1 Korin 9:15 - Madak

¹⁵ Ketla nia a goxo mu asu i na langas kusu ana sing panga nimi; la kopmen ana malagan i na xusu minaba mu asu na langas la mina lok tooro ia. Kopmen teta goxo lok tooro ia la a doxoma i do anak lok mun kuren la keke leveloklok tooro. La kopmen tara noxo lok kun na lodoxoma rak do nia noxop kip unun at lugugu rak, se nia anaba met.

1 Korin 9:15 ပူးပေါင်းရင်းမြစ်များ

Metiu 18:6

La ne Iesu ga lok bok, “Naba lok kapmek aleng ti tara do na lox asubu tara atdi na laxamdak kakalik di nuunu rak. Ba lox avukat tin do dina xoxo li tangsangan tuat to at laxaka ren la dina dong asi i min uto xopok at lisimaramain.

Leven Gugu 18:3

la ni ga nemen midu la ga gugu eburu midu, mila neni gakleklen lugugu gu mi levengkadis, kerekngan du. La kerepmo diga lok kaka lempilas tidi.

Leven Gugu 20:24

Ketla nia a lok do lorooro rak i lok ngan ta do lavanga gamasa mun tia; nia a vara mun i do ana lox axap lavatpas tarak la ana lox axap lugugu at Leeme Silok ne Iesu ga raba ia min; mo lugugu ri tong asu Lagale Lavavang mumu letaba nabalamu at ne Moroa.

Leven Gugu 20:33

Nia a goxom doma mu tempilas kopla tempanga singsiga atnimi.

Leven Gugu 20:34

Nemi xa miklen i do aga gugu mi na lukngak la aga lox epovo ka lempanga, nema mi larapen tangas tarak magak pakes tin.

Leven Gugu 8:3

Ketla ne Sol ga lok tong pen i do na sev amet limixin axap diga nuunu. La limixin esep digat pas uto at laraugu atnedi xusu dina ranga alis ka di, lavatlok eburu mi lavakin, la diga lok li di at loogu xokoxo.

1 Korin 4:12

la maga gugu lolos kusu mana lok kaka levempanga ri lok tooro lixitkis atnema. Diga vaase xakapmek tinama, ketla maga sing ne Moroa xusu na lox anarong nedi. Diga lox asongot nema, ketla maga momo ri xip tutu min.

1 Korin 9:12

Leventaba luvuttadi vavang petpes diga lok ka levempilas la levempanga anan dom atnimi la i lox avukat kuren. Ga epovo bok do nemi gita lok tooro nama kerepmo, atla maga rupot avot tidi la maga tong asu levelinga at ne Moroa rinimi. Ketla ma goxo sing panga nimi. Maga gugu lolos aleng ti lok tooro lixitkis atnama. Lavasuun teren keretna. Maga xopara i do teventaba atnimi dina lox abulubun kepe Lagale Lavavang at ne Iesu Karisito mumu levempilas ti luvuttadi vavang.

1 Korin 9:18

Lavanga sala nia anaba lok ka i at na lugugu? I lok keretna; dola nia ana vavang mi Lagale Lavavang, nia noxo ro unun at limixin. La kerepmo nenia a noxo siam ka luunun ti na lugugu, keke i do ik mokso do ana lok ka i.

1 Tesalonia 2:9

Luvutnetak mi luvurinuk. Mina doma bilong ti mo lugugu lolos atnama. Maga tong asu Lagale Lavavang at ne Moroa rinimi, la maga gugu at lengkangking la at lengkanimin, maga gugu pilas kusu nemi mi noxo kepe tevempilas atnimi xusu ri lok tooro nama.

2 Tesalonia 3:8

Ma goxo lok kaka gamasa tevempanga atnimi, maga un kaka leveluxa la levempanga vetpes bok magak pakes tin. Maga gugu lolos at levenaleng kangking la at levenaleng kanimin kusu mi noxo xepe pilas ti lok tooro nama.