1 Korin 15:51 - Madak

^51-52 Mina ronga avukat na levelinga ga nemen alipe. Buaang atnedik kovisi di noxo met, ketla do laangelo na mas luru xusu ri lok katling laxavaxap at na lavatbung menemen, soso ap mo mun loxonaleng nedik ataba unus. Naba lok soso mun ngan ta do laradi i vamsi, mila do dina mas luru, labarongan axap dinaba roo xat la kopmen di noxo met bok ba la nedik axap ataba unus.

1 Korin 15:51 ပူးပေါင်းရင်းမြစ်များ

1 Korin 13:2

La do a ruuna laramtaba at ne Moroa xusu ri vavang alii, la anaklen pipis levempanga axap, la anaklen avukat bok levendoxoma alipe at ne Moroa; la lunuunu rak ti ne Moroa i lolos aleng la a epovo xusu ana riki pes levempatkaana; ketla mo do kopmen tabalamu na nemen tarak, nenia mun lavanga gamasa.

1 Korin 15:18

La tinedi bok diga met mi lunuunu atnedi at ne Karisito, nedi bok diba seeve, do laxakatu amlong at ne Karisito xopmen na ruturun.

1 Korin 15:20

Ketla at na levenaleng, na levelinga i ruturun tinotno, Karisito gara roo xat amlong pam at lanmet ngan livipisik avot tinedi dinaba roo xat amlong; la kerepmo maklen tinotno i do mo limixin nuunu diga met pam, dinaba roo xat amlong bok.

1 Korin 15:6

La melemu bok neni ga ru asuvos tinedi lavalimo sangaun kobot (500) mi lenep mixin diga nuunu ren. Leventaba atdi digara met pam ketla buaang atnedi move di rooro.

1 Korin 2:7

Maga tong asu Lagale Lavavang at ne Moroa rinimi, mo ga nemen alipe. Moroa gara tong li vam i xusu naba lox aurut levenasen atdik, avot ti loklok li at na lavatbung menemen.

1 Korin 4:1

Kuren la mina doxoma mumu nema luvuttadi vavang, ma lok ngan lavasaxaruki at ne Iesu Karisito, la nema mak lok tatao losoxovo at ne Moroa mo ga nemen alipe, kusu mana paase axasep limixin min.

2 Korin 5:2

Nade at na lavatbung menemen nedik tap kup sae mi levesongsongot la ata vara nga i do ata siga ka mo lorooro boro vana at laxalibet.

2 Korin 5:4

Nedik nave tak lok at na lorooro, atap kup sae mi levesongsongot la tap kip levenaknixip; la kopmen do dik dira vara nga i do dina lok kepe labantuxu atdik, ketla ata vara i do ata siga ka nga lorooro boro vana at laxalibet, kusu lorooro at na labantuxu, lorooro avolo naba sumkonom ka i.

Epesas 1:9

La at lavavara ren ni ga tong axasep dik mi lodomdoma alii ren, mo ga nemen alipe la ni ga doma alii i do ne Karisito ni lavasuun teren.

Epesas 3:3

Mo levelinga ganoxa ga nemen lipe, ni ne Moroa ga lox asuvos i ria, la nia aga malagan i rinimi at lovoang mutmut gano.

Epesas 5:32

Na levelinga ni lavanga i silok aleng la i lolos kusu dik tana xasep teren. Ketla nia a doxoma i do i ru katling ne Iesu eburu mi lotu ren.

Pilipai 3:21

Neni naba lox asuusu lololos silok teren kusu levempanga axap naba mu asu mun lavavara ren la neni naba lox ekun labantuxu gamasa atnedik kusu naba lok ngan labantuxu ren imgames la i lolos.