1 Korin 15:4 - Madak

⁴ La digak mir i, la at laaleng sepsev avantun ni ga roo xat amlong manga, kerekngan Lovoang Kaala i tong i.

1 Korin 15:4 ပူးပေါင်းရင်းမြစ်များ

Sam 16:8

Nia a xasep amisik ti Leeme Silok i nemen eburu minia; i nemen auret amisik la kopmen tavanga noxo sev asubu ia.

Sam 2:7

Loorong Silok i lok, “Anaba vaase asu bok levempanga Leeme Silok i tong ali i. La ni ga lok tia, ‘Nenu ne Nuruk; ningina nia a lok ngan ne Tamam.

Metiu 12:40

Jona ga nemen to xeneng at lebelen lavatmat silok at lavantun aleng kangking la lavantun aleng kanimin, la kerepmo nenia, Laradi Mevana, aba nemen to xeneng tubu at lavatkangka at lavantun aleng kangking la lavantun aleng kanimin.

Metiu 16:21

Ga se ap mo laaleng ne Iesu ga ru ka i xusu na tong i ri luvuttadi loklok ka anasa ren do neni na onon uto Jerusalem; la mo go loxongkulao silok, lavamaasa silok la luvuttadi loklox ase at Lenavolo diba lox asongot aleng i la diba sev amer i la at laaleng sepsev avantun neni naba roo xat amlong.

Metiu 20:19

La diba song araba ia ri limixin esep boro Rom kusu dina lok sese kapmex ia la dibak pixis ia la diba vaxarem ia at laxaba. Melemu at laaleng sepsev avantun nenia anaba roo xat amlong.”

Lagale Lavavang At Ne Iesu Karisito Mak Ga Malagan I 9:31

mila neni ga anasa luvuttadi loklok ka anasa ren. La neni ga lok tidi xeretna, “Nenia Laradi Mevana la lara laradi naba song araba ia ri limixin kapmek kusu diba sev amer ia. La melemu at lavantun aleng anaba roo xat amlong.”

Lagale Lavavang At Ne Iesu Karisito Luk Ga Malagan i 24:26

Kereva, muxoklen i do Lanarong naba xip losongsongot at na lempanga la na beles at lixitkis orong teren?”

Lagale Lavavang At Ne Iesu Karisito Luk Ga Malagan i 24:46

La ni ga lok tidi, “Diga malagan i at Lovoang Kaala xeretna; Lanarong naba xip losongsongot la at laaleng sepsev avantun neni naba roo xat amlong.

Lagale Lavavang At Ne Iesu Karisito Luk Ga Malagan i 9:22

La ne Iesu ga lok, “Nenia Laradi Mevana, anaba xip losongsongot solo, la loxongkulao silok at limixin me Judaia, la lavamaasa silok la luvuttadi loklox ase at Lenavolo diba sok tixirixes kepe ia. Diba sev amer ia, la nenia anaba roo xat amlong at laaleng sepsev avantun.”

Lagale Lavavang At Ne Iesu Karisito Jon Ga Malagan I 19:38

Melemu at nai, Josep boro at lemenemen Arimatia, ga sing ne Paelat do ni na lok ka labantuxu at ne Iesu. Josep neni laradi loklok ka anasa at ne Iesu. Ketla neni goxo mumu i at lasaxaven mila neni ga marat at luvuttadi amgomgo. Paelat ga tong i rin do i epovo do ni na lok ka labantuxu at ne Iesu. Kuren la ne Josep gamlong la ga lox asi labantuxu ren.

Leven Gugu 1:3

At lavanuet sangaun aleng melemu at lanmet teren, ni ga ru asuvos tinedi luvuttadi vavang teren ti lox asuusu i do ni i ruturun mo gara roo xat amlong pam basinge lanmet, la nedi axap diga ven i; la ni ga paase axasep mumu Linintoo at ne Moroa.

Leven Gugu 17:31

Mila neni ira lok katling pam lara laaleng neni naba lok li limixin axap at lavapaase, la lavapaase ren nabak mokso aleng; la ni ga soxolik ka vam lara laradi xusu na ronga linga at laaleng ete. Ni ga lox asuvos pam mo laradi ri limixin axap mi loklok katling keretna, ni ga lox aroo amlong i basinge lanmet.”

Lovoang At Ne Pol Ti Limixin Nunu to Rom 6:4

Kuren la mumu bok lesep susu atnedik, i lok ngan digak mit nedik eburu min la digak lox eburu min at lanmet teren kusu nedik bok ataba roo xat mi lorooro maxat, kerekngan ne Iesu ga roo xat amlong at lanmet mi lololos at ne Temen.

Kolosi 2:12

Se nemi miga lok ka lesep susu, i lok ngan ta do miga vutup at lamaaut eburu mi ne Karisito la ap mo lesep susu bok nemi miga xatu kaxat amlong eburu mi ne Karisito keneng at lunuunu atnimi la lololos at ne Moroa, mo ga lox aroo xat ne Karisito basinge lanmet.

Ibru 13:20

Moroa at lumulum ga lox aroo amlong Leeme Silok atdik ne Iesu basinge lanmet; la at lada ren neni ga vaxaru kaxat lekabus maxat mo ba nemen amisik. Neni laradi loklok tatao atdik ngan laradi i lok tatao lubungsipsip teren.

1 Pita 1:11

Diga puse i xusu dinaklen kaka rinotno loxonaleng at lovotpot at ne Karisito la naba vot kereva. La digam doma vupuse do Loroonan at ne Karisito no gak lok keneng atnedi, ga paase alii mi levesongsongot ne Karisito naba ekip tangarang min la neni naba ru pavaa mo levesongsongot, la melemu ren neni naba lok kaka langsangan lisisixam.