1 Korin 6:13 - Madak

¹³ La lentaba diba lok keretna, “Moroa ga lok levenbelen dik ti leveluxa la ga lok leveluxa ri lox aumsu levenbelen dik.” I ruturun, ketla ne Moroa naba lox asonao buru labantuxu mi lengkot teren. I ruturun bok do labantuxu atdik kopmen tik lok laxakapmek maxamang at lixitkis epot, ketla ne Moroa ga rudum li dik kusu ata emi asu mi Leeme Silok; la Leeme Silok axa ik lok tatao labantuxu atdik.

1 Korin 6:13 ပူးပေါင်းရင်းမြစ်များ

Metiu 15:17

Mina xasep do lempanga anan laradi i anan i la i beles keneng at lebelen, nom i neni i lox asu box i.

Metiu 15:20

La nai lempanga i lox abilinga laradi. Ketla do tara na anan la kopmen na gos avot be lukngen, nom kopmen na lox abilinga i.”

Lagale Lavavang At Ne Iesu Karisito Mak Ga Malagan I 7:19

nom lempanga noxo vubeles at lorooro ren, ketla i vubeles at leventine ren la melemu neni ba lok kepe ba i ukamang at labantuxu ren.” La kerepmo ne Iesu ga tong i do leveluxa axap i lox avukat kusu laradi na anan i.

Lagale Lavavang At Ne Iesu Karisito Jon Ga Malagan I 6:27

Nemen mita gugu ri leveluxa ua naba sonao soso; ketla mina gugu lolos ti leveluxa i nemen amisik ti lorooro avolo. Na leveluxa, nenia, Laradi Mevana, anaba raba nemi min, mila ne Moroa ne Temen dik ira soxolik ka vam ia.”

Lagale Lavavang At Ne Iesu Karisito Jon Ga Malagan I 6:49

Lavalabat atnimi diga anan leveluxa at ne Moroa ro at lamatbin, la diga met.

Lovoang At Ne Pol Ti Limixin Nunu to Rom 12:1

Luvutnetak mi luvurinuk. I vasuun mun at lebelemumu silok at ne Moroa rinedik, kuren la a sing nemi xeretna; mina raba axap nemi ngan laramtaba i rooro ri ne Moroa ri lok lugugu ren la ti lox amomo i. Neni na langas i lox asuusu lotu ruturun, mina raba i min.

Lovoang At Ne Pol Ti Limixin Nunu to Rom 14:17

Linintoo at ne Moroa neni xopmen loklok ti anan la ti inin, ketla neni lomokmokso, la limila, la lomomo at Loroonan Kaala im taba i.

Lovoang At Ne Pol Ti Limixin Nunu to Rom 6:12

Kuren la nemen mita ke laxapmek na lok tatao labantuxu gamasa atnemi mo naba met; la nemen mita ronga res at lavavara mun at labantuxu atnimi.

Lovoang At Ne Pol Ti Limixin Nunu to Rom 7:4

Luvutnetak mi luvurinuk. Nemi bok migak lok kuren. Nemi bok migara met pam eburu mi ne Karisito basinge Lenavolo, atla nemi lengkot at labantuxu at ne Karisito, la amo nga nemi mun teren. Neni ga roo xat amlong at lanmet kusu nedik ataba pisik asu levempipisik nunuan ti ne Moroa.

1 Korin 3:16

Miklen avukat pam i do, nemi xa laraugu laplavang at ne Moroa la Loroonan Kaala at ne Moroa i nemen keneng atnimi.

1 Korin 6:15

Miklen i do labantuxu atnimi neni i lok ngan levengkot at labantuxu at ne Karisito. Kereva, i lox avukat kusu ana lok pes tenep at labantuxu at ne Karisito la ana lox etang i mi labantuxu at latkin ngarangat? Kopmen tinotno.

1 Korin 6:19

Mi xasep pam do labantuxu atnimi, i lok ngan loogu laplavang at Loroonan Kaala, mo i nemen keneng atnimi, la ne Moroa axa ga raba nemi min. Nemi xopmen atnimi xa, ketla nemi at ne Moroa.

2 Korin 11:2

A suma i do lodoxoma rak iplivi aleng mumu nimi mi mo liplivi at ne Moroa xa, mila aga ora ka nimi do ri ne Karisito xusu ana raba nimi ngan loono dadat ti leges atlok teren.

2 Korin 5:15

Neni ga uu nop loklok at limixin axap kusu do nege nedi di rooro at na lavatbung menemen, di noxo rooro rinedi xa, ketla dina rooro ri ne Karisito mo ga doma di la ga met la ga roo xat amlong.

Galesia 5:24

La nedi limixin at ne Iesu Karisito, digara ke xepe vam lorooro maut la levendoxoma xapmek eburu mi lavavara at labantuxu atnedi.

Epesas 5:23

mila latlok ni lamgomgo at latkin teren, kerekngan ne Karisito ni lamgomgo at lotu. Lotu ni labantuxu at ne Karisito, la ne Karisito neni Laradi Loklox Arooro atdik.