1 Korin 16:6 - Madak

⁶ Agut aba nemen eburu minimi go at teventaba teven gaaling, kopla at leven gaaling axap at lamdut kusu nemi miba lok tooro ia at lavatpas tarak dom at levengkot salai nia anat pas teren.

1 Korin 16:6 ပူးပေါင်းရင်းမြစ်များ

Leven Gugu 15:3

Luvuttadi lotu me go Antiok diga sak tiki nedi uto Jerusalem, la digat pas maxeneng at lengkot Pinisia la Samaria la diga tong asu i ri limixin nuunu go, do limixin kopmen di me Judaia, mo diga leeng la diga nuunu at ne Iesu; lavavang at na ga lox amomo buaang nedi luvuttadi nuunu.

Leven Gugu 17:15

La nedi diga emu mi ne Pol, digat pas eburu min uto Atens. Melemu digamlong uto Beria mi levelinga loklox axasep boro at ne Pol do ne Sailas mi ne Timoti duba vosiga soso mene i.

Leven Gugu 20:38

Diga lok bukbulu aleng at levelinga ni ga tong i do di noxo ven bok ba i. La diga emu min uto at lavattaaxup.

Leven Gugu 21:5

Ketla levenaleng atnama ri nemen go ga xap, la maga on basinge mo lemenemen silok. Nedi axap, eburu mi lavakin atnedi la laxaalik kakalik atdi, diga vas kaxat eburu minema uto loxon. Maga xis tiktikbu mi lempatgulom atnama ro loxon la maga lok lising.

Leven Gugu 27:12

Mo losoolom kopmen goxo lox avukat tinama xusu mana nemen teren ap mo leven gaaling at lamanman; kuren la buaang atnedi diga lok do dina sen kaxat mi lavattaaxup la dina sen epopolo uto Pinisia mo do dina epovo. Ni lara losoolom to Krit ga nemen alipe at lamanman la diba nemen go at leven gaaling at lamanman.

Leven Gugu 28:11

Maga nemen go at lavantun gaaling la maga sen kaxat mi lavattaaxup boro Aleksandria, laasen teren, “Luxalaisang Moroa.” Mo lavattaaxup ga nemen go ap mo losoxan at leven gaaling at lamanman.

Lovoang At Ne Pol Ti Limixin Nunu to Rom 15:24

La a doma i do anaba lox epovo ba i mo. A vara i do anaba ven nemi at loxonaleng nenia ana lok lavatpas tarak uto Spein, la minaba lok tooro box ia rit pas ugo melemu at loklok tarak eburu minemi at lentaba levenaleng.

1 Korin 16:11

Nemen gat tara na lox abulubun kepe i, ketla mina lok tooro i xusu ri lok mo lavatpas teren keneng at lenmila, kusu neni nabamlong bok ude saparav ia; la a doxoma i do neni nabamlong eburu midi luvuttadi nuunu.

2 Korin 1:16

Aga doma gagas i xusu at lavatpas tarak uto Masadonia la lomlong bok tarak, aba vot pasa be nimi xusu anaba lok ka teveloklok tooro me dom atnimi ti lavatpas tarak uto Judaia.

Taitas 3:12

Leventaba levelinga bok na, nenia ana tong i ru. Ana sak tiki ne Atemas kopla ne Tikikas saparav u. Dola neni na rupot, neni na lok kun u la una lolos ti vot pasa ia ro at lemenemen Nikopolis; nenia aba nemen go at leven gaaling at laavat.