1 Korin 14:1 - Madak

¹ Mina lolos kusu lorooro atnimi na mumu asu loklok at labalamu. La lebelen nimi na ngaongao xusu mina lok kaka leventamtaba at Loroonan Kaala, ketla mo laramtaba ri paase asu levelinga at ne Moroa, mina lolos ti lok ka i.

1 Korin 14:1 ပူးပေါင်းရင်းမြစ်များ

Lovoang At Ne Pol Ti Limixin Nunu to Rom 12:6

Nedik di ruuna leventamtaba vetpes; kuren la nedik atana gugu mi leventamtaba vetpes atnedik i ngan letaba nabalamu ne Moroa ga raba nedik min. Do laramtaba atnedik ti paase levelinga at ne Moroa, ata lox epovo i ngan lunuunu atnedik di ruuna i xuren.

Lovoang At Ne Pol Ti Limixin Nunu to Rom 14:19

Kuren la minak paxaru li levendoxoma atnemi at levempanga naba raba nimi mi limila, la naba lok tooro bok ti lox alolos lunuunu at limixin axap.

Lovoang At Ne Pol Ti Limixin Nunu to Rom 9:30

Ataba tong ka toxolinga salai? Do limixin kopmen di me Israel, nedi di goxok lok tong i xusu dinak mokso at lemeren ne Moroa, ketla diga sepmus mene mumu lunuunu atnedi.

1 Korin 12:1

Luvutnetak mi luvurinuk. Ana anasa nimi mi leventamtaba boro at Loroonan Kaala, xusu mina xasep teren.

1 Korin 12:31

Ketla lebelen nimi na ngaongao aleng kusu mina ruuna ka mo leventamtaba i silok aleng. Lara lavanga i lox avukat tinotno ri na leventamtaba, i lok keretna.

1 Korin 13:13

Kuren la ana lavantun levempanga naba nemen amisik, lunuunu saparap ne Moroa, lodoxoma voovo ti lomlong at ne Karisito, la labalamu; la lara i silok aleng at nai lavantun, ni labalamu.

1 Korin 13:2

La do a ruuna laramtaba at ne Moroa xusu ri vavang alii, la anaklen pipis levempanga axap, la anaklen avukat bok levendoxoma alipe at ne Moroa; la lunuunu rak ti ne Moroa i lolos aleng la a epovo xusu ana riki pes levempatkaana; ketla mo do kopmen tabalamu na nemen tarak, nenia mun lavanga gamasa.

1 Korin 14:22

Kuren la laramtaba ri paase mi levempapaase vetpes ni i lox asuvos ne Moroa ridi limixin kopmen dina nuunu la kopmen tidi limixin di nuunu; la laramtaba ri tong asu levelinga at ne Moroa i nemen ti limixin teren, la kopmen tidi limixin kopmen dina nuunu.

1 Korin 14:37

Mo do tara i doxoma i do neni laradi vavang at ne Moroa xopla i ruuna laramtaba at Loroonan Kaala, neni na ven kisiv i do na levelinga rak nia a malagan i, ni levelinga lolos at Leeme Silok.

1 Korin 14:39

Kuren la luvutnetak mi luvurinuk, lebelen nimi na ngaongao xusu mina paase asu levelinga at ne Moroa, ketla nemen mita ru pe tara i ruuna laramtaba xusu ri paase mi levempapaase vetpes.

1 Korin 16:14

At lorooro axap atnimi mina lox asuusu labalamu.

Epesas 1:3

Nedik ata emi asu mi ne Moroa, Temen ne Iesu Karisito, Leeme Silok atdik. Neni gara lox anarong pam nedik mi leveloklok anarong axap boro vana at laxalibet tinedik limixin at ne Karisito.

1 Tesalonia 5:20

Nemen mitang tonga xepe levelinga atnedi di vavang tinimi.

1 Timoti 4:14

Nemen uta lox abulubun kepe laramtaba at Loroonan nom i nemen keneng taram; uga lok ka i ap mo laaleng luvuttadi vapaase alii diga paase alii i la luvuttadi mukun diga sa li levengkikngen di mavana ram.

1 Timoti 5:10

la lorooro ren i umsu mi leven gugu nunuan la lorooro ren ga lok keretna. Neni latkin loklok tatao avukat laxamdak mi laxaalik teren, la ni ga lok maraose mi limixin kadiong diga vot to at loogu ren, la ni ga lok levempanga nunuan tinedi limixin nuunu la ni ga lok tooro nedi diga xip tutu mi levenmumuat, la ga raba axap lorooro ren ti lok leven gugu nunuan.

1 Timoti 6:11

Ketla nenu, laradi at ne Moroa, una ru asepsu at nai levempanga. La una lolos ti loklok mokmokso at ne Moroa, lunuunu, labalamu, la loklok ti tu lolos kantubu at levenmumuat, la lixitkis atnaasan.

2 Timoti 2:22

Kuren la una ke xepe leveloklok kakapmek, kerekngan loklok at luvuraau; la una lolos kusu una mu asu leveloklok keretna; loklok mokmokso, lunuunu, labalamu, la limila. Una lok na levempanga eburu minedi limixin di nuunu at Leeme Silok la nedi lorooro atdi i lok nunuan.

Ibru 12:14

Mina lolos kusu mina nemen at lumulum eburu mi limixin axap, la mina nemen mokmokso, mila do tara noxo ruuna loklok mokmokso, neni noxo ven ne Moroa at lorooro melemu.

2 Pita 1:7

la minak lox epasum luvukat ti luvutneton nemi ukeneng ti lomokmokso; la minak lox epasum labalamu ukeneng at luvukat ti luvutneton nemi.

3 Jon 1:11

Lentangas tinotno rak. Nemen gat uguta mu asu loklok at luvuttadi xapmek; ketla una mu asu leveloklox avukat. Do nege i lok leveloklox avukat, neni at ne Moroa; la do nege i lok laxakapmek, neni kovisi na ven kibis ne Moroa.