1 Korin 6:15 - Madak

¹⁵ Miklen i do labantuxu atnimi neni i lok ngan levengkot at labantuxu at ne Karisito. Kereva, i lox avukat kusu ana lok pes tenep at labantuxu at ne Karisito la ana lox etang i mi labantuxu at latkin ngarangat? Kopmen tinotno.

1 Korin 6:15 ပူးပေါင်းရင်းမြစ်များ

Lagale Lavavang At Ne Iesu Karisito Luk Ga Malagan i 20:16

Neni nabat pas la na sev amet nom luvuttadi, la na raba nom laraamang vaen ti tentaba tuvuttadi vetpes.” Se mo limixin diga ronga i na, diga lok, “Kopmen tinotno!”

Lovoang At Ne Pol Ti Limixin Nunu to Rom 12:5

I lok ngan pam nedik axap na nedik di buaang, ketla nedik di lok ngan legesa bantuxu mene xeneng at ne Karisito la nedik dik lox eburu ngan levenasen kot axap at legesa bantuxu mun.

Lovoang At Ne Pol Ti Limixin Nunu to Rom 3:31

Kereva ba Lenavolo? Ata lok kepe nga i mila ata nuunu xusuk ta? Kopmen la kopmen tinotno, ketla ata su auru Lenavolo.

Lovoang At Ne Pol Ti Limixin Nunu to Rom 3:6

Kopmen tinotno! Do ne Moroa xopmen nak mokso, neni ixo epovo do na vaxaru limixin at lavatbung menemen at lavapaase.

Lovoang At Ne Pol Ti Limixin Nunu to Rom 6:15

Nedik dixok lok maxopok at Lenavolo, ketla dik lok maxopok at letaba nabalamu at ne Moroa. Kuren la ataba lok ba lavanga salai? Kereva, nedik atanak lok laxakapmek? Kopmen tinotno!

Lovoang At Ne Pol Ti Limixin Nunu to Rom 6:2

Kopmen tinotno! I lok ngan do nedik digara met pam basinge laxapmek, kuren la nedik ataba rooro bok ba xeneng at laxapmek kereva?

Lovoang At Ne Pol Ti Limixin Nunu to Rom 7:13

Kereva, lavasuun at na do luvukat at Lenavolo ga raba ia mi lanmet? Kopmen tinotno. Laxapmek axa ga raba ia mi lanmet keneng mun at Lenavolo, mo i lox avukat. Lenavolo ga vot kusu anaba ven kibis i do laxapmek ni lavanga salai; la mumu mun levempapaase at Lenavolo, laxapmek i ravasu ngan lavanga i lok kapmek tinotno.

Lovoang At Ne Pol Ti Limixin Nunu to Rom 7:7

Ataba tong kaka ba la? Ataba tong i do Lenavolo neni ik lox asuusu laxapmek? Kopmen tinotno. Ketla neni ba na Lenavolo ga lox aklen ia do laxakapmek ni lavanga xapmek at lemeren ne Moroa, la ga lox ase box ia mi laxapmek tarak. La nenia gi toxoklen bok loklok ti ngaongao ri lempanga at tara vetpes, do Lenavolo gi toxo vaase do, “Nemen gat u guta ngaongao ri lempanga at tara vetpes.”

1 Korin 11:3

Ketla a vara i do minaklen avukar i do ne Karisito neni i nemen mavana at lavatlok axap, la latlok neni i nemen mavana at latkin teren; la ne Moroa neni i nemen mavana at ne Karisito.

1 Korin 12:27

La kerepmo nemi axap mi lok ngan labantuxu at ne Karisito, la nemi getgesara mi lok ngan levengkot ap mo labantuxu ren.

1 Korin 6:13

La lentaba diba lok keretna, “Moroa ga lok levenbelen dik ti leveluxa la ga lok leveluxa ri lox aumsu levenbelen dik.” I ruturun, ketla ne Moroa naba lox asonao buru labantuxu mi lengkot teren. I ruturun bok do labantuxu atdik kopmen tik lok laxakapmek maxamang at lixitkis epot, ketla ne Moroa ga rudum li dik kusu ata emi asu mi Leeme Silok; la Leeme Silok axa ik lok tatao labantuxu atdik.

1 Korin 6:17

Ketla laradi na xis etangas mi Leeme Silok, loroonan teren i lok ngan legesara eburu mi Leeme Silok.

1 Korin 6:19

Mi xasep pam do labantuxu atnimi, i lok ngan loogu laplavang at Loroonan Kaala, mo i nemen keneng atnimi, la ne Moroa axa ga raba nemi min. Nemi xopmen atnimi xa, ketla nemi at ne Moroa.

1 Korin 6:3

Miklen i do nedik luvuttadi nuunu at ne Iesu ataba ila mumu bok loklok at lubung angelo. La kerepmo dik ta epovo do tana ila mumu leveloklok at na lorooro.

Galesia 2:17

La amo do nema ma doma i do mana lok kepe Lenavolo la mana sepmus basinge loklok kakapmek keneng at lunuunu atnema saparap ne Karisito, anai naba lox asuusu i do nema limixin ma ruuna laxapmek mila ma lok kepe vam Lenavolo. Kereva ba, lunuunu saparap ne Karisito i lok nema ngan luvuttadi xapmek, kuren la ne Karisito i lox asu laxakapmek? Kopmen tinotno.

Galesia 3:21

Kereva ba, Lenavolo i ra korop levengkakaape at ne Moroa? Kopmen tinotno. Amo dola neni gita raba bok tenavolo rim taba lorooro, i lok ngan do limixin axap ding tonga res at Lenavolo, nedi dinabak mokso basinge loklok kakapmek. Ketla kopmen na ruturun.

Galesia 6:14

Ketla nenia anaba lolos kusuk mun ti paase aurut laxaba at Leeme Silok atdik ne Iesu Karisito; mumu mun mo laxaba ren, levendoxoma momo rak ti loklok at na lavatbung menemen ga met axa gano, la levempanga bok gak lox angtang ia at na lavatbung menemen ga met axa gano.

Epesas 4:12

Karisito ga raba leventamtaba kerepmo ri lox agagas limixin teren ti lok lugugu ren kusu diba epovo na elok tooro ela la dina lox alolos labantuxu at ne Karisito.

Epesas 5:23

mila latlok ni lamgomgo at latkin teren, kerekngan ne Karisito ni lamgomgo at lotu. Lotu ni labantuxu at ne Karisito, la ne Karisito neni Laradi Loklox Arooro atdik.

Epesas 5:30

mila nedik lengkot at labantuxu at ne Karisito.

Kolosi 2:19

La ira xap tim tebeng lolos ne Karisito, neni lavatlak at labantuxu. Karisito xa neni imgomgo nga na labantuxu, la labantuxu im tem saga mun at lavatlak, la mo do labantuxu na repes boro at lavatlak, neni ixo epovo rinotno na su maraanu.