1 Korin 12:18 - Madak

¹⁸ Ketla ne Moroa goxo lok labantuxu atdik kuren. Moroa ga lok li levengkot axap at labantuxu atdik kerekngan lavavara ren kusu naba lok kuren.

1 Korin 12:18 ပူးပေါင်းရင်းမြစ်များ

Sam 110:3

At levenaleng at leesep limixin esep taram diba xulubi aleng kusu ri esep. La no mun at lenmaxantamak suubu, luvurau radi ram dibat pas posiga u ro vana at lakaana i xaala.

Sam 135:6

Neni i epovo na lok lempanga salai neni i vara i to vana at laxalibet, la de at lavatbung menemen, to xeneng at laras la to xopok tubu at lisimaramain.

Lagale Lavavang At Ne Iesu Karisito Luk Ga Malagan i 10:21

Ap mo mun loxonaleng Loroonan Kaala ga suxuna ne Iesu mi lomomo, la ni ga lok, “Tamak, nenu Leeme Silok at laxalibet mi lavatbung menemen! A tong avukat tu mila ugara lox ase vam nedi limixin gamasa mi na lempanga; la uga lipe i basinge limixin leklen la limixin dokdoxoma. I ruturun, Tamak. Anai uga lox i mi lodoxoma la lomomo ram.

Lagale Lavavang At Ne Iesu Karisito Luk Ga Malagan i 12:32

La ne Iesu ga lok bok, “Limixin tarak, nemen mita marat, mila ne Temen nemi, i momo xusu naba raba nemi mi Linintoo ren.

Lovoang At Ne Pol Ti Limixin Nunu to Rom 12:3

La mumu mun letaba nabalamu at ne Moroa ria, a vaase i na rinemi axap keretna; nemen gat nemi miguta mi aurut nemi do mi silok ti mo lentaba vetpes, ketla mina viila mumu avukat lorooro atnimi la mina ven nimi do lunuunu atnimi i epovo mun mi lodoxoma at ne Moroa tinemi xuren.

Lovoang At Ne Pol Ti Limixin Nunu to Rom 12:6

Nedik di ruuna leventamtaba vetpes; kuren la nedik atana gugu mi leventamtaba vetpes atnedik i ngan letaba nabalamu ne Moroa ga raba nedik min. Do laramtaba atnedik ti paase levelinga at ne Moroa, ata lox epovo i ngan lunuunu atnedik di ruuna i xuren.

1 Korin 12:11

Ketla neni mun legeso Roonan Kaala ik lox i na; la im taba leventamtaba ri legetgesa radi ngan Loroonan Kaala i vara i.

1 Korin 12:17

Dola labantuxu axap ni luxatli, ni naba ronga levelinga xereva? La do ni mun lubaalung, neni naba sumak kereva?

1 Korin 12:19

Mo do levengkot axap at labantuxu ni legesoxot mun, kopmen bok ba tabantuxu.

1 Korin 12:24

Ketla ti levengkot at labantuxu atdik i lox avukat, kerekngan lemeren dik, nedik dixo etara pe i. Moroa axa ga rudum li axap levengkot at labantuxu atdik kerepmo, kusu limixin dina lok ngangao ap mo levengkot at labantuxu limixin di lox abulubun i.

1 Korin 12:28

Keneng at lotu Moroa gara soxolik ka vam limixin ti lok leven gugu; neni ga lok katling ka luvuttadi vavang ngan neni lugugu avot la i silok ti leventaba vetpes, la lara mumu ren luvuttadi vapaase alii, la lara mumu luvuttadi ri anasa limixin mi levelinga at ne Moroa; la lara mumu manga ren nedi di lok levempanga sangsangu; lara melemu manga nedi ne Moroa ga raba di mi lololos kusu ri lox avukat limixin mekmeres; leventaba ri lok tooro limixin, leventaba ri gomgo nga di la lara mumu rinotno leventaba ri paase mi levempapaase vetpes.

1 Korin 15:38

La ne Moroa xa ik lok katling mo liit kusu na su ngan lodoxoma ren ti mo liit panga. La neni xa ik lox asuusu mo liit naba su ngan luuna axa ap mo liit.

1 Korin 3:5

Ua lavasuun teren la nemi mi epaxara nema mi ne Apolos? Nema mun luasaxaruki at ne Moroa; maga tong asu Lagale Lavavang tinimi la miga nuunu ren. Nema buru ma lok mun leven gugu Leeme Silok ga raba nama min.

Epesas 1:5

ga paase alii do ne Iesu Karisito naba lok tomtom buru ka nedik axap ngan luvutnitna, i ngan lomomo la lodoxoma ren kuren.

Epesas 1:9

La at lavavara ren ni ga tong axasep dik mi lodomdoma alii ren, mo ga nemen alipe la ni ga doma alii i do ne Karisito ni lavasuun teren.

Lisilimet 4:11

‘Moroa Leeme Silok atnama, nenu xusuk mun u epovo na lok kaka leemi asu, loklok ngangao mi lololos, mila nenu uga rudum li lempanga axap; la at lavavara mun taram uga rudum li di la uga lok li di xusu dina rooro.’