1 Korin 15:23 - Madak

²³ Ketla nedi getgesara dinaba roo xat amlong at levengkonaleng axa atdi. Avot tinotno ne Karisito ga xatu kaxat amlong, la at laaleng neni namlong ude xopok, nedi ba mo limixin digara met pam mi lunuunu atdi xeneng at ne Karisito, dinaba roo xat amlong.

1 Korin 15:23 ပူးပေါင်းရင်းမြစ်များ

Metiu 16:27

Nenia, Laradi Mevana, mo anaba vot mi lisisixam silok at ne Tamak la eburu mi lubungangelo, la ap mo laaleng limixin axap dinaba lok kaka luunun i epovo mi leveloklok diga lox i.

Metiu 16:28

La a tong tuturun i rinimi do lentaba atdi di tu de, di noxo met avot ti lovotpot tarak at laaleng nenia, Laradi Mevana, anaba vot ngan Loorong Silok.”

Leven Gugu 26:23

Diga tong i do Lanarong naba xip losongsongot la neni lara avot naba roo xat amlong basinge lanmet, kusu ri vaase asu langas ti lok ka lorooro ri leme Judaia la ti limixin kopmen di me Judaia.”

1 Korin 15:20

Ketla at na levenaleng, na levelinga i ruturun tinotno, Karisito gara roo xat amlong pam at lanmet ngan livipisik avot tinedi dinaba roo xat amlong; la kerepmo maklen tinotno i do mo limixin nuunu diga met pam, dinaba roo xat amlong bok.

1 Korin 3:23

Ketla na i ruturun dola nemi at ne Karisito, la ne Karisito at ne Moroa.

1 Korin 6:14

Moroa ga lox axatu Leeme Silok basinge lanmet, la neni bok naba lox aroo amlong nedik mi lololos teren basinge lanmet.

2 Korin 10:7

Nemi mi ven mumu levereven at labantuxu at laradi la kopmen mina reven lorooro axap teren. La do tara i doma ruturun i do neni at ne Karisito, i lox avukat do neni na xasep do nema bok at ne Karisito xerekngan i.

Galesia 3:29

Do nemi at ne Karisito, mi lok ngan pam do nemi livipisik li at ne Abaram, la minaba ruuna xaka mo loklox anarong ne Moroa ga xaape min ti ne Abaram.

Galesia 5:24

La nedi limixin at ne Iesu Karisito, digara ke xepe vam lorooro maut la levendoxoma xapmek eburu mi lavavara at labantuxu atnedi.

Pilipai 3:11

La nia am doma voovo do anaba roo xat bok basinge lanmet la ana rooro.

1 Tesalonia 2:19

Maga lolos do mana vosiga nimi mila lunuunu atnimi i lox alolos lorooro atnama; la mi lox amomo nama; la maba lok momo aleng ap mo laaleng Leeme Silok, ne Iesu nabamlong teren, mila mi tu lolos at lunuunu atnimi.

Lisilimet 1:5

la lavapaase momo bok boro at ne Iesu Karisito, neni laradi ruturun at lavapaase ruturun la neni lara avot mo ne Moroa ga lox axatu kaxat amlong i basinge lanmet, la ni lamgomgo at lavaorong silok at na lavatbung menemen. Ne Iesu ga balamu nedik la ga lox asepmus dik basinge laxakapmek mi mo lada ren.