1 Korin 14:31 - Madak

³¹ Ixo epovo do nemi axap mina vaase asu levelinga at ne Moroa at legeso xonaleng; mina epangan asu xusu nemi axap miba elox ase la mina elok tooro ela.

1 Korin 14:31 ပူးပေါင်းရင်းမြစ်များ

Lovoang At Ne Pol Ti Limixin Nunu to Rom 1:12

Nia a doma i do dik ataba elok tooro ela; nemi miba lox alolos ia mumu lunuunu atnemi la nenia aba lox alolos nemi mumu lunuunu rak.

1 Korin 14:19

Ketla to at levempotpot buru at limixin keneng at lotu, i lox avukat do ana tong mene tavalimo tengkolinga i xasep kusu ri lox ase limixin. Ixo lox avukat do ana paase mi taxalinga solo at levempapaase vetpes la kopmen na lok tooro limixin.

1 Korin 14:3

Ketla mo laradi i paase asu levelinga at ne Moroa, ni i paase ri limixin, la kerepmo bok i lok tooro di, la i lox alolos di, la i lox aulis levendoxoma atdi.

1 Korin 14:30

Ketla do tara go it kis ap mo lixitkis buru i lok ka tevelinga boro at ne Moroa, mo lara i paase, neni na vamngus be.

1 Korin 14:32

La nedi di ruuna laramtaba ri paase asu levelinga at ne Moroa dina lok tatao avukar i.

1 Korin 14:35

Mo do lavakin di vara i xusu dinaklen ka tavanga, i lox avukat do dina sue be lavatlok atdi min to at laraugu atdi. Lavanga mamangan aleng do latkin na vaase kaxat to xeneng at lovotpot buru at lotu.

2 Korin 1:4

Neni xusuk mun i lox amenemen nama at levenmumuat it pot parap nama, kusu nema bok maba epovo xusu mana lox amenemen nedi di ruuna levenmumuat kerepmo mi na lavapaase amenemen, nema maga ruuna ka i boro at ne Moroa.

Epesas 6:22

Ni lavasuun teren la nenia aba riki i udom saparap nimi xusu miba xasep do lorooro atnema ik lok kereva, la kusu neni naba lox alolos nimi.

Kolosi 2:2

Lavavara rak i lok keretna, lorooro atdi na lolos la diba ru buru mi labalamu ela kusu lorooro atdi ba umsu mi laxasep silok, mo i lok ngan lapnovos silok tidi. Ap mo mun langas nedi dibaklen lodomdoma lipe at ne Moroa, la mo lodomdoma lipe neni ne Karisito.

1 Tesalonia 4:18

Kuren la mina elok tooro ela mi na levelinga xeneng atnemi.

1 Tesalonia 5:11

Kuren la mina elok tooro ela mi na levelinga la mina lox alolos lorooro atnimi ngan migara lok pam i.

1 Tesalonia 5:14

Luvutnetak mi luvurinuk. Ma tong i rinimi do mina paase alolos nedi dik molo. La mina paase tooro nedi dik marat soso. La mina lok tooro nedi lunuunu atdi xopmen na lolos, la minat kis mulus mi limixin axap.

1 Tesalonia 5:20

Nemen mitang tonga xepe levelinga atnedi di vavang tinimi.