1 Korin 14:15 - Madak

¹⁵ Kuren la nia aba lok ba lavanga salai? Do nenia a sing saparap ne Moroa, a vara i xusu lisingising tarak na ravasu at loroonan tarak la naba ravasu bok at lodoxoma rak; la a vara box i xusu mo levengkompixan abak pixan i, naba ravasu at loroonan la at lodoxoma bok tarak.

1 Korin 14:15 ပူးပေါင်းရင်းမြစ်များ

Sam 47:7

Moroa ni Loorong Silok ti limixin axap at na lavatbung menemen, mina emi asu min mi livikpixan!

Leven Gugu 21:22

Dibaklen i do nenu mo u rupot pam. Ataba lok lavanga salai?

Lovoang At Ne Pol Ti Limixin Nunu to Rom 1:9

Moroa nia a gugu rin mi lorooro axap tarak, la nia a vavang mi Lagale Lavavang at ne Nitna, neni iklen i do na levelinga rak i ruturun aleng do nia am doma amisik nimi,

Lovoang At Ne Pol Ti Limixin Nunu to Rom 3:5

La kereva ba, do laxakapmek atnedik na ravasu silok tinotno xusu limixin axap dina ven i do ne Moroa ik mokso, ataba tong ka lavanga sala? Ataba tong ka nga i do ne Moroa kopmen nak mokso atla neni i lox asongot nedik? (Na levelinga i ngan levelinga at limixin at na lavatkangka.)

Lovoang At Ne Pol Ti Limixin Nunu to Rom 8:31

Melemu at na ataba tong kaka lavanga salai? Do ne Moroa na tu eburu minedik, nege i epovo xusu na vas asi nedik?

1 Korin 10:19

Kereva, mo lovoovo moroa neni lomoroa ruturun? Kopla leveluxa limixin diplavang min ti lovoovo moroa ni laramtaba ruturun?

1 Korin 14:14

Dola nia ana sing mi levempapaase vetpes, mo levelinga i ravasu at loroonan tarak, ketla mo levelinga xopmen na xasep at lodoxoma rak.

1 Korin 14:19

Ketla to at levempotpot buru at limixin keneng at lotu, i lox avukat do ana tong mene tavalimo tengkolinga i xasep kusu ri lox ase limixin. Ixo lox avukat do ana paase mi taxalinga solo at levempapaase vetpes la kopmen na lok tooro limixin.

1 Korin 14:26

Luvutnetak mi luvurinuk. Ti lox axap na levelinga rak a vara i xusu ana tong axasep nimi keretna. Do minat pot buru ri lotu, lara na ruuna loxompixan; lara ri loklox ase mi levelinga at ne Moroa; la lara mi levelinga loklox axasep boro at ne Moroa, la lara ri levempapaase vetpes, la lara ri soxomus mo levempapaase vetpes. Na levempanga axap mina lox i xusu ri lox alolos limixin at lotu.

Epesas 6:18

Mina lox i na levempanga xeneng at levesingising atnemi, kusu minaba sing ka loklok tooro at ne Moroa. At levenaleng axap mina ngising at leventaangas axap no Loroonan i sasat ase nemi min. La mumu mun na langas, minaba tu lolos la mi noxo subu kot; mina ngising amisik ti limixin at ne Moroa.

Pilipai 1:18

Nia xopmen ana doxoma solo i nom. A momo mun dola at leventaangas axap dina vavang mi ne Karisito; keke i do lavavara atdi xopmen nak mokso.

Kolosi 3:16

La mina ke levelinga at ne Karisito na nemen atmatkun keneng at lorooro atnimi. Mina umsu min mo do mina lox ase la mina vaase axasep ela nimi mi lakleklen at ne Moroa. La minak pixan ti ne Moroa mi lengkompixan at ne Devit la lengkompixan at lotu la lengkompixan emi asu; la lorooro atnimi na umsu mi loklok ti tong avukat saparap ne Moroa.

Jems 5:13

Kereva, tara go atnimi ip kip tevenmumuat? Neni nak lok lising. Tara bok go i lok momo? Neni nak pixan emi asu.

Lovoang At Ne Jut 1:20

Ketla larapen tangas orong tarak, mina lox alolos amisik lorooro atnimi at lunuunu i xaala. La mina ngising lolos amisik mi loklok tooro at Loroonan Kaala.