1 Korin 7:17 - Madak

¹⁷ Ketla nemi getgesara mina nemen at lixitkis migak lok teren ap mo laaleng ne Moroa ga ro xaka nimi. Mo lixitkis atnimi i ngan laramtaba Leeme Silok gara raba vam nemi min. Anai lavapaase a lox ase limixin min at laraugu lotu at lengkot axap.

1 Korin 7:17 ပူးပေါင်းရင်းမြစ်များ

Metiu 19:12

Buaang levempasuun mo ik lok, tila la lavatlok kopmen dina epot; lentaba mumu i do diga visik axa di xuren; lentaba mumu nga i do limixin diga lok di xuren kusu di noxo epot; la lentaba dixo epot mila, di raba lorooro atdi kusu dina gugu ngan nedi lavaanat at ne Moroa. Nege do i epovo na siam ka na laanasa ti ke leepot, i vukat do neni na mumu asu i.”

1 Korin 10:32

La mina rooro mi luruptuvuk nunuan kusu limixin me Judaia la limixin kopmen me Judaia la limixin nuunu di noxo sak kikixin at lunuunu atdi.

1 Korin 11:16

Ketla do tara i vara i do na etep mi na levelinga rak, a tong i do kopmen teretere vetpes bok ba go i nemen mumu na loklok ti kua vatlak to xeneng at lotu, ik lok kantubu atnema luvuttadi vavang kopla limixin at lotu at ne Moroa.

1 Korin 11:34

La do tara i roxo, neni na anan avot be ro at loogu ren, la kerepmo mi noxo ekip tangarang mi lebelemamao at ne Moroa. La ti mo levelinga vetpes bok miga sue ia mumu i, aba vaase bok ba nimi min do nia ana vot pasa nimi.

1 Korin 14:33

la kerepmo lotu atnimi nabak sixit nunuan. Mina lox i xuren mila ne Moroa ga xup kaka dik kopmen do rik lox angtang gamasa, ketla ni ga xup kaka dik kusu lotu atdik nabak sixit nunuan, atla neni ne Moroa at limila. To at laraugu lotu at limixin at ne Moroa,

1 Korin 16:1

Nanga a vara i do ana vaase rinimi mumu levempilas miga malagan axasep min tia xusu ri lok tooro limixin at ne Moroa di nemen to Judaia; mina lox i ngan nia agara vaase vam i ri limixin at laraugu lotu ro at lenep silok Galesia xusu dibak lox i.

1 Korin 4:17

Lavasuun mun at nai la nia ara riki aonon pam ne Timoti udom saparap nimi. Neni ne nuruk tinotno at laasen at Leeme Silok, la a balamu i. Neni laradi ruturun at lorooro ren keneng at Leeme Silok. Neni naba vaase axasep manga nimi mi loklok tarak keneng at lorooro at ne Iesu Karisito. La loklox ase ren i epovo mi loklox ase rak kerekngan aga lox ase limixin min at laraugu lotu at lengkot axap.

1 Korin 7:18

I ngan ta do tara, digara vit kepe vam loxontuxu ren, la gara siam ka vam lorotoro at ne Moroa rin, nemen ni ta lok tong pen bok ba i do neni na lok pes nom liinin pirivit. Mo do tara di goxo vit kepe loxontuxu ren, la ni ga siam kaka lorotoro at ne Moroa rin, nemen bok ba i guta vit kepe loxontuxu ren.

1 Korin 7:24

Luvutnetak mi luvurinuk. Nemi getgesara minat kis esogo nunuan mi ne Moroa at nom lixitkis nemi migak lok teren ap mo laaleng ne Moroa ga ro xaka nimi.

1 Korin 7:7

I lox avukat do nemi axap minak lok naa kerekngan ia; Moroa ga lox ia xusu a epovo anak lok naa i ngan laramtaba ren tia. Ketla lentaba vetpes kopmen na epovo rik lok naa la ne Moroa im taba di mi leventamtaba vetpes.

2 Korin 11:28

La mavana at nai levempanga, lara lumumuat mo it pot parav ia at levenaleng getgesara la ni lodoxoma liplivi mumu limixin lotu.

2 Korin 8:18

Maba riki ne Taitas eburu bok mi lara neton nedik, mo, limixin di lok ngangao aleng teren to at laraugu lotu axap mumu lugugu ren ti tong asu Lagale Lavavang.

Galesia 1:22

Ga ap mo levenaleng limixin at ne Karisito ro Judaia di goxokleklen ia.

1 Tesalonia 2:14

Luvutnetak mi luvurinuk. Lorooro atnemi ga vee ngan lorooro at limixin nuunu at ne Moroa to Judaia, mo di nuunu at ne Iesu Karisito; nedi digap kip levesongsongot mumu lunuunu atdi, mila limixin me Judaia axa diga lox asongot di; la kerepmo nemi bok migap kip levesongsongot, mila limixin mi legesa vapaase atnimi axa diga lox asongot nimi.

2 Tesalonia 1:4

Kuren la nema ma xip aurut nimi ri levelotu at ne Moroa, mila nemi mi tu lolos at lunuunu atnimi kantubu at levesongsongot mi levenmumuat, mo mip kiv i.