1 Korin 14:16 - Madak

¹⁶ Do mina emi asu mi ne Moroa mi levempapaase vetpes boro xeneng at loroonan kusuk mun atnimi, la do taradi go xopmen na lotu i nemen eburu minimi ap mo lixitkis buru, la neni ixo xasep at levempanga salai mo mi paase asu i. La ni naba tong i do “I ruturun!” kereva, do mina lox axap lisingising loklox avukat atnimi?

1 Korin 14:16 ပူးပေါင်းရင်းမြစ်များ

Sam 106:48

Ata emi asu mi Leeme Silok, Moroa me Israel; ata emi asu min monga la amisik. La limixin axap dina vaase xeretna, “Tuturun!” Ata emi asu mi Leeme Silok!

Sam 41:13

Leemi asu ri Leeme Silok, ne Moroa me Israel! Leemi asu rin na, la kopmen tekavaxap teren! Tuturun. Tuturun.

Sam 72:19

Leemi asu amisik la kopmen tekavaxap teren ti laasen melemelengan teren! Keke lisisinang teren na suxuna axap lavatbung menemen. Tuturun! Tuturun!

Sam 89:52

Leemi asu amisik ti Leeme Silok la kopmen tekavaxap teren! Tuturun! Tuturun tinotno!

Metiu 15:36

La ni ga lok ka lavanuti lengkongkide la lutpen mat la ni ga tong aorong ti ne Moroa, la ga sebex i, la ga raba luvuttadi loklok ka anasa ren min; la diga raba limixin min.

Metiu 28:20

La mina lox ase di xusu dinang tonga res at levelinga axap nenia agara tong pam i rinimi. La nenia anabak lox eburu amisik minemi naba se at laxavaxap at na lavatbung menemen.”

Metiu 6:13

Nemen uta lok li nema ri leveloklok tong pen i lolos, ketla unang tanga amlong ka nema basinge ne Satan.’

Lagale Lavavang At Ne Iesu Karisito Mak Ga Malagan I 16:20

La luvuttadi loklok ka anasa ren diga vas kaxat la diga tong asu Lagale Lavavang to at levengkot axap la Leeme Silok ga gugu eburu midi la ga lox aruturun lavapaase atdi mi lempanga sangsangu.]

Lagale Lavavang At Ne Iesu Karisito Jon Ga Malagan I 21:25

Iesu ga lok lempanga vetpes bok i buaang aleng. Do tara na malagan alii na lempanga axap, agut laxanbuk naba umsu aleng la na lavatbung menemen axap noxo epovo rin.

Lagale Lavavang At Ne Iesu Karisito Jon Ga Malagan I 7:15

Luvuttadi amgomgo diga sangu aleng la diga esue, “Na laradi goxot pas ti loklox ase la ga lok ka na lakleklen meva?”

Leven Gugu 4:13

Luvuttadi amgomgo diga sangu aleng at ne Pita mi ne Jon duga paase lolos la kopmen du goxo marat; diga ven kibis box i do nedu dugat pas amisik eburu mi ne Iesu; la nedu luradi gamasa mun, la kopmen du goxok lok at toloklox ase.

1 Korin 11:24

La ni ga tong orong ti ne Moroa, ni ga sebex i la ga lok ti luvuttadi loklok ka anasa ren keretna, “Labantuxu rak na, a raba i rinimi. Minak lox amisix i na xusu ri doxoma ia.”

1 Korin 14:14

Dola nia ana sing mi levempapaase vetpes, mo levelinga i ravasu at loroonan tarak, ketla mo levelinga xopmen na xasep at lodoxoma rak.

1 Korin 14:2

Lara do i paase mi levempapaase vetpes, neni xopmen na paase ri limixin, ketla i paase ri ne Moroa, la kopmen tara na xasep nunuan at levempapaase neni i paase min. Neni i ngan ta do i paase mi levelinga lipe boro at loroonan teren la levempapaase ren ixo xasep at levendoxoma at limixin.

1 Korin 16:24

Labalamu rak nak lox eburu minemi axap keneng at laasen at ne Iesu Karisito. I ruturun.

2 Korin 1:20

I ngan do buaang laxampapaase alii at ne Moroa, ne Iesu ga lox asorun i. Kuren la ne Iesu Karisito ni luruturun la ma vaase asu i ri lox asuusu lisisixam at ne Moroa.

Lisilimet 22:20

La neni mo i paase aru i na, i lok keretna, “I ruturun aleng; nenia mo anaba vot soso nga.” I ruturun. Ude u, Leeme Silok ne Iesu!

Lisilimet 5:14

La mo lavanuet levempanga rooro diga lok, ‘I ruturun.’ La mo loxongkulao amgomgo diga xis tiktikbu mi lempatgulom atdi la diga lotu parap ne Moroa eburu mi Lanasip.

Lisilimet 7:12

Diga lok keretna, “Tuturun pam. Loklox anarong, la leemi asu, lakleklen, luvukat, la loklok ngangao, mi lololos ti ne Moroa atdik amisik la kopmen taxavaxap teren. Tuturun tinotno.”