1 Korin 8:4 - Madak

⁴ Kuren la ana paase mumu lempanga lomlomon limixin diplavang min saparap laxampoovo moroa. Lentaba at limixin nuunu di anan leveluxa, lentaba vetpes diplavang min ti laxampoovo moroa. Ata xasep do lovoovo vanga ni loklok katling ti lavanga kopmen na rooro la ataklen i do legeso Moroa mene nga i nemen.

1 Korin 8:4 ပူးပေါင်းရင်းမြစ်များ

Sam 86:10

Nenu Lanaraavuk la uk lok lempanga maraanu; nenu xusuk mun ne Moroa.

Lagale Lavavang At Ne Iesu Karisito Mak Ga Malagan I 12:29

La ne Iesu ga vorang i rin keretna, “Levelinga i silok i lok keretna; ‘Lubungmixin me Israel, mina ronga i na; Moroa neni Leeme Silok atnimi la legesa Moroa mene nga.

Leven Gugu 14:15

“Nemi limixin, tila mi lox i na? Nema mun luradi, luradi xerekngan nimi! Nema na ma nemen de xusu mana tong asu Lagale Lavavang la mina ba gili lorooro atnimi basinge lempanga gamasa xerepmo. La mina mumu asu ne Moroa mo i rooro, ga rudum li laxalibet, laxangka, laras la lempanga axap mo di nemen maxeneng atdi.

Leven Gugu 15:20

Ketla ata malagan tevelinga ri vaase axasep nedi do kopmen di noxo anan leveluxa no diaplavang pam min ti laxampoovo moroa; la dina ke loklok kakapmek maxamang at lixitkis epot, la di noxo anan lempanga mi lavanuet kangkedek no diga xur amer i la lada ren goxo sen su ukamang, la lempanga bok mi lada atnedi.

Leven Gugu 19:26

Nemi xa mira ven pam i la mira ronga vam mo levelinga ne Pol i tong i. Ni lok do levenmoroa limixin di lox i mi levengkikngen di, kopmen levenmoroa ruturun. La ni ira sat ka vam buaang nedi limixin mi levelinga ren, la ira lox asubu di basinge lomoroa rixin nade Epesas la at lengkot axap bok at na lenep Asia.

1 Korin 8:1

A vara i do ana vorang lususue atnimi mumu lempanga lomlomon limixin diplavang min ti laxampoovo moroa. I ruturun aleng do, “Nedik axap ta ruuna levenakleklen,” kerekngan limixin di tong i. Do laradi i ruuna lakleklen solo, neni ba xip aurut laasen teren, ketla mo laradi i umsu mi labalamu, ik lox aru lolos lorooro nunuan kantubu at limixin nuunu.

1 Korin 8:10

Dola taradi, lunuunu ren kopmen na lolos, na ven nimi limixin akleklen mina anan tempanga anan limixin petpes digaplavang min to xeneng at loogu laplavang at tavatpoovo moroa, la neni naba mulus kusu ri anan mo lempanga anan.

1 Korin 8:11

Kuren la na laradi, lunuunu ren kopmen na lolos, ne Iesu Karisito ga uu nop bok loklok teren, neni naba subu atla nemi limixin akleklen mi anan mo leveluxa diplavang min ti laxampoovo moroa.

Galesia 4:8

Gano, nemi mi goxoklen ne Moroa, kuren la miga lok ngan lavaanat saxaruki at laxampoovo moroa.

Epesas 4:6

legesa Moroa la neni ne Temen nedik axap. Neni lamgomgo at limixin axap teren, ni ik lok at lengkot axap la i nemen keneng atnedik limixin axap teren.

1 Timoti 1:17

Kuren la ata emi asu mi Loorong Silok naba rooro amisik, la kopmen noxo met la dik taxo epovo ri ven i; neni xusuk mun ne Moroa. Ata lox asuusu amisik loklok ngangao la leemi asu rin! Tuturun.

1 Timoti 2:5

mila legesa Moroa mun, la legesa radi mun ik lok lumulum kantubu at ne Moroa mi limixin, neni ne Iesu Karisito.

Lovoang At Ne Jut 1:25

Leemi asu ri ne Moroa, neni Laradi Loklox Arooro atdik la neni lo Moroa xusuk mun; la lololos axap la loklok ngangao gat pas tin ganoxa at lereot, it pas bok tin at na levenaleng lingina, la nabat pas bok tin ap mo levenaleng i tu melamgo. At laasen at ne Iesu Karisito, Leeme Silok atdik. I ruturun.