1 Korin 6:20 - Madak

²⁰ Neni ga xuruse ka vam nemi mi luunun. Kuren la mina ke xepe loklok kakapmek keneng at labantuxu atnimi la kerepmo miba lox asuusu loklok ngangao ri ne Moroa.

1 Korin 6:20 ပူးပေါင်းရင်းမြစ်များ

Metiu 5:16

La kerepmo bok laxasep atnemi na soso ro melamgo at limixin, kusu diba reven leveloklok nunuan mik lox i, la diba emi asu mi ne Moroa ne Temen nimi boro vana at laxalibet.”

Leven Gugu 20:28

Mina lok tatao avukat nemi la mina lok tatao nedi bok limixin, Loroonan Kaala gara lok li vam nedi maxopok at loklok tatao atnimi. Mina lok ngan luvuttadi loklok tatao sipsip kantubu at limixin at ne Moroa, no ni ga lok li di do ateren axa mumu lanmet at ne nitna.

Lovoang At Ne Pol Ti Limixin Nunu to Rom 12:1

Luvutnetak mi luvurinuk. I vasuun mun at lebelemumu silok at ne Moroa rinedik, kuren la a sing nemi xeretna; mina raba axap nemi ngan laramtaba i rooro ri ne Moroa ri lok lugugu ren la ti lox amomo i. Neni na langas i lox asuusu lotu ruturun, mina raba i min.

Lovoang At Ne Pol Ti Limixin Nunu to Rom 6:19

A paase poovo mi lavaanat saxaruki la luvuttadi amgomgo atdi kusu minaba ronga xibis kaka na levelinga mila lunuunu atnemi kopmen na lolos. Gano nemi miga raba lorooro axap atnemi ri lugugu ngan lavaanat saxaruki at laxakapmek la laxangkakapmek solo. Kuren pam, la mina raba bok lorooro axap atnemi ngan lavaanat saxaruki ri lok leveloklok mokmokso la leveloklok i xaala.

1 Korin 10:31

I lox avukat mene, ketla levempanga salai do mi lox i, mina anan kopla mina inin, mina lox i xusu ri lox asu lisisixam at ne Moroa.

1 Korin 7:23

Moroa gara xuruse ka vam nimi mi luunun; kuren la nemen mita mumu asu levelinga at tara vetpes.

Galesia 3:13

Ketla ne Karisito ga ruuna ka lasaxaek at loxonaleng neni ga ru korop ka lasaxaek, no ne Moroa im taba nedi di mumu asu Lenavolo min; kerepmo neni ga un ka amlong nema basinge nom lasaxaek; i ngan Lovoang Kaala i vaase i xeretna, “Do nege na rem to vana at laxaba, neni i ruuna xaka lasaxaek boro at lebelemamao at ne Moroa.” Len 21:23

Pilipai 1:20

Lavavara axap at labalak do nenia a noxo subu basinge lugugu rak la ana lok mamangan, ketla at levenaleng axap nia anoxo marat tangarang kaka teta xusu limixin dinaba ven kisip ne Karisito keneng at lorooro rak do nenia move ana rooro xopla at loxonaleng do nenia ara met pam.

Ibru 9:12

Karisito xopmen goxo lok kaka lada at lubulumaxao la at lavatme la ga vubeles min, ketla neni ga vubeles mi lada axa ren ti mo loxot ga xaala aleng no vana at laxalibet, la ga lok letaba min at legesa xonaleng mun, ga lox i xuren kusu na un avolo dik mi lada ren la dik ataba ruuna ka lorooro avolo.

1 Pita 1:18

La nemi miklen luunun, ne Moroa ga un kaka amlong nemi min basinge lorooro etaba ga ravasu at lavalabat atnemi. La mo luunun ixo epovo xusu tara na lok kapmex i, ngan lisiliva xopla logol;

1 Pita 2:9

Ketla nemi lavaanat soxolik ka; nemi lavamaasa at loorong silok, la nemi lubung mixin dadat la nemi limixin at ne Moroa akmokso. Neni ga soxolik ka nemi xusu minaba lox asuusu lugugu avukat teren, neni ga ro xaka nemi boro xeneng at lamain bonot la uto xeneng at laxasep maraanu ren.

2 Pita 2:1

Luvuttadi vapaase alii xaxarang diga ravasu gano xeneng at limixin me Israel, la lavaeme loklox ase xaxarang bok, dinaba ravasu xa maxeneng atnemi. La dinaba lox abeles nemnem levenanasa xaxarang kusu ri lox asubu lunuunu atnimi. Dinaba sok tixirixes Leeme Silok mo ga un kaka amlong nedi, kuren la nedi xa dinaba ekip tangarang soso mi labaava.

Lisilimet 5:9

La nom lavanuet levempanga rooro eburu minedi loxongkulao amgomgo diga vixan lara loxompixan maxat, i lok keretna, ‘Nenu u epovo rinotno xusu una lok ka lugun linga la una ba kaxat kepe mo levelumlut teren mila limixin diga sev amer u; ketla uga roo xat amlong la at nom mun lada ram uga un ka amlong limixin ti ne Moroa. Nedi at levenabung mixin axap la boro bok at levempapaase vetpes, la boro bok at lenbantuxu vetpes, la boro bok at larabibinat petpes.