1 Korin 7:35 - Madak

³⁵ A paase i na mila a vara rino i do ana lok tooro nemi. Axo lok do ana lok li teventaangas mumuat kusu miba mu asu i. Ketla kusuk mun, a vara i xusu mina lok lempanga salai ik mokso la i lox avukat, la mina raba lorooro axap atnimi ri lugugu at Leeme Silok la nemen mita ranga alis toxot teren.

1 Korin 7:35 ပူးပေါင်းရင်းမြစ်များ

Metiu 19:12

Buaang levempasuun mo ik lok, tila la lavatlok kopmen dina epot; lentaba mumu i do diga visik axa di xuren; lentaba mumu nga i do limixin diga lok di xuren kusu di noxo epot; la lentaba dixo epot mila, di raba lorooro atdi kusu dina gugu ngan nedi lavaanat at ne Moroa. Nege do i epovo na siam ka na laanasa ti ke leepot, i vukat do neni na mumu asu i.”

Metiu 22:15

La lubung Parisi diga vas kaxat basinge mo lenep la diga gagas kusu dina bala arup ne Iesu mi levelinga.

Lagale Lavavang At Ne Iesu Karisito Luk Ga Malagan i 21:34

La ne Iesu ga lok keretna, “Mina lok tatao avukat nimi! Nemen mita esum solo mi loklok lara peluxa la liinin lara kadan lolos, la nemen mita bulu mu na lorooro; lavanga nom laaleng na vot asangu nimi.

Lagale Lavavang At Ne Iesu Karisito Luk Ga Malagan i 8:14

Ti levenit ga subu to at loxongkangka mi laxan gagas, i ru katling nedi di ronga mo levelinga, ketla levenainbulu la lapnovos la lomomo at na lorooro i umsu xeneng atdi la gira itis lorooro atdi, la kerepmo kopmen dina visik levempanga nunuan at lorooro atdi.

1 Korin 7:2

Ketla mumu mene loklok kakapmek maxamang at lixitkis epot mo i umsu, la kerepmo i lox avukat do lavatlok dina epot ka tavakin getgesara ridi, la lavakin dina epot ka tavatlok getgesara bok tidi.

1 Korin 7:28

Mo do taradi i epot, kopla latkin maxat i epot, kopmen taxakapmek teren. Ketla mo do tara i epot, i epovo do buaang laxanmumuat naba vot parav i. A xopara i do mina solok laxanmumuat solo at na lorooro.

1 Korin 7:36

Mo do tara i doxoma i do neni kopmen nap tuvuk avukat mun ti latkin diga ora i do tin, la i vara na epot kaka i, i lox avukat duna epot; kopmen na lok kapmek.

Epesas 5:3

Ketla nemen tara atnimi guta lok laxakapmek i lok keretna, loklok kakapmek maxamang at lixitkis epot, lengkot mamangan, loklok ti belegaao. Na lempanga xopmen nak mokso ri limixin dadat at ne Moroa kusu dina lox i.

Pilipai 4:8

Ti lox axap levelinga rak, luvutnetak mi luvurinuk; mina suxa umsu lodoxoma atnimi mi levempanga nunuan la nom i lox asuusu leemi asu, levempanga mo i ruturun, loklok mokmokso la loklok dadat, la loklok ti balamu, la loklok ti lok ngangao at leventaba vetpes.

1 Timoti 1:10

la tinedi bok di lok laxakapmek maxamang at lixitkis epot, la tinedi lavatlok di velongka, la tinedi bok di babala ka limixin kusu dina gugu atdi; la tinedi bok di xaxarang la di tong asu levelinga xaxarang mumu laradi i tu at lavapaase; tinedi bok di lok levempanga xerepmo xopmen na epovo mi levelinga ruturun at ne Moroa.

Taitas 2:3

La kerepmo bok una tong i ri lavakin mukun keretna: luruptuvuk atnedi na dadat la na xaala, di noxo tere mumu tara, di noxo inin amisik lengkadan lolos. Ketla loklok nunuan na ravasu at lorooro atdi, kusu limixin dina ven di la dina mumu asu nom loklok nunuan atdi.