1 Pita 1:12 - Madak

¹² Ne Moroa ga raba asu na levelinga rinedi na luvuttadi vapaase alii xusu nedi di noxo gugu xusuk tik lok tooro nedi xa, ketla ti lok tooro nemi, at loxonaleng diga vaase mumu mo levelinga. Ana nemi mira ronga xaka vam i at luvuttadi xipkip linga di vaase asu Lagale Lavavang mi lololos at Loroonan Kaala boro vana at laxalibet. Neni na Lagale Lavavang lubung angelo bok di vara aleng i xusu dinaklen i.

1 Pita 1:12 ပူးပေါင်းရင်းမြစ်များ

Metiu 11:25

Ap mo laaleng ne Iesu ga lok ti ne Moroa, “Nia a emi asu minu, Tamak; nenu Leeme Silok at laxalibet mi lavatkangka. Nia a emi asu minu mila ugara lox ase vam nedi limixin gamasa mi levelinga mumu Linintoo; la uga lipe i basinge limixin leklen la limixin diga lox ase.

Metiu 11:27

La ne Iesu ga lok ti mo limixin, “Tamak, ira raba vam ia mi lempanga axap. Kopmen teta naklen ia, ketla ne Tamak kusuk mun; la kopmen teta naklen ne Tamak, ketla nenia ne Nitna xusuk mun, la tinedi mun nenia a vara i kusu ana lox ase di min.

Metiu 16:17

Iesu ga lok tin, “Luvukat tu, ne Simon lamdak at ne Jona, mila kopmen taradi ga tong asu i na ru, ketla ne Tamak no vana at laxalibet.

Lagale Lavavang At Ne Iesu Karisito Mak Ga Malagan I 16:15

La neni ga lok tidi xeretna, “Mina onon uto at levengkot axap at na lavatbung menemen la mina tong asu Lagale Lavavang tarak ti limixin axap.

Lagale Lavavang At Ne Iesu Karisito Luk Ga Malagan i 15:10

A tong i rinimi do, kerepmo lubung angelo at ne Moroa diba momo aleng do tegesaradi xapmek neni i leeng basinge laxakapmek teren.”

Lagale Lavavang At Ne Iesu Karisito Luk Ga Malagan i 2:26

La Loroonan Kaala ga tong pam i rin do ni noxo met se ni naba ven Lanarong at ne Moroa.

Lagale Lavavang At Ne Iesu Karisito Luk Ga Malagan i 9:6

La luvuttadi loklok ka anasa diga vas kaxat, la digat pas kantubu at lara menemen, diga vavang mi Lagale Lavavang, la diga lox aroo limixin at lengkot axap.

Lagale Lavavang At Ne Iesu Karisito Jon Ga Malagan I 15:26

La ne Iesu ga lok bok tidi, “Laradi loklok tooro naba vot; neni Loroonan at luruturun, la ni naba si boro vana at ne Tamak. Aba sak tiki i saparap nimi boro at ne Tamak, la neni naba tong asu levelinga mumu ia.

Leven Gugu 10:44

Pita move ga paase la Loroonan Kaala ga vubeles atnedi nom, mo digat kis la digang tonga levelinga ren.

Leven Gugu 16:10

Melemu at ne Pol ga ven na lisilimet, soso mun nema maga gagas kusu manat pas uto Masadonia, mila magaklen i do Moroa ga ro ka vam nama kusu mana vaase asu Lagale Lavavang ti limixin me go.

Leven Gugu 2:33

Ni ga lam kaka i uto vana at laxalibet la ga vaxaxis li i ro at lixitkis orong la ne Moroa xa ga raba i mi lololos kusu ni na riki Loroonan Kaala ren tinama, kerekngan tai mo nemi mi ven i la mi ronga i.

Leven Gugu 4:31

Melemu at lisingising atdi, mo loxot nedi diga vot eburu ren gang nengne. Diga umsu mi lolos at Loroonan Kaala la diga vaxaru ka i xusu dina paase asu levelinga at ne Moroa la kopmen bok ba teanmarat.

Leven Gugu 4:8

Pita ga umsu mi Loroonan Kaala la ni ga lok tidi, “Luvuttadi amgomgo at limixin, la nemi loxongkulao silok;

Leven Gugu 8:25

Melemu at lavapaase asu atnedu la levelinga at Leeme Silok, Pita mi ne Jon duga vas bilong uto Jerusalem. Ap mo lomlong atnedu duga vavang mi Lagale Lavavang to at laxanmenemen solo mego Samaria.

Lovoang At Ne Pol Ti Limixin Nunu to Rom 1:15

Kuren la lodoxoma rak iplivi aleng, kusu ana vavang tinemi bok limixin mi nemen dom Rom.

Lovoang At Ne Pol Ti Limixin Nunu to Rom 1:17

atla Lagale Lavavang i lox asuusu i do ne Moroa ik lox akmokso limixin mi legesa ngas mene nga, neni lunuunu la kopmen tangas petpes bok ba, kerekngan Lovoang Kaala i tong i xeretna, “Laradi ip sep sogo at ne Moroa mi lunuunu ren, ni naba roo suu.” Abk 2:4

Lovoang At Ne Pol Ti Limixin Nunu to Rom 10:15

La tevelinga naba ravasu xereva mo do dixo riki asu taradi ri vavang min? I ngan Lovoang Kaala i tong i xeretna, “I lox avukat tinotno lavatpas atnedi di vot mi Lagale Lavavang.” Ais 52:7

Lovoang At Ne Pol Ti Limixin Nunu to Rom 15:19

la keneng bok at lolos at leveloklok katling la levempanga sangsangu, la at lolos at Loroonan Kaala. La at lempatpas tarak boro Jerusalem uto Ilirikam la mo levenmenemen kantubu, agara vaase asu avukat pam Lagale Lavavang at ne Karisito.

1 Korin 2:10

Ketla ne Moroa ga lox axasep pam na levempanga ridik keneng at lololos at Loroonan Kaala. Loroonan Kaala i sin axasep lempanga axap, eburu mi levendoxoma alipe at ne Moroa.

2 Korin 1:22

la neni ga lok katling dik do ateren akmokso la ga lok li Loroonan Kaala ren keneng atdik ngan lampinebeng.

2 Korin 6:6

At loklok dadat atnema, la lakleklen, la loklok mumulus, la loklok nunuan, maga lox asuusu i do nema lavasaxaruki at ne Moroa, la at Loroonan Kaala bok mi labalamu ruturun.

Galesia 1:12

La a goxoklen kaka i at taradi, xopla taradi ga lox ase ia min. Ne Iesu Karisito axa ga lox asuvos taba ia min.

Galesia 1:16

La at loxonaleng neni ga doma i xusu na lox asuvos ne Nitna ria, la kusu anaba vavang mi Lagale Lavavang teren ti limixin kopmen di me Judaia, nenia a goxo vot pasa bok ba teta xusu neni gita re ase ia,

Epesas 3:10

Lavavara ren ga lok keretna, neni na lox asuvos lagale lodoxoma ren la mo nga limixin lotu dinap kip ka mo lugugu ti lox asuusu mo lodoxoma ren ti lubung angelo la leventoonan to vana at laxalibet.

1 Tesalonia 2:9

Luvutnetak mi luvurinuk. Mina doma bilong ti mo lugugu lolos atnama. Maga tong asu Lagale Lavavang at ne Moroa rinimi, la maga gugu at lengkangking la at lengkanimin, maga gugu pilas kusu nemi mi noxo kepe tevempilas atnimi xusu ri lok tooro nama.

1 Timoti 3:16

I ruturun aleng do lotu atdik, ni lavanga i silok aleng mumu Leeme Silok atdik; “Neni ga rupot ngan laradi; Loroonan Kaala ga lox asuusu i do lorooro ren ga nemen mokmokso; la lubungangelo diga ven i. Limixin diga vavang min to at lengkot axap la limixin diga nuunu ren nade at na lavatbung menemen; la ne Moroa ga lok ka i uto vana at laxalibet.” Sam 9:11

Ibru 11:13

Nedi axap luvuttadi diga ruuna lunuunu at lorooro axap atdi se at loxonaleng diga met. Nedi goxo ruuna ka mo levempanga ne Moroa ga vaase alii min tidi, ketla diga ven avaxalom ka mo levempanga la diga momo ka i, keke i do di goxovisi ruuna ka i. La diga siam ka mun lorooro alua at na lavatbung menemen.

Ibru 2:4

Moroa ga lox asuusu box i do mo levelinga ren i ruturun mi leveloklok katling la levempanga sangsangu la leventamtaba at Loroonan Kaala, ne Moroa gara epes pam limixin teren min, ga epovo at lavavara ren.

Ibru 4:2

Nemi bok miga ronga Lagale Lavavang kerekngan nedi diga ronga i. Ketla mo lavavang diga ronga i, goxo lok tooro di mila di goxo nuunu ren.

1 Pita 1:25

ketla levelinga at Leeme Silok, ne Moroa ik lox amisik la kopmen taxavaxap teren.” Ais 40:6-8 Na levelinga neni Lagale Lavavang nemi miga ronga xaka i.

1 Pita 4:6

Neni ba na lavasuun teren la ne Iesu ga vavang bok mi Lagale Lavavang ti limixin diga met pam, atla neni naba viila axap limixin mumu mo leveloklok diga lox i at lorooro atdi. Ketla Lagale Lavavang gat pas tinedi xusu labaroonan atnedi naba roo la dinaba epovo ri rooro avolo ngan ne Moroa.

Lisilimet 5:11

Melemu aga milik la aga ronga buaang nedi laxanangelo, diga umsu aleng la a goxo epovo xusu ana us di. Diga tu kangkan mo loxonin orong eburu mi lavanuet levempanga rooro la loxongkulao amgomgo.