1 Korin 15:17 - Madak

¹⁷ La do ne Karisito xopmen goxo roo amlong, lunuunu atnimi keneng at ne Karisito xopmen na ruturun; la laxakapmek move atnimi ik lok, ne Moroa xovisi na doxoma xape i.

1 Korin 15:17 ပူးပေါင်းရင်းမြစ်များ

Leven Gugu 5:31

Moroa ga xiv aurur i upana la ga vaxaxis i ro at lekngen tino mila neni lamgomgo la Laradi Loklox Arooro xusu na raba limixin me Israel mi langas ti leeng basinge laxakapmek atdi la ne Moroa naba doxoma xepe i.

Lovoang At Ne Pol Ti Limixin Nunu to Rom 4:25

Moroa ga song araba i xusu naba met mumu laxakapmek atnedik, la ni ga roo xat amlong kusu ri lox asepmus dik.

Lovoang At Ne Pol Ti Limixin Nunu to Rom 5:10

Nedik diga munepen mi ne Moroa, ketla neni ga vaxat ka buru nedik saparav i mumu lanmet at ne Nitna. La amo nga Moroa ga lok lumulum eburu minedik, i epovo rinotno do nedik ataba roo suu mumu lorooro at ne Karisito.

1 Korin 15:14

La mo do ne Karisito goxo roo xat amlong at lanmet, kopmen tavasuun tinotno ren kusu mana vavang tinimi la lunuunu bok atnimi ba lok ngan lavanga gamasa.

1 Korin 15:16

Do xopmen taxakatu kaxat amlong, ne Karisito bok kopmen gi toxo roo amlong.

1 Korin 15:2

Mo do lunuunu atnimi natmatkun teren, miba lok ka lorooro ren. Ket do kopmen mina nuunu at levelinga xerekngan nia aga vavang min, lunuunu atnimi naba lok ngan lavanga gamasa.

1 Pita 1:21

La at na mun langas neni ga lox i la nemi mira nuunu at ne Moroa, no ga lox arooro amlong i at lanmet la ga raba box i mi laasen silok; kuren la lunuunu atnemi la levendoxoma voovo atnemi i tu rinotno at ne Moroa.

1 Pita 1:3

Ata emi asu mi ne Moroa neni ne Temen, Leeme Silok atnedik ne Iesu Karisito, mumu mun lebelemumu silok teren tinedik, la neni ga lox arooro xaka amlong ne Iesu Karisito basinge lanmet kusu ri raba nedik mi lorooro maxat. La nai, ik suxa nedik mi lodoxoma voovo ri lorooro avolo.