1 Korin 4:15 - Madak

¹⁵ Keke i do mi ruuna buaang luvuttadi loklok tatao, ketla mi ruuna mun legesara ngan ne temen nimi. At lorooro atnimi at ne Iesu Karisito, nenia a lok ngan ne temen nimi, atla nia aga vavang tinemi mi Lagale Lavavang.

1 Korin 4:15 ပူးပေါင်းရင်းမြစ်များ

Lovoang At Ne Pol Ti Limixin Nunu to Rom 15:20

Lodoxoma amisik tarak kusu ana paase asu Lagale Lavavang to at levenmenemen di goxovisi gita ronga ka na Lagale Lavavang, kusu a noxo ru mun pana at lugugu laradi vetpes gara lok pam i.

1 Korin 1:30

Ketla ne Moroa gara lok ka vam nimi ri lixitkis etangas eburu mi ne Iesu Karisito la ne Moroa ga lok katling pam ne Karisito ngan laxasep tidik; keneng mun at ne Iesu Karisito, ne Moroa ga vaxaxis buru dik min, la ga lok dik ngan limixin dadat teren, la gara lox asepmus nedik basinge laxakapmek atdik.

1 Korin 15:1

Luvutnetak mi luvurinuk. A vara i do mina doma amlong ti nom Lagale Lavavang, nenia aga vavang min tinimi; miga siam ka i la lunuunu atnimi ga ru alolos teren.

1 Korin 3:10

Moroa ga raba ia mi lakleklen kusu ana lok lugugu avukat; la kerepmo aga lok lugugu xantubu atnimi, i lok ngan laradi akleklen at lixipkip gu, la aga vaxaru li laabuxumpio at loogu, la lentaba vetpes dip kip gu mavana ren. Ketla nedi xa dina lok tatao avukat di xusu dina lok lugugu avukat.

1 Korin 3:6

Nenia agatlotlo li levelinga at ne Moroa xeneng at lorooro atnimi; la ne Apolos ga soli dan at nom levelinga, ketla ne Moroa axa ga lox asuusu nom levelinga xeneng at lorooro atnimi.

1 Korin 3:8

Mo lara itlotlo la mo lara i soli dan, nedu du epovo mun, la nedu getgesara duba lok ka luunun naba epovo at lugugu atdu,

1 Korin 9:12

Leventaba luvuttadi vavang petpes diga lok ka levempilas la levempanga anan dom atnimi la i lox avukat kuren. Ga epovo bok do nemi gita lok tooro nama kerepmo, atla maga rupot avot tidi la maga tong asu levelinga at ne Moroa rinimi. Ketla ma goxo sing panga nimi. Maga gugu lolos aleng ti lok tooro lixitkis atnama. Lavasuun teren keretna. Maga xopara i do teventaba atnimi dina lox abulubun kepe Lagale Lavavang at ne Iesu Karisito mumu levempilas ti luvuttadi vavang.

1 Korin 9:14

La kerepmo bok Leeme Silok ga tong i rinama do nedi di vavang mi Lagale Lavavang, diba lok ka luunun tidi at Lagale Lavavang kusu naba epovo at lixitkis atnedi.

1 Korin 9:16

Nia a vavang mi Lagale Lavavang, ketla ixok mokso ria xusu ana xip aurut laasen tarak, mila Leeme Silok gara vaxaxip pam ia mi lugugu ren kusu ana lox i. Dola nia a noxo vavang mi Lagale Lavavang, naba lok kapmek aleng tino ria.

1 Korin 9:18

Lavanga sala nia anaba lok ka i at na lugugu? I lok keretna; dola nia ana vavang mi Lagale Lavavang, nia noxo ro unun at limixin. La kerepmo nenia a noxo siam ka luunun ti na lugugu, keke i do ik mokso do ana lok ka i.

1 Korin 9:23

Na levempanga axap a lox i ri lok ka buaang limixin kusu dina nuunu at Lagale Lavavang la kerepmo aba lok ka bok tenep at leveloklox anarong boro at ne Moroa.

2 Korin 4:5

Nema maxo vavang minama xa, ketla ma vavang asu mi ne Iesu Karisito ngan Leeme Silok; la nema ma lok ngan lavasaxaruki atnimi mumu lugugu at ne Iesu.

Galesia 3:24

Kuren la Lenavolo gak lok tatao luruptuvuk atnema la ga gagas li nama ti mo laaleng ne Karisito ga vot teren; neni ga vot kusu mana sepmus basinge loklok kakapmek keneng at lunuunu atnema.

Galesia 3:25

Kuren la amo nga, lunuunu ik lok atnema, la Lenavolo ixo lok tatao bok ba nema.

Galesia 4:19

Luvutnuruk orong! Nenia a suma losongsongot mumu nemi ngan latkin ing songot at laaleng pipisik teren, la anaba suma na losongsongot se at laaleng lorooro at ne Karisito naba suxuna axap nemi.

2 Timoti 4:3

Laaleng naba vot la limixin di noxo ronga xaka na levenanasa ruturun at ne Moroa, ketla dinaba mu asu lavavara atdi xa; diba ro xaka buaang lavaeme loklox ase xaxarang, kusu diba lox ase nedi mi levelinga di vavara nang tonga i.

Taitas 1:4

Nenia a malagan na levelinga ru ne Taitas, nenu u lok ngan ne nuruk tino, mila nenu u nuunu at ne Iesu Karisito xerekngan ia. Letaba nabalamu mi lenmila tu boro at ne Moroa ne Temen dik eburu mi ne Iesu Karisito, Laradi Loklox Arooro atnedik.

Pilimon 1:19

Nenia ne Pol, a malagan na levelinga ru. Na levelinga rak i ruturun la nenia anaba vorang levempanga ram. Ketla una doma i do nenia aga lok tooro u xusu una lok ka lorooro.

Jems 1:18

Neni ga mumu asu lavavara ren la ga raba nedik mi lorooro maxat, mo ga laa boro at levelinga ruturun teren, kusu nedik taba lok ngan levempipisik avot, la taba gomgo ri lempanga axap, ni ga rudum li i.

1 Pita 1:23

mila miga ruuna xaka livipisik amaxat la na lorooro maxat noxo xap ngan laradi at na lavatkangka, ketla naba nemen amisik; na lorooro ga ravasu at levelinga at ne Moroa la i rooro la naba nemen amisik.