1 Korin 16:1 - Madak

¹ Nanga a vara i do ana vaase rinimi mumu levempilas miga malagan axasep min tia xusu ri lok tooro limixin at ne Moroa di nemen to Judaia; mina lox i ngan nia agara vaase vam i ri limixin at laraugu lotu ro at lenep silok Galesia xusu dibak lox i.

1 Korin 16:1 ပူးပေါင်းရင်းမြစ်များ

Leven Gugu 11:28

Lara atnedi ne Agabas ga xatu upana la at lololos at Loroonan Kaala ga vaase alii do lean kangking naba rupot at lavatbung menemen axap. Ga vot ap mo levenaleng ne Kolodias gam gomgo ri limixin me Rom.

Leven Gugu 11:30

Diga lox i xuren la diga lox aonon lempilas at lukngen ne Banabas mi ne Sol, kusu duba raba luvuttadi gomgo at lotu min, go Jerusalem.

Leven Gugu 16:6

Pol mi larapen tangas teren digat pas epolo maxeneng at lunep silok Pirigia la Galesia, mila Loroonan Kaala goxo siam do dina vaase asu Lagale Lavavang ap mo lenep Asia.

Leven Gugu 18:23

Melemu at leventaba levenaleng at loklok teren go, ni ga vas kaxat, la gat pas maxeneng at lengkot axap, Galesia, la Pirigia, neni gak lox alolos limixin nuunu.

Leven Gugu 24:17

Melemu at lentaba levenmaares aga nemen petpes basinge lemenemen Jerusalem, agat pas ugo ri xip ka lempilas tinedi limixin tarak mo dik pakes; la aga vara i do anaplavang saparap ne Moroa.

Leven Gugu 9:13

Ananias ga vorang i rin keretna, “Leeme Silok, buaang limixin diga tong lempanga ria mumu nom laradi, la mumu bok lempanga xakapmek ni ga lox i ri limixin taram to Jerusalem.

Leven Gugu 9:41

Pita ga ranga axatu i mi lekngen. La ni ga ro bubua ka luvuttadi nuunu la lempat naa, la ga lox ase di mi ne Tabita mo gara roo xat pam.

Lovoang At Ne Pol Ti Limixin Nunu to Rom 12:13

Mina lox epovo lavakpakes at limixin at ne Moroa, la mina lok maraose mi limixin petpes.

1 Korin 11:34

La do tara i roxo, neni na anan avot be ro at loogu ren, la kerepmo mi noxo ekip tangarang mi lebelemamao at ne Moroa. La ti mo levelinga vetpes bok miga sue ia mumu i, aba vaase bok ba nimi min do nia ana vot pasa nimi.

1 Korin 16:15

Miklen ne Stiven midi loxoetemen, nedi avot diga lok ka lorooro maxat to Grik, la nedi xa diga raba axap pam di ri lugugu at ne Moroa xantubu at limixin teren. La a sing nimi, luvutnetak mi luvurinuk,

1 Korin 4:17

Lavasuun mun at nai la nia ara riki aonon pam ne Timoti udom saparap nimi. Neni ne nuruk tinotno at laasen at Leeme Silok, la a balamu i. Neni laradi ruturun at lorooro ren keneng at Leeme Silok. Neni naba vaase axasep manga nimi mi loklok tarak keneng at lorooro at ne Iesu Karisito. La loklox ase ren i epovo mi loklox ase rak kerekngan aga lox ase limixin min at laraugu lotu at lengkot axap.

Galesia 1:2

Nema axap loxoeton nade ma lox aonon lomomo atnema rinemi limixin lotu at laramenemen do at lenep silok Galesia.

Galesia 2:10

La nedi diga vara i xusu nema’ mana doxoma bok levempakpakes at limixin banbalo kantubu atnedi, nenia aga ruuna lodoxoma liplivi rinotno ri lok na lavanga.

Pilimon 1:5

mila ang tonga i do lunuunu ram saparap Leeme Silok, ne Iesu i lolos, la u balamu bok limixin teren.

Pilimon 1:7

Netak orong. Nenia a lok momo aleng la lorooro rak i lolos atla nom labalamu silok taram saparap limixin nuunu i umsu aleng. La kerepmo bok uga lox alolos lorooro at limixin axap di nuunu.

Ibru 6:10

Moroa neni laradi mokmokso la neni noxo domampe leveloklok nunuan nemi miga lox i, la mo labalamu nemi miga lox asuusu i at laasen teren ap mo levenaleng miga lok tooro limixin teren la move mik lok tooro di.

1 Jon 3:17

La kerepmo, do taradi apnovos i ven ti neton ik pakes aleng, ketla kopmen na raba i mi tempanga, kereva, i balamu ne Moroa? Kopmen tinotno.