1 Korin 9:26 - Madak

²⁶ Kuren la a lolos ti lox amomo ne Moroa, i ngan laradi siksixit ik sixit epopolo uto at latnese at loxot siksixit. Nenia a lok ngan bok laradi sepsep, kopmen ni na ke xepe gamasa lekngen kusu nat ket polo.

1 Korin 9:26 ပူးပေါင်းရင်းမြစ်များ

Metiu 11:12

Ga ru ka i at laaleng ne Jon ga vavang kaxat, i se at na laaleng lingina, Linintoo no vana at laxalibet gat pot mi lololos, ketla i ekip tangarang mi limixin kapmek di lolos kusu dina ru pe i.

Lagale Lavavang At Ne Iesu Karisito Luk Ga Malagan i 13:24

“Mina lolos kusu miba beles at lumusaragu lixilik at Linintoo at ne Moroa, mila buaang limixin diba lok tong i do dina beles ukeneng, ketla di noxo epovo.

1 Korin 14:9

La i lok mun kuren tinimi. Do mina tong asu levelinga at ne Moroa mi levempapaase vetpes, kopmen tara naba xasep nunuan teren. Levelinga atnimi naba ngan lamamas gamasa.

2 Korin 5:1

Dik atakleklen i do lorooro atdik at na labantuxu noxo nemen abao, ba lok ngan mun loogu xukuxut. Mo do ira rem utut pam, nedik di ruuna lara loogu ro vana at laxalibet ne Moroa ga gagas li vam i ridik la naba tu amisik. Mo loogu limixin di goxo lok i mi levengkikngen di.

2 Korin 5:8

Nedik di abelemes la ta vavara aleng i do ata on basinge na lorooro at na labantuxu la atana lok ka lorooro avolo ro at lemenemen aulis atdik eburu mi Leeme Silok.

Galesia 2:2

Agat pas ugo atla, ne Moroa xa ga vaase i ria xusu anat pas ugo. La keneng at lara lixitkis buru atnama mi lubung amgomgo kusuk mun, nenia aga soxomus Lagale Lavavang a vavang min ti limixin kopmen di me Judaia. Nia aga lox i na xusu dina siam mu mo lugugu rak. Lavanga no lugugu avot tarak la ana lugugu at na levenaleng na subu.

Epesas 6:12

Nedik na kopmen ta esep tangarang mi limixin ketla nedik di esep tangarang mi laxampanga lolos at lamain at na lavatbung menemen, nedi lubungangelo xapmek, lubunggas, la luvuttadi amgomgo atdi. La dik ta esep tangarang mi lubungmixin kapmek at ne Satan dik lok to vana at lamavangkap.

Pilipai 1:21

Lavanga salai lorooro? Tia ne Karisito mun. Do nia ana met, naba lox avukat aleng.

Kolosi 1:29

Ti lox empana na lugugu, nenia a gugu lolos, mi nom lololos ne Karisito i vetaba min tia la i gugu keneng tarak.

2 Timoti 1:12

Ni lavasuun teren la nia arap kip levesongsongot; ketla nia move a tu lolos mila nia a nuunu at ne Iesu Karisito; la akleklen tinotno i do neni i epovo na lok tatao ia la na lok tatao bok mo lugugu ne Moroa ga raba ia min, se ap mo laaleng neni nabamlong teren.

2 Timoti 2:5

Una lok ngan bok laradi ik sixit at lekampoovo. Do neni i vara na sixit polo nedi dik sixit eburu min, neni na mu asu avukat levelinga at luvuttadi di lok tatao mo lekampoovo.

2 Timoti 4:7

Nenia aga lolos kusu ana sixit avukat at lekampoovo, la arak sixit pam at loxot i vaxalom, ketla am tebeng avarang lunuunu.

Ibru 12:1

Buaang nedi lavalabat atdik no vana at laxalibet mo di reven dik ngan laneelen di reven lekampoovo; kuren la mina ke xepe levempanga axap mo ik lox angtang lunuunu atnimi la mina ke xepe bok laxakapmek mo nemi mik sak kikixin teren, la minak sixit eburu mi lololos ap mo lekampoovo ne Moroa ga lox agagas i rinimi.

Ibru 4:1

Lumusaragu move i rem suang kusu ri pubeles ti mo loxot loklok mamas teren; kuren la mina lok tatao avukat nimi xusu teventaba atnimi di noxo subu kot ti mo loklok mamas.

1 Pita 5:1

Nenia lamgomgo at lotu ngan lubung amgomgo dik lok kantubu atnimi. Nenia aga ven levesongsongot ne Karisito gap kiv i, la nenia anaba ruuna ka lisisixam eburu minemi mo naba ru asuvos. La a sing nemi lubung amgomgo xeretna,

2 Pita 1:10

Kuren la luvutnetak mi luvurinuk, mina lolos kusu mina doma amuat lorotoro la losoksoxolik at ne Moroa rinemi; la do mina lox i na, kopmen tinotno mi noxo subu basinge lunuunu atnemi.