1 Korin 2:1 - Madak

¹ Luvutnetak mi luvurinuk. Nenia agat pas udo saparap nimi xusu ana vavang tinimi mi levelinga at ne Moroa, kopmen lavapaase rak goxo sixit nunuan ngan laradi vapaase, la lavavang tarak goxo umsu mi lakleklen at na lavatbung menemen.

1 Korin 2:1 ပူးပေါင်းရင်းမြစ်များ

Leven Gugu 20:21

Ti leme Judaia la limixin kopmen di me Judaia bok aga vaase lolos tinedi do dina leeng basinge laxakapmek atnedi, la dina vot parap ne Moroa, la dina nuunu at Leeme Silok ne Iesu.

Leven Gugu 22:18

Keneng at na lisilimet nia aga ven Leeme Silok ga lok tia, ‘Soso u la una vas kaxat basinge lemenemen Jerusalem, mila limixin me de di noxo siam ka levelinga ram mumu ia.’

Lovoang At Ne Pol Ti Limixin Nunu to Rom 16:18

Leventaba dik lok mo leveloklok, kopmen dina gugu ri Leeme Silok atnedik, ne Karisito, ketla di gugu mun tinedi xa. Levempapaase atnedi ik lox avukat tinotno eburu mi levendoxoma atnedi; kerepmo dik lox atdan kaka limixin, lunuunu atdi xopmen na lolos, kusu dina sar asoogong di.

Lovoang At Ne Pol Ti Limixin Nunu to Rom 16:25

Ata emi asu mi laasen at ne Moroa. Neni i epovo ri lox aru lolos lunuunu atnemi, mumu Lagale Lavavang nenia a vavang min. Ni Lagale Lavavang at ne Iesu Karisito, mo lavapaase asu at luruturun gak lok lipe at laxanmaares buaang.

1 Korin 1:17

Karisito goxo riki ia xusu ana sep susu limixin. Ni ga riki ia xusu ana tong asu Lagale Lavavang. La nenia xopmen goxo tong asu i mi lakleklen at limixin mun. Do kuren, a lok laniu at ne Iesu ngan lavanga gamasa la kopmen tololos teren.

1 Korin 1:6

La kerepmo neni ga lox asuusu i rinimi do lavavang mumu ne Karisito maga tong asu i rinimi ga ruturun.

1 Korin 2:13

Na lavavang atnama luvuttadi vavang ma vavang min, kopmen at limixin akleklen at na lavatbung menemen, ketla lavavang atnama boro xa at Loroonan Kaala mo ga anasa nama min. La kerepmo mak soxomus levelinga mumu ne Moroa rinedi di ruuna Loroonan Kaala.

1 Korin 2:4

la leveloklox ase rak mi lavavang tarak kopmen goxo ravasu mi tengkolinga nunuan mi lakleklen at na lorooro. Ketla levelinga rak ga lox asuusu lolos at Loroonan Kaala at ne Moroa.

1 Korin 2:7

Maga tong asu Lagale Lavavang at ne Moroa rinimi, mo ga nemen alipe. Moroa gara tong li vam i xusu naba lox aurut levenasen atdik, avot ti loklok li at na lavatbung menemen.

2 Korin 10:10

mila leventaba di lok do, “Levempoang at ne Pol i lolos la i mumuat aleng. Ket do neni na nemen eburu midik, neni nabasko la levempapaase ren noxo mumuat solo.”

2 Korin 11:6

Keke i do nia axoklen avukat lavavang, ketla a lok nunuan at lakleklen nia a ruuna i, la magara lox ase axasep tinotno vam nimi min.

2 Tesalonia 1:10

Diba lok ka na lumumuat ap mo laaleng ne Iesu naba si ukopok la limixin axap teren diba emi asu min la diba lok ngangao ren. La nemi bok miba emi asu min, mila miga siam kaka Lagale Lavavang maga tong asu i rinimi.

1 Timoti 1:11

Na levelinga ik lok to xeneng at Lagale Lavavang, mo ne Moroa ga raba ia min, kusu ana tong asu i. Lagale Lavavang ne Moroa i lox asuusu lisisixam at ne Moroa, kuren la ata emi asu mi ne Moroa.

2 Timoti 1:8

Kuren la nemen uta lok mamangan ti paase asu levelinga at Leeme Silok atnedik. La nemen uta lok mamangan mu box ia atla nenia a nemen at loxokoxo mumu ne Karisito. Ketla atap kip levesongsongot mumu Lagale Lavavang mi lololos ne Moroa ga raba dik min.

1 Jon 4:14

La nema magara ven pam ne Nitna la ma tong asu i dola ne Temen dik ga riki ne Nitna ngan Laradi Loklox Arooro ri limixin at na lavatbung menemen.

Lisilimet 1:2

la neni naba tong asu mo lempanga axap ni ga ven i. La anai, ni levelinga boro at ne Moroa, la mumu bok mo levelinga ruturun ne Iesu Karisito ga vaase i.

Lisilimet 1:9

Nenia ne Jon, neton nemi limixin mi nuunu at ne Iesu. La nenia na ap kip levesongsongot eburu minimi, la nedik eburu lavaanat at Linintoo ren, la ata tu tuxuruxun at lunuunu atdik, do nedik ata ekip tangarang mi levesongsongot. Nenia agak lok at losoxan to Patimos, nia aga nemen go ngan laradi xokoxo mila nia aga tong asu Lagale Lavavang at ne Moroa mi levelinga ruturun at ne Iesu.

Lisilimet 19:10

Nia aga ronga i na la aga xis tiktikbu mi luvatgulom tarak to saparap luxangkedek teren kusu ana lotu parav i, ketla ni ga lok tia, “Nemen gat uta lotu parav ia. Nenia lasaxaruki mun at ne Moroa kerekngan nenu eburu mi luvutnetam, mo mim tebeng levelinga ruturun at ne Iesu. Una lotu parap ne Moroa. Mo levelinga ruturun ne Iesu ga tong asu i, ni lavasuun at levempavang at luvuttadi vapaase asu levelinga.”