1 Korin 7:10 - Madak

¹⁰ Lara lavanga bok, kopmen atarak ketla at Leeme Silok. Tinemi limixin epot a ruuna lara lavapaase lolos tinimi xeretna, latkin epot noxo soxope latlok teren.

1 Korin 7:10 ပူးပေါင်းရင်းမြစ်များ

Metiu 5:32

Ketla mo nga ana tong i rinimi do; mo do taradi na soxope latkin teren, ketla mo latkin goxo longka, mo laradi i lok latkin teren ira longka, mo do neni ira epot manga at taradi vetpes; la mo laradi bok i epot ka mo latkin, i longka vam mila ik midi eburu mi latkin at laradi vetpes.”

Lagale Lavavang At Ne Iesu Karisito Mak Ga Malagan I 10:2

La lentaba lubung Parisi diga rupot la diga lok tong pen i mi lususue xeretna, “Kereva, Lenavolo atdik i mulus bok kusu tara na soxope latkin teren?”

Lagale Lavavang At Ne Iesu Karisito Luk Ga Malagan i 16:18

Do taradi na soxepe latkin teren, la na epot ka tatkin petpes, neni ira longka vam; la do taradi i epot at tatkin, latlok teren ga soxepe i, neni bok ira longka vam.”

1 Korin 7:11

Mo do neni na lox i xuren, neni nak lok naa la nemen bok ba na epot, kopla neni namlong mu latlok teren. La kerepmo bok latlok kopmen noxo ba korop leepot mi latkin teren.

1 Korin 7:12

La tinemi limixin axap, a tong i do na levelinga ana vaase i, kopmen at Leeme Silok ketla atarak mun. Mo do latlok i lok kaka lunuunu maxat keneng at ne Karisito, ketla latkin teren kopmen na nuunu at ne Karisito, la mo latkin i momo do nedu nak lok buru xeneng at leepot atdu, latlok kopmen noxo soxope i.

1 Korin 7:15

Ketla do tara atdu xopmen na nuunu at ne Karisito la i vara i do na soxope mo lara i nuunu at ne Karisito, i lox avukat mene do mina ke xepe i na mu asu lodoxoma ren. La i lox avukat do lara i nuunu, latlok kopla latkin, na siam do mo latlok kopla latkin na on basinge i. Moroa ga soxolik ka dik limixin nuunu at ne Karisito kusu ata nemen at lumulum.

1 Korin 7:25

Monga a vara i do ana paase rinimi mumu lususue miga sue ia min mumu nedi dik lok naa. Axo lok ka lavapaase mumuat boro at Leeme Silok mumu na lavanga, ketla ana vaase nimi mi lodoxoma rak, nia a epovo do ana tong i na rinimi mila Leeme Silok ga lox asuusu vam lebelemumu ren tia la iklen i do nenia laradi ruturun.

1 Korin 7:40

kuren la mo latkin naba momo aleng, do neni na nemen ngan lanaa. Anai lodoxoma rak la aklen i do Loroonan Kaala at ne Moroa ik lok tarak; kuren la ara tong i na levendoxoma rak tinimi.

1 Korin 7:6

Na a vaase i na rinimi xopmen do nemi axap mina mu asu i la mina epot, ketla a vaase i na, i ngan lisisiam tarak tinimi.