1 Korin 4:6 - Madak

⁶ Luvutnetak mi luvurinuk. Ara vaase poovo vam minema’ mi ne Apolos, i ngan nema’ luampoovo ri nom axav i levelinga nenia a malagan i. La maxeneng at nom i, minaba xasep ap mo levelinga i lok keretna, ‘Mina ila mumu avukat levelinga at luvuttadi amgomgo, kerekngan Lovoang Kaala i tong i.’ La kerepmo mi noxo xip aurut taasen at tara taradi gomgo atnimi la mi noxo lox asi taradi gomgo vetpes.

1 Korin 4:6 ပူးပေါင်းရင်းမြစ်များ

Sam 146:3

Mi guta nuunu saga at lubung amgomgo mede at lavatbung menemen ti loklok tooro, atla kopmen teta mede xopok i epovo na lox asepmus nemi.

Sam 8:4

limixin nedi lempanga salai, la uram doma mu solo di; nedi lempanga gamasa mun, ketla uk lok tatao avukat tino di.

Leven Gugu 18:24

Lara laradi me Judaia laasen teren ne Apolos, neni boro Aleksandria, gat pas uto Epesas. Ni laradi levelinga ren ga lok nunuan amisik la ni gakleklen avukat levelinga at Lovoang Kaala.

Leven Gugu 19:1

Ap mo levenaleng ne Apolos ga nemen to Grik at lemenemen Korin, la ne Pol gat pas at langas babaalom maxeneng ap mo lunep silok Galesia la Pirigia la ni ga rupot to Epesas. Mo go ni ga vosiga lentaba luvuttadi nuunu.

Lovoang At Ne Pol Ti Limixin Nunu to Rom 12:3

La mumu mun letaba nabalamu at ne Moroa ria, a vaase i na rinemi axap keretna; nemen gat nemi miguta mi aurut nemi do mi silok ti mo lentaba vetpes, ketla mina viila mumu avukat lorooro atnimi la mina ven nimi do lunuunu atnimi i epovo mun mi lodoxoma at ne Moroa tinemi xuren.

1 Korin 1:12

Lekarakat atnimi i lok keretna; nemi getgesara mi epaase mi levempapaase xopmen nak mokso. Lentaba di lok, “Nema at ne Pol.” La lentaba di lok, “Nema at ne Apolos.” La lentaba di lok, “Nema at ne Pita.” La lentaba di lok do, “Nema at ne Iesu Karisito.”

1 Korin 1:19

At Lovoang Kaala Moroa ga lok keretna, ‘Aba lok kapmek levendoxoma atnedi limixin dokdoxoma, la ana uulu lakleklen atnedi limixin akleklen.’ Ais 29:14

1 Korin 1:31

Kuren la i ngan Lovoang Kaala i tong i do, ‘Do tara i vara na xip aurut laasen at tara, neni na xiv aurut laasen at Leeme Silok.’ Jer 9:24

1 Korin 13:4

Laradi balamu ik lok mulus mene, la ik lok tooro luvutneton. Neni xopmen na ngaongao ri lempanga at lentaba vetpes la kopmen nap kip aurut laasen teren.

1 Korin 3:19

Limixin at na lavatbung menemen di lok do lakleklen atnedi i silok aleng tinotno, ketla nom lakleklen atnedi i lok ngan mun lavanga gamasa at lemeren ne Moroa. I ngan Lovoang Kaala i tong i xeretna, “Moroa i vuulu lugugu at limixin akleklen.” Jop 5:13

1 Korin 3:21

Kuren la nemen tara na lox aurut laasen at laradi gomgo at lotu mila nedi axap di lok tooro nimi ngan lavasaxaruki.

1 Korin 5:2

Ua lavasuun teren la mi lok do mi silok, la kopmen mina doma mumu na laxakapmek silok i nemen kantubu atnimi? I epovo do nemi mina bulu la mina riki pes nom laradi bilinga basinge luruburu at lotu atnimi.

1 Korin 5:6

Nemi mi lok do loklok atnimi i lox avukat la mi silok aleng, ketla kopmen. Ixok mokso rinimi xusu mina ke xepe nom laradi i lok nom loklok. Miklen levelinga i lok keretna, “Laxakapmek kakalik at legesa radi naba lok kapmek limixin axap.”

1 Korin 8:1

A vara i do ana vorang lususue atnimi mumu lempanga lomlomon limixin diplavang min ti laxampoovo moroa. I ruturun aleng do, “Nedik axap ta ruuna levenakleklen,” kerekngan limixin di tong i. Do laradi i ruuna lakleklen solo, neni ba xip aurut laasen teren, ketla mo laradi i umsu mi labalamu, ik lox aru lolos lorooro nunuan kantubu at limixin nuunu.

1 Korin 9:23

Na levempanga axap a lox i ri lok ka buaang limixin kusu dina nuunu at Lagale Lavavang la kerepmo aba lok ka bok tenep at leveloklox anarong boro at ne Moroa.

2 Korin 10:12

Maxo lok do mana mii poovo nema ri leventaba la mana ila mumu nema rinedi leventaba di lok do di silok aleng. Ketla di soxovo lorooro atnedi mi leventaba atdi xa, la dira ila mumu nedi ri leventaba atdi xa, nedi xopmen dinaklen tempanga.

2 Korin 10:15

La kopmen mana lox aru nema mumu leven gugu at leventaba vetpes. Ketla lavavara atnema do mo lunuunu atnemi na sisilok, la manaba lok bok buaang teven gugu xantubu atnimi.

2 Korin 10:7

Nemi mi ven mumu levereven at labantuxu at laradi la kopmen mina reven lorooro axap teren. La do tara i doma ruturun i do neni at ne Karisito, i lox avukat do neni na xasep do nema bok at ne Karisito xerekngan i.

2 Korin 11:4

A marat do tara na vot la na vavang mi ne Iesu vetpes ti na ne Iesu nema ma vavang min, la mina lok ka loroonan kopmen at ne Moroa, eburu mi lavavang i lok petpes aleng tinotno ri Loroonan Kaala at ne Moroa eburu mi lavavang nemi miga ronga ka i la miga siam kaka i.

2 Korin 12:19

Agut mi doxoma i do nema mo mak lok tong i do mana paase see atnama ro melamgo atnimi? Kopmen tinotno. Ma paase ngan limixin at ne Karisito to melamgo at lemeren ne Moroa. Larapen tangas orong tarak. Levempanga axap ma lox i xusu ri lok tooro nimi.

2 Korin 12:20

A marat do at loxonaleng nia ana vot dom, aba long lenget nemi do mira lok petpes aleng pam ti lodoxoma nia a vara i do mibap tuvuk kuren; la nemi bok miba long lenger i do nenia bok aba lok petpes ti lodoxoma nemi miga vara i do nia aba lok kuren. A marat do aba ven lenget levenedak la levereven peves la levenmukmusak la levenekarakat la lavapaase nemnem la loklox asilok patlak la levempanga xopmen na sixit nunuan keneng at lotu.

2 Korin 12:6

Dola a vara i xusu ana lox aru ia, nia noxo lok ngan laradi baulang; mila a paase mi luruturun. Ketla axo xip tutu min, atla ixo lox avukat do tara i doxoma mumu solo ia ri levempanga salai neni i ven i rak la i ronga ia min.

2 Korin 4:15

Ma suma levesongsongot nop nimi; kuren la do letaba nabalamu at ne Moroa na vot saparap bok teventaba tuvuttadi, nedi diba umsu aleng mi levelinga loklox avukat la diba lox asuusu leemi asu ri ne Moroa.

Kolosi 2:18

Ixok mokso do tara na tong i rinimi do mixo epovo kusu mina lok kaka leveloklox anarong at ne Moroa. Laradi xerepmo i lok poovo i do i lox asi aleng lorooro ren; i nua i do i ruuna laasen silok mila i lotu saparap lubungangelo la mumu bok levesilimet teren, ketla i ruuna loklok papavas la i mumu asu mene lodoxoma kopmen tavasuun teren boro at na lavatkangka.

1 Tesalonia 1:5

Maklen i na mila ap mo levenaleng nema maga tong asu Lagale Lavavang tinimi, goxopmen levelinga mene nga, ketla levelinga ga lolos la maga lok bok levempanga sangsangu mi lololos at Loroonan Kaala; la miga ven i do nema maga nuunu ruturun at Lagale Lavavang. La luruptuvuk atnama ga lox avukat kusu mana lok tooro nimi.

2 Timoti 2:10

Kuren la nia a tu lolos keneng at levesongsongot kusu ri lok tooro mo lavaanat soxolik at ne Moroa la kusu nedi bok dinaba lok kaka loklox arooro at ne Iesu Karisito la ri lox asuusu bok lisisixam avolo ren.