1 Korin 4:5 - Madak

⁵ Kuren la nemen mita ila mumu avot tara ri mo laaleng do naba vot. Laaleng ti ila mumu loklok at limixin noxo vot se Leeme Silok nabamlong; la neni naba lok li lempanga mo nga ik lok at lamain bonot ti laxasep, la naba lox asaxaven levendoxoma i nemen alipe ro xeneng at lorooro at limixin. Ap mo laaleng Moroa naba lox asuusu leemi asu ri limixin.

1 Korin 4:5 ပူးပေါင်းရင်းမြစ်များ

Metiu 10:26

La ne Iesu ga lok bok keretna, “Nemen gat mita marat at limixin di munepen minimi; mila levenai mo nga di se bopbop li i, naba men at lasaxaven, la lempanga sai mo dik lox alipe, naba ravasu at lasaxaven la limixin axap dibaklen i at laaleng ete.

Metiu 24:30

Ap mo laaleng loklok katling tarak, Laradi Mevana naba vot asuvos to vana at laxalibet, la limixin at levennep axap at na lavatbung menemen dinabak saxaanu. Dinaba ven ia, Laradi Mevana, anaba vot at loxontakabu mi langsangan lololos la lisisixam silok.

Metiu 24:46

Naba lox avukat ti mo laradi mo do leeme silok teren nabamlong la na long lenget ka i do i lox epovo lugugu ren.

Metiu 25:21

La mo leeme silok ga lok tin, ‘I lox avukat aleng. Nenu lagale lasaxaruki rak. Nenu ga lok tatao avukat levempanga lixilik. Kuren la nia aba raba u mi laxampanga solo kusu una lok tatao i. Ude u ri leluxa rak. Ata lok momo eburu.’

Metiu 25:23

Leeme silok ga lok tin, ‘I lox avukat aleng. Nenu lagale lasaxaruki rak. Nenu ga lok tatao avukat levempanga lixilik. Kuren la nia aba raba u mi laxampanga solo kusu una lok tatao i. Ude u ri leluxa rak. Ata lok momo eburu.’

Lagale Lavavang At Ne Iesu Karisito Luk Ga Malagan i 6:37

La ne Iesu ga lok bok tidi xeretna, “Nemen mita ila mumu loklok at tara kusu ne Moroa noxo ila mumu loklok atnimi. Nemen mita lok li tavapaase mavana at tara, kusu ne Moroa noxo lok li tavapaase mavana atnimi; mina doxoma xepe laxakapmek atnedi di lox i rinimi, la kerepmo ne Moroa naba doxoma xepe laxakapmek atnimi.

Lagale Lavavang At Ne Iesu Karisito Jon Ga Malagan I 21:22

Iesu ga vorang i rin keretna, “Do nenia a vara i do neni na rooro se at lomlong tarak, nemen uta doma solo i nom. Nenu una mumu asu ia.”

Lagale Lavavang At Ne Iesu Karisito Jon Ga Malagan I 21:23

Luvuttadi loklok ka anasa diga ronga na levelinga la diga tong i ri lavanga do mo laradi loklok ka anasa noxo met. Ketla ne Iesu goxo tong i xuren, neni ga lok mun keretna, “Do nenia a vara i do neni na rooro se at lomlong tarak, nemen uta doma solo i nom.”

Lagale Lavavang At Ne Iesu Karisito Jon Ga Malagan I 5:44

Mi vavara i xusu miba lok ka leemi asu boro atnemi xa, ketla mi xopara i do mina lolos ka lomomo ri ne Moroa; la neni Lomoroa xusuk mun, kusu neni naba emi asu minimi. Kuren la i lolos aleng kusu mina nuunu.

Lovoang At Ne Pol Ti Limixin Nunu to Rom 14:4

Kopmen lugugu atnimi kusu mina viila mumu loklok at laradi gugu at lara vetpes. Keke mulus i, do neni na ru lolos kopla na subu, ketla lavanga xusuk mun atdu mi lamgomgo ren. Ketla neni naba ru lolos, atla Leeme Silok mun i epovo ri lox alolos i.

Lovoang At Ne Pol Ti Limixin Nunu to Rom 2:1

Nemi limixin, ixo epovo do mina viila mumu loklok at leventaba vetpes mila nemi mixo sepsu ap mo leveloklok kakapmek kerekngan nedi di lox i. Dola mi ila mumu loklok atnedi, la do mi lok bok nom levempanga di lox i, mi lok li xa lumumuat atnimi.

Lovoang At Ne Pol Ti Limixin Nunu to Rom 2:16

Lagale Lavavang nia a vavang min, i tong asu i do ne Moroa naba ila mumu loklok at limixin at laaleng ete la keneng at ne Iesu Karisito neni naba ila mumu bok levendoxoma alipe xapmek at limixin.

Lovoang At Ne Pol Ti Limixin Nunu to Rom 2:29

Ketla laradi ruturun me Judaia ni i ruuna lorooro maxat keneng teren, la diga vit katling loroonan teren, la nai ni lugugu at Loroonan Kaala at ne Moroa, kopmen at Lenavolo diga malagan i. Laradi xerepmo i lok kaka leemi asu ren boro at ne Moroa, la kopmen at limixin.

Lovoang At Ne Pol Ti Limixin Nunu to Rom 2:7

Leventaba at limixin dik lox amisik leveloklok i nunuan, kerepmo di puse ri lisisixam mi loklok ngangao la lorooro nunuan; ne Moroa naba raba di mi lorooro avolo.

1 Korin 1:7

La livipisik teren keretna, ne Moroa ira raba vam nimi mi leveloklox anarong axap la mi noxotkis pakpakes bok ba se at nom laaleng Leeme Silok atdik ne Iesu Karisito naba vor asaxaven, i ngan tai mo mi nemen tangais i mi lomomo.

1 Korin 11:16

Ketla do tara i vara i do na etep mi na levelinga rak, a tong i do kopmen teretere vetpes bok ba go i nemen mumu na loklok ti kua vatlak to xeneng at lotu, ik lok kantubu atnema luvuttadi vavang kopla limixin at lotu at ne Moroa.

1 Korin 11:26

Lavasuun at na xeretna, dola mina anan at na lakde la mina inin at nai lakap vaen, mi lox asuusu i do Leeme Silok ga uu nop loklok atdik. La ata mumu asu na loklok se neni nabamlong.

1 Korin 15:23

Ketla nedi getgesara dinaba roo xat amlong at levengkonaleng axa atdi. Avot tinotno ne Karisito ga xatu kaxat amlong, la at laaleng neni namlong ude xopok, nedi ba mo limixin digara met pam mi lunuunu atdi xeneng at ne Karisito, dinaba roo xat amlong.

1 Korin 3:13

At laaleng ete, ne Moroa naba lox asuvos ba luruturun at leven gugu at limixin getgesara, i lok ngan ta di lok tong pen leven gol at laxao, la kerepmo ne Moroa naba lok tong pen bok lugugu at limixin getgesara, do kereva i lox avukat kopla xopmen.

1 Korin 3:14

Do nege laradi ga xip gu mavana at na laabuxumpio la do laxao noxo rin asonao i, neni naba lok ka luunun tin.

1 Korin 3:8

Mo lara itlotlo la mo lara i soli dan, nedu du epovo mun, la nedu getgesara duba lok ka luunun naba epovo at lugugu atdu,

2 Korin 10:18

Moroa xopmen na siam ka mo laradi ik lox aru axa i, ketla neni i siam ka mo laradi, Leeme Silok ne Moroa ik lox aru i.

2 Korin 10:9

Nia a xopara i do mo lodoxoma na ravasu atnimi do nenia aba lox amarat nimi mi lempoang tarak,

2 Korin 4:2

La keneng at na lugugu ma lok kepe leventaangas kakapmek la leveloklok kaxarang. La maxo bala vukpuk bok limixin mi lakleklen atnama, la kopmen mana lox ekun levelinga at ne Moroa; ketla ma tong asu axasep aleng levelinga ruturun at ne Moroa la kerepmo ma lox aru nama ti limixin axap to at lemeren ne Moroa.

2 Korin 5:10

mila nedik getgesara ataba ru asuvos to melamgo at lenep tongtonga linga at ne Karisito; kusu nedik getgesara ataba lok ka luunun, i nunuan kopla i lok kapmek; la neni ba raba i na i epovo at loklok atnedik at na lorooro at labantuxu.

1 Tesalonia 5:2

Mila mi xasep tinotno do mo laaleng naba rupot ngan laradi xipkip pilo i rupot at laxanimin.

Ibru 4:13

Kopmen tevempanga at na lavatbung menemen axap i epovo na nemen alipe at lemeren ne Moroa. Neni ne Pen Axasep la i reven leveloklok axap at limixin dim doma i xopla dim suma i, la neni naba lok li limixin at lavapaase mumu mo leveloklok.

Jems 4:11

Luvutnetak mi luvurinuk. Nemen mita vaase asi tara kantubu atnimi mi tevelinga. Do taradi i vaase asi neton mi levelinga, kopla na ila mumu loklok teren, i lok ngan ta do i ronga xepe Lenavolo at ne Moroa la i lox asi i. Do mina vaase asi levelinga at ne Moroa, kopmen mina ronga res teren, la mi lox asi i.

Jems 5:7

Luvutnetak mi luvurinuk. Mina ngangais mi lomomo se Leeme Silok nabamlong. Mina doma mumu laradi loklok tatao at laraamang; i tu tuxuruxun, la ia ngangais se laxangka na lox asuusu lempanga. Neni i nemen kangais bok ti larakabu mo na vot at leven gaaling teren.

Jems 5:9

Luvutnetak mi luvurinuk. Nemen nemi mita gagalinga mu luvutneton nimi, mila ne Moroa naba vaxaru nimi at lavapaase. Lovotpot at laradi rongtonga linga i auret.

1 Pita 1:7

Ketla ana levempanga it pot ti lox asuusu mun i do lunuunu atnemi i lolos. I ngan bok leven gol ni i epovo xusu dina lok kapmex i, din tin tong pen box i ro at laxao; la lunuunu atnemi, neni lavanga i silok aleng ti logol, neni dinaba lok tong pen i xusu ri long lenget ka i do i lolos kopla kopmen. Melemu minaba ruuna ka leemi asu, la lisisixam eburu mi loklok ngangao at laaleng ne Iesu Karisito naba ru asuvos.

1 Pita 5:4

La do Laradi Gomgo rinotno at lubungsipsip na vot, minaba ruuna xaka luunun, ni lempatbungorong i ruuna lisisixam, la mo lisisixam teren noxo repes.

2 Pita 3:12

Ap mo levenaleng mina ngangais mi lomomo ti laaleng at ne Moroa, mina lox alolos mo laaleng kusu na vot soso mun. Ap mo laaleng laxalibet naba an, la na rem utut, la levempanga axap naba releus at liplivi.

2 Pita 3:4

La dinaba susue sese xeretna, “Neni ga tong li i rinemi do neni nabamlong, do? Ua nga i no? Luvuttemen nema no digara met axap pam, ketla levempanga move ik lok at lengkot atdi, ga ru kaxat ka i at luruntudum li at lavatbung menemen!”

Lovoang At Ne Jut 1:14

Enok ni laradi sepsev avanna melemu at ne Adam, la neni ga paase alii mumu nom luvuttadi kapmek. Ni ga lok keretna, “Mina reven avukat. Leeme Silok naba rupot eburu minedi buaang limixin dadat teren,

Lisilimet 1:7

Mina ven avukat tin. Neni mo naba vot eburu mi loxontakabu, la larabung mixin axap eburu minedi diga vaxarem i at laxaba, dinaba ven i. La limixin axap at na lavatbung menemen dinaba saxaanu mu bok ba i. La nai naba ravasu ruturun kuren. I ruturun.

Lisilimet 20:12

La aga ven nedi diga met pam, limixin silok la limixin gamasa, diga tu ro melamgo at loxonin orong at ne Moroa. Lentaba lempatbuk mo ga repalas. La lara lubuk ap mo levenbuk diga suang i, ni lubuk at lorooro. La ne Moroa ga ila mumu loklok atnedi limixin, la mo leveloklok atdi gak lok ap mo levenbuk.