1 Korin 4:17 - Madak

¹⁷ Lavasuun mun at nai la nia ara riki aonon pam ne Timoti udom saparap nimi. Neni ne nuruk tinotno at laasen at Leeme Silok, la a balamu i. Neni laradi ruturun at lorooro ren keneng at Leeme Silok. Neni naba vaase axasep manga nimi mi loklok tarak keneng at lorooro at ne Iesu Karisito. La loklox ase ren i epovo mi loklox ase rak kerekngan aga lox ase limixin min at laraugu lotu at lengkot axap.

1 Korin 4:17 ပူးပေါင်းရင်းမြစ်များ

Metiu 24:45

Mo laradi ruturun la lasaxaruki avukat, neni mo, leeme silok teren ba lok katling i xusu na lok tatao lavasaxaruki ren la nam taba di mi levempanga anan at levengkonaleng mokmokso.

Metiu 25:21

La mo leeme silok ga lok tin, ‘I lox avukat aleng. Nenu lagale lasaxaruki rak. Nenu ga lok tatao avukat levempanga lixilik. Kuren la nia aba raba u mi laxampanga solo kusu una lok tatao i. Ude u ri leluxa rak. Ata lok momo eburu.’

Metiu 25:23

Leeme silok ga lok tin, ‘I lox avukat aleng. Nenu lagale lasaxaruki rak. Nenu ga lok tatao avukat levempanga lixilik. Kuren la nia aba raba u mi laxampanga solo kusu una lok tatao i. Ude u ri leluxa rak. Ata lok momo eburu.’

Leven Gugu 16:1

Pol ga vas kaxat basinge mo lunep silok, la gat pas uto Debi la Listra. Lara laradi nuunu laasen teren ne Timoti ga nemen go Listra; nenen bok, ni latkin nuunu at lubungmixin me Judaia, ketla ne temen neni at lubungmixin me Grik.

1 Korin 11:16

Ketla do tara i vara i do na etep mi na levelinga rak, a tong i do kopmen teretere vetpes bok ba go i nemen mumu na loklok ti kua vatlak to xeneng at lotu, ik lok kantubu atnema luvuttadi vavang kopla limixin at lotu at ne Moroa.

1 Korin 11:2

Nenia a emi asu minimi mila mi doxoma amisix ia la mi mumu asu levenanasa, agara anasa vam nimi min.

1 Korin 11:34

La do tara i roxo, neni na anan avot be ro at loogu ren, la kerepmo mi noxo ekip tangarang mi lebelemamao at ne Moroa. La ti mo levelinga vetpes bok miga sue ia mumu i, aba vaase bok ba nimi min do nia ana vot pasa nimi.

1 Korin 14:33

la kerepmo lotu atnimi nabak sixit nunuan. Mina lox i xuren mila ne Moroa ga xup kaka dik kopmen do rik lox angtang gamasa, ketla ni ga xup kaka dik kusu lotu atdik nabak sixit nunuan, atla neni ne Moroa at limila. To at laraugu lotu at limixin at ne Moroa,

1 Korin 16:1

Nanga a vara i do ana vaase rinimi mumu levempilas miga malagan axasep min tia xusu ri lok tooro limixin at ne Moroa di nemen to Judaia; mina lox i ngan nia agara vaase vam i ri limixin at laraugu lotu ro at lenep silok Galesia xusu dibak lox i.

1 Korin 16:10

Mo do ne Timoti na vot pasa nimi, i lox avukat do mina seega rangarang i, mila neni mo ik lok lugugu at Leeme Silok, kerekngan mun ia.

1 Korin 4:14

A malagan i na levelinga rinimi, kopmen do ri lox amangan nimi; a malagan i xusu ri vaase aronga nimi; nia a balamu nimi ngan nemi luvutnuruk tinotno.

1 Korin 4:15

Keke i do mi ruuna buaang luvuttadi loklok tatao, ketla mi ruuna mun legesara ngan ne temen nimi. At lorooro atnimi at ne Iesu Karisito, nenia a lok ngan ne temen nimi, atla nia aga vavang tinemi mi Lagale Lavavang.

1 Korin 4:2

Lara lavanga i silok aleng ti laradi loklok tatao at levelinga at ne Moroa i lok keretna; neni na lok amisik lugugu ruturun ti laradi gomgo ren.

1 Korin 7:17

Ketla nemi getgesara mina nemen at lixitkis migak lok teren ap mo laaleng ne Moroa ga ro xaka nimi. Mo lixitkis atnimi i ngan laramtaba Leeme Silok gara raba vam nemi min. Anai lavapaase a lox ase limixin min at laraugu lotu at lengkot axap.

1 Korin 7:25

Monga a vara i do ana paase rinimi mumu lususue miga sue ia min mumu nedi dik lok naa. Axo lok ka lavapaase mumuat boro at Leeme Silok mumu na lavanga, ketla ana vaase nimi mi lodoxoma rak, nia a epovo do ana tong i na rinimi mila Leeme Silok ga lox asuusu vam lebelemumu ren tia la iklen i do nenia laradi ruturun.

2 Korin 8:18

Maba riki ne Taitas eburu bok mi lara neton nedik, mo, limixin di lok ngangao aleng teren to at laraugu lotu axap mumu lugugu ren ti tong asu Lagale Lavavang.

Epesas 6:21

Tikikas, neni neton orong atdik la lasaxaruki ruturun at Leeme Silok. Neni naba vosiga nimi la naba raba nimi mi lavapaase axasep mumu lorooro rak la lugugu rak nade.

Pilipai 2:19

Dola lavavara at Leeme Silok ne Iesu, a doxoma i do aba riki soso ne Timoti udom saparap nemi, kusu nenia aba ronga tevelinga mumu nimi, kusu naba lox alolos ia.

Pilipai 2:22

La nemi miklen pam i do neni gara lox asuusu vam lugugu avukat teren, atla neni ga gugu eburu minia ri tong asu Lagale Lavavang, kerekngan lamdak i gugu eburu mi ne temen.

Kolosi 1:7

Epapras ga anasa nimi mi nom letaba nabalamu; neni lagale laradi i gugu eburu minema’ la ni laradi ruturun i lok lugugu at ne Karisito ti lok tooro nimi.

Kolosi 4:9

Neni ba emu eburu bok mi ne Onesimas, neni laradi ruturun la netak orong; neni at libinam tadi atnemi. Nedu duba tong asu lempanga salai mo it pot nade.

1 Timoti 1:18

Timoti, nenu lamdak tarak. Ana raba u mi na levelinga i epovo mi levelinga vapaase alii at lugugu ram saparap ne Moroa gano migomgo. Do una mumu asu i, ba lox alolos u xusu unaba esep avukat ap mo leesep nunuan,

1 Timoti 1:2

Nia a malagan na lovoang ti ne Timoti, lamdak tinotno rak maxeneng at legesa nuunu. Letaba nabalamu, lebelemumu, la limila bok tu boro at ne Temen dik la ne Iesu Karisito, Leeme Silok atdik.

2 Timoti 1:2

A malagan na levelinga ru ne Timoti; nenu lamdak orong tarak. Letaba nabalamu, lebelemumu, la lenmila bok tu boro at ne Moroa ne Temen dik la ne Iesu Karisito, Leeme Silok atdik.

2 Timoti 2:2

Unam tebeng alolos levenanasa nu uga ronga ia aga paase asu i at lemeren nedi buaang limixin, una raba nedi limixin min no di epovo nam tebeng avukar i, la di epovo na lox ase limixin petpes bok min.

2 Timoti 3:10

Ketla nenu u mumu asu avukat levenanasa rak la loklok tarak; ura lok kaka vam lorooro rak, la ura ven kibis lunuunu rak; ngan loklok mulus, labalamu la a tu lolos bok at lunuunu rak.

Taitas 1:5

Nenia aga lok li u, ne Taitas, to Krit la aga on basinge u. Lavasuun teren keretna; leventaba leven gugu at lotu ro Krit kovisi na sixit avukat. La a vara i do una gugu axap nom levempanga nenia goxo epovo na gu axav i. Una soxolik ka tuvuttadi amgomgo ri lox ase limixin at laraugu lotu keneng at levenmenemen getgesara. Una lox i na, kerekngan nia aga tong i ru gano.

Lisilimet 2:10

Nemen mita marat ap mo levenmumuat minabap kiv i. Mina ronga i na, Satan naba lok li teventaba atnemi ri loklok tong, la ba lok li teventaba atnimi at loxokoxo; la mibap kip mo levesongsongot at lasangaun aleng mun. Mina tu lolos mi lunuunu atnimi saparav ia, keke i do miba met mumu i, la aba raba nemi mi lorooro avolo ngan lavatbungorong tinimi.

Lisilimet 2:13

Akleklen i do mik lok at lemenemen, ne Satan i nemen keneng teren ngan loorong silok. Ketla laasen tarak mim tebeng alolos i. La nemi xopmen mi goxo soxepe lunuunu atnimi ap mo levenaleng ne Antipas ga uu ren; neni ga nemen ngan laradi ruturun la laradi vapaase asu levelinga rak. Limixin at ne Satan diga sev i dom kantubu at lemenemen silok atnimi, nom ne Satan i nemen teren.