1 Korin 13:2 - Madak

² La do a ruuna laramtaba at ne Moroa xusu ri vavang alii, la anaklen pipis levempanga axap, la anaklen avukat bok levendoxoma alipe at ne Moroa; la lunuunu rak ti ne Moroa i lolos aleng la a epovo xusu ana riki pes levempatkaana; ketla mo do kopmen tabalamu na nemen tarak, nenia mun lavanga gamasa.

1 Korin 13:2 ပူးပေါင်းရင်းမြစ်များ

Metiu 13:11

La ne Iesu ga vorang i ridi xeretna, “Moroa ira raba vam nimi mi lakleklen at Linintoo no vana at laxalibet; gano ga nemen alipe; ketla tinedi limixin petpes kopmen.

Metiu 17:20

La ne Iesu ga vorang i ridi xeretna, “Lunuunu atnimi i lixilik aleng. Do mi ruuna lunuunu i xakalik kerekngan liit mastet, nemi miba epovo na lok ti na lakaana, ‘Una vas kaxat mede la uto at toxot petpes,’ la ni ba ronga res. La miba epovo na lok lempanga axap bok.

Metiu 21:19

La ni ga ven luuna pik go at lisigege ap mo langas la ni ga vas li ren kusu na dik ka teveven una, ketla ni goxo ven lenget ka tempeven teren, ga vavaxan gamasa mene. La ni ga lok ti mo luuna pik, “U noxo visik bok ba tempeven una!” La soso mun luuna pik ga mang ta.

Metiu 21:21

La ne Iesu ga lok tidi, “A tong tuturun i rinimi; mo do mina nuunu ruturun at ne Moroa la kopmen lodoxoma atnimi na sixit ekarakat at levelinga ren, miba epovo do mina lok mun lempanga xerekngan nia a lox i ri na luuna pik. La kopmen na xusuk mun i, ketla miba epovo bok do miba vaase lolos ti na lakaana, la ni na xatu kaxat la na subu tup ti laras.

Leven Gugu 13:1

At loogu lotu go Antiok lentaba lavaeme vapaase alii la lentaba luvuttadi loklox ase mo gak lok; Banabas, Simion (diga tong box i do laradi bibi), Lusias (boro Sairini), Manaen (mo nedu mi laradi gomgo ne Erodes duga etangas eburu), la ne Sol.

Lovoang At Ne Pol Ti Limixin Nunu to Rom 11:25

Luvutnetak mi luvurinuk. Levelinga ruturun mo ik lox alipe, la a vara i do minaklen i. La ni naba rupe levendoxoma atnemi la mina doma i do lakleklen atnimi i volo lentaba vetpes. Mo levelinga i lok keretna; loonon taba aralu at limixin me Israel basinge ne Moroa noxok lox abao, naba se mun do buaang timixin kopmen di me Judaia dina rem gili saparap ne Moroa.

Lovoang At Ne Pol Ti Limixin Nunu to Rom 15:14

Luvutnetak mi luvurinuk. Nenia a suma rinotno i dola nemi mi umsu mi luvukat, la mi umsu bok mi lakleklen, la mi epovo xusu mina elox ase ela.

Lovoang At Ne Pol Ti Limixin Nunu to Rom 16:25

Ata emi asu mi laasen at ne Moroa. Neni i epovo ri lox aru lolos lunuunu atnemi, mumu Lagale Lavavang nenia a vavang min. Ni Lagale Lavavang at ne Iesu Karisito, mo lavapaase asu at luruturun gak lok lipe at laxanmaares buaang.

1 Korin 11:4

Kuren la latlok do i ngising kopla i tong asu levelinga at ne Moroa la i kua pe lavatlak teren, neni xopmen na lok ngangao at ne Iesu Karisito.

1 Korin 12:28

Keneng at lotu Moroa gara soxolik ka vam limixin ti lok leven gugu; neni ga lok katling ka luvuttadi vavang ngan neni lugugu avot la i silok ti leventaba vetpes, la lara mumu ren luvuttadi vapaase alii, la lara mumu luvuttadi ri anasa limixin mi levelinga at ne Moroa; la lara mumu manga ren nedi di lok levempanga sangsangu; lara melemu manga nedi ne Moroa ga raba di mi lololos kusu ri lox avukat limixin mekmeres; leventaba ri lok tooro limixin, leventaba ri gomgo nga di la lara mumu rinotno leventaba ri paase mi levempapaase vetpes.

1 Korin 13:1

I epovo do ana paase mi levempapaase axap limixin di paase min at na lavatbung menemen kopok, la ana paase bok mi levempapaase at lubung angelo, ketla mo do axo ruuna labalamu, levempapaase rak naba lok ngan mun lanteng at laxavu mi lanteng at lagamit kopmen tavasuun teren.

1 Korin 13:3

La do ana raba xape axap levempanga rak kusu ri lok tooro limixin banbalo, la ana siam kape mi labantuxu rak kusu dina xotos i ro at laxao, ketla kopmen tabalamu na nemen tarak, nom axav i, noxo lok tooro ia.

1 Korin 13:8

Anai leventamtaba at Loroonan Kaala, laramtaba ri paase alii, la laramtaba ri paase mi levempapaase vetpes, la laramtaba ri tong asu levelinga at ne Moroa. Di axap na lavantun di noxo nemen abao la dina sonao manga; ketla labalamu naba nemen amisik la kopmen taxavaxap teren.

1 Korin 14:29

Legepura xopla lavantun mo dira gagas pam kusu dina vaase asu levelinga at ne Moroa, la leventaba vetpes dinat kis atnaasan la dina ila mumu mo levelinga do ni levelinga ruturun pam at ne Moroa xopla xopmen.

1 Korin 14:39

Kuren la luvutnetak mi luvurinuk, lebelen nimi na ngaongao xusu mina paase asu levelinga at ne Moroa, ketla nemen mita ru pe tara i ruuna laramtaba xusu ri paase mi levempapaase vetpes.

1 Korin 14:4

Laradi i paase mi levempapaase vetpes, neni i lok tooro xusuk mene i; ketla lara i paase asu levelinga at ne Moroa, ni i lok tooro limixin axap kusu lunuunu atdi naba lolos.

1 Korin 15:51

Mina ronga avukat na levelinga ga nemen alipe. Buaang atnedik kovisi di noxo met, ketla do laangelo na mas luru xusu ri lok katling laxavaxap at na lavatbung menemen, soso ap mo mun loxonaleng nedik ataba unus. Naba lok soso mun ngan ta do laradi i vamsi, mila do dina mas luru, labarongan axap dinaba roo xat la kopmen di noxo met bok ba la nedik axap ataba unus.

1 Korin 16:22

Do nege xopmen na balamu Leeme Silok atdik, lasaxaek naba nemen teren. Leeme Silok atnema, unamlong.

1 Korin 4:1

Kuren la mina doxoma mumu nema luvuttadi vavang, ma lok ngan lavasaxaruki at ne Iesu Karisito, la nema mak lok tatao losoxovo at ne Moroa mo ga nemen alipe, kusu mana paase axasep limixin min.

1 Korin 7:19

La kerepmo loklok ti rivit kepe loxontuxu kopla loklok ti ke xepe i, ni lavanga gamasa mun. Lavanga mun i mumuat ni laradi ing tonga res at levelinga at ne Moroa.

1 Korin 8:4

Kuren la ana paase mumu lempanga lomlomon limixin diplavang min saparap laxampoovo moroa. Lentaba at limixin nuunu di anan leveluxa, lentaba vetpes diplavang min ti laxampoovo moroa. Ata xasep do lovoovo vanga ni loklok katling ti lavanga kopmen na rooro la ataklen i do legeso Moroa mene nga i nemen.

2 Korin 12:11

A lok ngan tinotno laradi baulang mumu mo levelinga a tong pam i, ketla nemi xa miga pu soso ia rin. I epovo do nemi mina lox aru ia, mila nia xopmen ana lixilik tino ti nom luvuttadi vavang kaxarang mi lok do di silok aleng, keke i do nenia laradi gamasa mun.

Galesia 5:16

Na levelinga nenia a vaase i, i lok keretna; mina lok ka loklok at Loroonan Kaala la mi noxo vavara solo levendoxoma at labantuxu atnemi;

Galesia 5:22

Ketla mo lara i ruuna Loroonan Kaala at lorooro ren i pisik asu labalamu, lomomo, lenmila, loklox atnaasan, loklox anare, luvukat, loklok tuturun,

Galesia 6:3

Do tara na doma i do neni mo laasen teren i volo rinotno ketla neni laradi gamasa mene, neni mo laradi i xarang axa i.

Epesas 3:4

La mo dola nemi mina us i, miba xasep at lodoxoma rak mumu mo levelinga lipe at ne Karisito.

Epesas 6:19

La mina ngising bok tia, kusu ne Moroa naba raba ia mi levenngas linga at levenaleng nia a lok gagas ti paase, kusu nia noxo marat la anaba lox axasep Lagale Lavavang mo ga nemen alipe.

Kolosi 1:26

Moroa ga lox alipe mo levelinga basinge lavaola axap diga nemen gano, ketla melemu ga lox asuvos i ri limixin teren.

1 Timoti 3:16

I ruturun aleng do lotu atdik, ni lavanga i silok aleng mumu Leeme Silok atdik; “Neni ga rupot ngan laradi; Loroonan Kaala ga lox asuusu i do lorooro ren ga nemen mokmokso; la lubungangelo diga ven i. Limixin diga vavang min to at lengkot axap la limixin diga nuunu ren nade at na lavatbung menemen; la ne Moroa ga lok ka i uto vana at laxalibet.” Sam 9:11

1 Jon 4:8

Mo lara do kopmen tabalamu ren, neni kopmen naklen ne Moroa atla ne Moroa neni laradi balamu.