1 Korin 13:1 - Madak

¹ I epovo do ana paase mi levempapaase axap limixin di paase min at na lavatbung menemen kopok, la ana paase bok mi levempapaase at lubung angelo, ketla mo do axo ruuna labalamu, levempapaase rak naba lok ngan mun lanteng at laxavu mi lanteng at lagamit kopmen tavasuun teren.

1 Korin 13:1 ပူးပေါင်းရင်းမြစ်များ

Sam 150:5

Mina emi asu min mi lasaksak lempat tingtigon aen. Minak sak silok lempat tingtigon aen ti emi asu min.

Metiu 25:45

La nenia anaba vorang i ridi xeretna, ‘A tong tuturun i rinimi. Do mi goxo lox i na ri tara atdi limixin banbalo, mi goxo lox i ria.”

Lagale Lavavang At Ne Iesu Karisito Mak Ga Malagan I 16:17

Nedi di nuunu at Lagale Lavavang tarak, Moroa naba raba di mi leveloklok katling keretna; at laasen tarak dinaba riki xepe lubunggas basinge limixin. La dinaba paase mi levempapaase vetpes.

Lovoang At Ne Pol Ti Limixin Nunu to Rom 14:15

Mo do mina lox abulu luvutneton nimi at leveluxa nemi mi anan i, nemi mixo lox asuusu labalamu. Nemen gat miguta lok leveluxa no nemi mi anan i na lox asubu rinotno laradi no ne Karisito ga uu xorop tin.

1 Korin 12:10

La Loroonan Kaala i raba lara mi lololos ti lok levempanga sangsangu; la ti lara vetpes manga i raba i mi laramtaba ri paase alii; la ti lara manga laramtaba xusu na ila levelinga dola ila meva, boro at Loroonan Kaala xopla xopmen. La ti lara manga Loroonan Kaala i raba i mi laramtaba ri paase mi levempapaase vetpes; la ti lara i raba i mi laramtaba xusu rik soxomus lavasuun ap mo levempapaase vetpes.

1 Korin 12:16

La lubaalung naba nemen ngan axa luxot at labantuxu; ixo epovo do du na lok, ‘Nema xopmen luxatli, kuren la nema xopmen lenep at labantuxu.’

1 Korin 12:8

Loroonan Kaala i lox epovo i xusu na raba laradi mi laramtaba ri tong asu Lagale Lavavang. La ti lara vetpes na mun legeso Roonan Kaala i raba i mi laramtaba ri tong axasep levelinga at ne Moroa.

1 Korin 13:8

Anai leventamtaba at Loroonan Kaala, laramtaba ri paase alii, la laramtaba ri paase mi levempapaase vetpes, la laramtaba ri tong asu levelinga at ne Moroa. Di axap na lavantun di noxo nemen abao la dina sonao manga; ketla labalamu naba nemen amisik la kopmen taxavaxap teren.

1 Korin 14:2

Lara do i paase mi levempapaase vetpes, neni xopmen na paase ri limixin, ketla i paase ri ne Moroa, la kopmen tara na xasep nunuan at levempapaase neni i paase min. Neni i ngan ta do i paase mi levelinga lipe boro at loroonan teren la levempapaase ren ixo xasep at levendoxoma at limixin.

1 Korin 14:4

Laradi i paase mi levempapaase vetpes, neni i lok tooro xusuk mene i; ketla lara i paase asu levelinga at ne Moroa, ni i lok tooro limixin axap kusu lunuunu atdi naba lolos.

1 Korin 14:5

I lox avukat do nemi axap mina paase mi levempapaase vetpes, ketla lavanga i silok ti na, a vara i do nemi axap mina lok ka laramtaba ri paase asu levelinga at ne Moroa. Laradi do i paase asu levelinga at ne Moroa, mo levelinga ren i mumuat aleng ti lara i paase mi levempapaase vetpes, la mo levelinga ren i epovo na xasep ti limixin; ketla i lox avukat mene do tara go i nemen la i ruuna bok laramtaba boro at Loroonan Kaala xusu ri soxomus avukat lavasuun ap mo levempapaase vetpes, kusu na lok tooro limixin at lotu.

1 Korin 8:1

A vara i do ana vorang lususue atnimi mumu lempanga lomlomon limixin diplavang min ti laxampoovo moroa. I ruturun aleng do, “Nedik axap ta ruuna levenakleklen,” kerekngan limixin di tong i. Do laradi i ruuna lakleklen solo, neni ba xip aurut laasen teren, ketla mo laradi i umsu mi labalamu, ik lox aru lolos lorooro nunuan kantubu at limixin nuunu.

2 Korin 12:4

La go ni ga ronga levelinga i xaala aleng la ixo epovo do tara na tong asu i.

Galesia 5:22

Ketla mo lara i ruuna Loroonan Kaala at lorooro ren i pisik asu labalamu, lomomo, lenmila, loklox atnaasan, loklox anare, luvukat, loklok tuturun,

Galesia 5:6

Do nema mak lox eburu mi ne Iesu Karisito, mo leveloklok ti rivit kepe lengkontuxu kopmen lavanga silok; ixo lok petpes tinotno xantubu at taradi diga vit kepe toxontuxu ren la tara di goxo vit kepe toxontuxu ren. Ketla legesa vanga mene nga i silok aleng, neni lunuunu la labalamu i ravasu ren.

1 Timoti 1:5

Lavasuun at nai levelinga rak, ti lox axatu labalamu xantubu at limixin nuunu; nom labalamu i ravasu boro xeneng at lorooro kopmen taxakapmek teren la boro bok at lodoxoma, kopmen tusumsuma xapmek teren la boro bok at lunuunu ruturun.

1 Pita 4:8

Mavana at levempanga axap, mina ebalamu ela nemi mi luruturun atla labalamu at limixin naba ru pe laxangkakapmek solo.

2 Pita 2:18

Dim simi aurut nedi mi levendoxoma rangtangku la levelinga gamasa. La dik lok lengkot mamangan kusu dinang kan kaka nedi dik lok do dinak sixiro basinge limixin di mumu asu langas kapmek.

Lisilimet 14:2

La aga ronga laxaka linga boro vana at laxalibet ga ninni ngan ladan silok i sesen lolos la ga ninni ngan bok lavanga i repaavat. Mo laxaka linga aga ronga i ga lok ngan bok luvuttadi diga sep levengkontaaleng.