1 Korin 4:12 - Madak

¹² la maga gugu lolos kusu mana lok kaka levempanga ri lok tooro lixitkis atnema. Diga vaase xakapmek tinama, ketla maga sing ne Moroa xusu na lox anarong nedi. Diga lox asongot nema, ketla maga momo ri xip tutu min.

1 Korin 4:12 ပူးပေါင်းရင်းမြစ်များ

Metiu 5:11

Luvukat mo ik lok tinemi do limixin diba vaase aksaksa rinimi la diba sev asongot nimi la diba paase mumu nimi mi levelinga xaxarang mila nemi limixin tarak.

Metiu 5:44

Ketla mo nga ana tong i rinimi do; mina balamu nedi di munepen minimi, la mina ngising tinedi dik lox asongot nimi,

Lagale Lavavang At Ne Iesu Karisito Luk Ga Malagan i 23:34

La ne Iesu ga lok, “Tamak, una doxoma xepe na laxakapmek atdi. Dixoklen lavanga salai mo di lox i.” La diga epes levempanga singsiga ren kantubu atdi, diga lu buru mi lengkonuat, kusu ri lok kisip ka nege ba lok kaka i.

Lagale Lavavang At Ne Iesu Karisito Luk Ga Malagan i 6:28

Mina lox anarong nedi di vaase kapmek tinimi la mina sing tinedi di lok kapmek nimi.

Lagale Lavavang At Ne Iesu Karisito Jon Ga Malagan I 15:20

Mina doxoma levelinga nia aga tong i rinimi i lok keretna, kopmen tasaxaruki na silok ti laradi gomgo ren. Do dina lox asongor ia, diba lox asongot bok nimi; do dina ronga res at levelinga rak, diba ronga res bok at levelinga atnimi.

Leven Gugu 18:3

la ni ga nemen midu la ga gugu eburu midu, mila neni gakleklen lugugu gu mi levengkadis, kerekngan du. La kerepmo diga lok kaka lempilas tidi.

Leven Gugu 20:34

Nemi xa miklen i do aga gugu mi na lukngak la aga lox epovo ka lempanga, nema mi larapen tangas tarak magak pakes tin.

Leven Gugu 7:60

Ni ga xis tiktikbu mi luvatgulom teren la ni ga sing silok keretna, “Leeme Silok. Nemen uta doxoma na laxakapmek atnedi di lox i ria.” Ni ga tong i mo la ni ga met ta.

Lovoang At Ne Pol Ti Limixin Nunu to Rom 12:14

Mina ngising ne Moroa xusu neni naba lox anarong nedi di raba nemi mi losongsongot la nemen gat mita tong taba di mi lasaxaek.

Lovoang At Ne Pol Ti Limixin Nunu to Rom 12:20

Ketla nemi mina lox i ngan Lovoang Kaala i tong box i xeretna, “Dola taradi munepen atnemi na roxo, mina raba luxa i; do neni na minu, mina raba i mi taxadan tin; la mo do mina lox i na loklok, i ngan ta do mim subunga li laxao liplivi ro at lavatlak teren.” Ler 25:21-22

Lovoang At Ne Pol Ti Limixin Nunu to Rom 8:35

Nege rinotno ba, i epovo xusu na lox epeseves nedik basinge labalamu at ne Karisito? Kopmen tepanga. Ixo epovo do levenmumuat na lox i, kopla levenaleng lolos, kopla levesongsongot mumu lunuunu atdik, kopla loroxo, kopla loklok banbalo, kopla lempanga sepsev amet, kopla lanmet.

1 Korin 9:6

Kopla nema xusuk mi ne Banabas mana gugu lolos ti lixitkis atnema?

2 Korin 11:8

Aga lok kaka levempilas boro at laraugu lotu vetpes ngan luunun tia, kuren la aga lox epovo i xusu ana vavang ti lok tooro nemi.

Epesas 4:28

Mo laradi xipkip pilo gutap kip pilo bok ba. Ketla neni na lok lugugu mi lukngen la na lok leven gugu nunuan kusu neni na epovo na lok tooro nedi limixin pakpakes.

1 Tesalonia 2:9

Luvutnetak mi luvurinuk. Mina doma bilong ti mo lugugu lolos atnama. Maga tong asu Lagale Lavavang at ne Moroa rinimi, la maga gugu at lengkangking la at lengkanimin, maga gugu pilas kusu nemi mi noxo kepe tevempilas atnimi xusu ri lok tooro nama.

2 Tesalonia 3:8

Ma goxo lok kaka gamasa tevempanga atnimi, maga un kaka leveluxa la levempanga vetpes bok magak pakes tin. Maga gugu lolos at levenaleng kangking la at levenaleng kanimin kusu mi noxo xepe pilas ti lok tooro nama.

1 Timoti 4:10

Ni lavasuun teren la dik ata gugu lolos la atam tabaavat, mila dik ta lok li vam lodoxoma voovo atdik at ne Moroa mo i rooro, neni Laradi Loklox Arooro at limixin axap la atnedi bok di nuunu.

1 Pita 2:23

At loxonaleng diga paase aksaksa rin, neni goxo vorang di mi teloklok bok kuren; la at laaleng neni ga lok kaka loklox asongot, neni goxo lok tepanga, ketla neni ga lok li levendoxoma axap teren at ne Moroa neni laradi rongtonga linga la na lugugu ren ik mokso rinotno.

1 Pita 3:14

Ketla do mina lok kaka loklox asongot mumu loklok avukat mi lox i, minaba ruuna xaka bok leveloklox anarong. Kuren la nemen gat miguta marat at teta, kopla mina bulu.

1 Pita 3:9

Nemen gat miguta vorang laxapmek mi laxapmek kopla mina vorang lavapaase kapmek mi lavapaase kapmek bok; ketla mina vorang i na leveloklok mi loklox anarong, atla loklok anarong neni lavanga ne Moroa ga xaape xusu neni naba raba nemi min at laaleng neni ga ro xaka nemi.

1 Pita 4:19

Kuren la nedi dik lok kaka losongsongot mila dik lok mu asu lavavara at ne Moroa, dina tu lolos at leveloklok nunuan, la lunuunu atnedi na tu tuxuruxun at ne Moroa, laradi runtudum li, la neni kopmen na domampe laxakaape ren.

Lovoang At Ne Jut 1:9

I ngan ganoxa laangelo gomgo ne Mikael ga etep mi levelinga eburu mi ne Satan; nedu ga etep mi levelinga do nege naba lok ka labantuxu at ne Moses. Mikael goxo sok taba ne Satan mi levelinga xapmek. Ni ga lok mene xeretna, “Satan. Moroa axa i vaase sox u.”