1 Korin 14:12 - Madak

¹² La i lok bok kuren tinimi. Nia aklen i do nemi mi vara aleng i xusu mina ruuna ka leventamtaba at Loroonan Kaala; kuren la mina lolos kusu mina lok kaka leventamtaba i epovo xusu ri su auru lotu.

1 Korin 14:12 ပူးပေါင်းရင်းမြစ်များ

Lovoang At Ne Pol Ti Limixin Nunu to Rom 14:19

Kuren la minak paxaru li levendoxoma atnemi at levempanga naba raba nimi mi limila, la naba lok tooro bok ti lox alolos lunuunu at limixin axap.

1 Korin 12:31

Ketla lebelen nimi na ngaongao aleng kusu mina ruuna ka mo leventamtaba i silok aleng. Lara lavanga i lox avukat tinotno ri na leventamtaba, i lok keretna.

1 Korin 12:7

Moroa im taba legetgesa radi mi leventamtaba at Loroonan Kaala kusu rin ti lok tooro limixin axap di nuunu.

1 Korin 14:1

Mina lolos kusu lorooro atnimi na mumu asu loklok at labalamu. La lebelen nimi na ngaongao xusu mina lok kaka leventamtaba at Loroonan Kaala, ketla mo laramtaba ri paase asu levelinga at ne Moroa, mina lolos ti lok ka i.

1 Korin 14:13

Ni lavasuun teren la do laradi i paase mi levempapaase vetpes, neni na sing bok ne Moroa ri laramtaba xusu ri soxomus avukat lavasuun ap mo levempapaase vetpes.

1 Korin 14:26

Luvutnetak mi luvurinuk. Ti lox axap na levelinga rak a vara i xusu ana tong axasep nimi keretna. Do minat pot buru ri lotu, lara na ruuna loxompixan; lara ri loklox ase mi levelinga at ne Moroa; la lara mi levelinga loklox axasep boro at ne Moroa, la lara ri levempapaase vetpes, la lara ri soxomus mo levempapaase vetpes. Na levempanga axap mina lox i xusu ri lox alolos limixin at lotu.

1 Korin 14:5

I lox avukat do nemi axap mina paase mi levempapaase vetpes, ketla lavanga i silok ti na, a vara i do nemi axap mina lok ka laramtaba ri paase asu levelinga at ne Moroa. Laradi do i paase asu levelinga at ne Moroa, mo levelinga ren i mumuat aleng ti lara i paase mi levempapaase vetpes, la mo levelinga ren i epovo na xasep ti limixin; ketla i lox avukat mene do tara go i nemen la i ruuna bok laramtaba boro at Loroonan Kaala xusu ri soxomus avukat lavasuun ap mo levempapaase vetpes, kusu na lok tooro limixin at lotu.

Taitas 2:14

Neni ga raba i xusu neni na un kaka amlong nedik basinge laxakapmek atdik ngan limixin dadat la kusu tana nemen ngan limixin teren kusuk mun la tana lolos ti lok leven gugu nunuan.