaase ria xeretna, “Nenu ne Tamak la ne Moroa rak. Nenu Lurutu See Pe rak la Laradi Loklox Arooro rak.”

Metiu 16:27

Nenia, Laradi Mevana, mo anaba vot mi lisisixam silok at ne Tamak la eburu mi lubungangelo, la ap mo laaleng limixin axap dinaba lok kaka luunun i epovo mi leveloklok diga lox i.

Metiu 22:16

La diga riki luvuttadi loklok ka anasa atdi eburu mi limixin diga mumu asu ne Erodes uto saparap ne Iesu. Diga lok tin keretna, “Leeme loklox ase. Maklen i do nenu laradi ruturun la u anasa limixin mi leveloklok at ne Moroa la mo levelinga ram ik mokso. Uxo lok tooro legesa binam tadi xusuk mun mila uxo doxoma solo i do tara i ruuna laasen silok kopla kopmen.

Metiu 6:9

Do mina sing, mina mu asu i xeretna, ‘Temen nama no vana at laxalibet, mana lok ngangao at laasen taram.

Lovoang At Ne Pol Ti Limixin Nunu to Rom 11:20

I ruturun. Diga repit pes atla di goxo nuunu, la nemi miga ru kun nedi atla nemi miga nuunu. Ketla nemen gat miguta doma i do mi silok; mina lok tatao nimi kusu nemi bok mi noxo subu.

2 Korin 1:2

Letaba nabalamu mi lenmila rinemi boro at ne Moroa ne Temen nedik la Leeme Silok atdik ne Iesu Karisito.

2 Korin 5:6

Kuren la amisik nedik di abelemes. Atakleklen i do nedik nave dik lok at na lorooro at na labantuxu, di nemen to vetpes basinge Leeme Silok.

2 Korin 7:1

Larapen tangas orong tarak. Na levelinga a tong pam i, ni levengkakaape ne Moroa ga lox i ridik; kuren la ata lox adadat dik basinge leveloklok kakapmek axap, mo i lox abilinga labantuxu la labaroonan atdik, la ata lok ka luruptuvuk i xaala, mi loklok ngangao atdik ti ne Moroa.

2 Korin 7:11

Mina ven lempanga ne Moroa ga lox asuusu i mi na lainbulu atnimi ngan levereven kibis eburu mi lodoxoma ri vaase pe nimi la loklox aronga mumu laxapmek kantubu atnimi la lusumsuma avukat tinama la lurutu eburu minema la mi gagas ti raba songsongot nedi di lok leveloklok kakapmek. Keneng at nai leveloklok, miga lox asuusu axa nemi do mi goxo ruuna tosoogong keneng at na lekarakat.

Galesia 2:6

Tinedi no limixin di tong di do lubung amgomgo at lotu, nenia axo doma solo i do nedi di silok kopla xopmen; atla ne Moroa xopmen na viila mumu leveloklok at tara mi levereven teren. Nedi di goxo vaase bok ba tekolinga mavana at lavavang tarak.

Epesas 1:17

la a sing amisik lagale lo Moroa, ne Temen Leeme Silok atdik, Iesu Karisito, ti song araba nimi mi Loroonan teren, mo naba suxa nimi mi lodoxoma nunuan la laxasep kusu nemi mibakleklen avukat ne Moroa.

Epesas 3:14

Do nenia a doxoma na lodomdoma alii ren, nia a xis tintiding to melamgo at ne Tamak.

Epesas 6:9

Nemi lubung amgomgo. Luruptuvuk atnemi na lok ngan legesara parap lavasaxaruki atnimi la mina xap at loklok ti paase mukmusak tidi. Mina doxoma i do ne Karisito laradi gomgo atnimi la atnedi bok, la ik lok to vana at laxalibet la i viila mumu nedik axap mi leges ampoovo mene nga.

Pilipai 2:12

Larapen tangas orong tarak. Migang tonga res amisik tarak ap mo levenaleng, nenia aga nemen eburu minemi, la nemi move mirang tonga res bok tarak at na levenaleng nia a nemen paxalom basinge nemi. Kuren la mina gugu lolos kusu lorooro atnimi naba lok nunuan at lemeren ne Moroa, eburu mi loklok ngangao,

Kolosi 3:25

La limixin bilinga axap naba lok ka luunun naba epovo mi leveloklok kakapmek digak lox i, mila ne Moroa i viila limixin axap mi legesampoovo mene nga.

Ibru 12:28

Nedik ata lok ka lixitkis at Linintoo ren mo noxo xap, kuren la ata tong avukat ti ne Moroa la ata lotu ruturun saparav i, la lorooro atdik na umsu mi langsangan loklok ngangao saparav i,

Ibru 4:1

Lumusaragu move i rem suang kusu ri pubeles ti mo loxot loklok mamas teren; kuren la mina lok tatao avukat nimi xusu teventaba atnimi di noxo subu kot ti mo loklok mamas.

1 Pita 2:11

Larapen tangas orong tarak. A sing nemi mi lodoxoma axap tarak. Nemi mi lok ngan mun limixin kadiong de at na lavatbung menemen, kuren la mina ru asepsu basinge leveloklok kakapmek at labantuxu, atla neni na leveloklok i vesep eburu mi labaroonan atnemi.

1 Pita 3:15

Ketla keneng at lorooro atnemi mina lok ngangao at ne Karisito, atla neni Leeme Silok. Mina gagas at levenaleng axap ti porang levesusue at limixin at levenaleng dina susue nemi mi levendoxoma lolos atnimi saparap ne Karisito.