1 Korin 11:32 - Madak

³² Ketla ne Moroa ip sev amarat dik kerepmo, kusu nedik ta noxo seeve eburu minedi limixin at na lavatbung menemen dixo nuunu at Leeme Silok.

1 Korin 11:32 ပူးပေါင်းရင်းမြစ်များ

Sam 118:18

Leeme Silok ira lox asongot kapmek tinotno vam ia, ketla neni ixo ke xepe ba ia xusu ana met.

Lovoang At Ne Pol Ti Limixin Nunu to Rom 3:19

Anaa ba nedik taklen i do, levempanga axap keneng at Lenavolo, ik lok mu asu nedi dik lok maxopok at Lenavolo, kusu ri lok pepe levempapaase vepe at limixin, la na lok kaka limixin at lavatbung menemen axap kusu dinak lok maxopok at lavapaase ro melamgo at ne Moroa.

Lovoang At Ne Pol Ti Limixin Nunu to Rom 5:16

La laramtaba at ne Moroa la laxapmek at legesa radi, nedu xopmen duna epovo. Melemu at legesa xakapmek at ne Adam, loxokoxo ga vot ti limixin, ketla melemu at laxangkakapmek solo ga vot, laramtaba at labalamu ga lox asuusu lesepsepmus basinge laxapmek.

1 Korin 1:20

La kereva ba levelinga at limixin dokdoxoma? La kereva ba levelinga at limixin akleklen? La kereva ba levelinga at limixin di etep mi levelinga at na lavatbung menemen? Moroa ira lox asuusu vam i do levelinga at na lavatbung menemen ni lavanga gamasa.

1 Korin 1:21

Moroa i ruuna lakleklen solo la ni ga lok pe limixin akleklen kusu kopmen di noxo epovo na vuse sa ren mi lakleklen atdi xa. Ketla ne Moroa ga lok losoxovo do ni naba lox arooro nedi dina nuunu at Lagale Lavavang, keke i do limixin di tong i do Lagale Lavavang ni lavanga gamasa.

1 Korin 11:30

Nom mene i lavasuun teren la buaang atnemi dik meres la labantuxu atdi i molo, la leventaba dira remet.

1 Korin 11:31

Ketla ne Moroa noxo lox asongot dik kerepmo, do nedik axa ata ila mumu avot be luruptuvuk atnedik la melemu ba ata anan ba at leluxa at Leeme Silok.

1 Korin 11:33

Kuren la, luvutnetak mi luvurinuk, a tong i rinimi xeretna; dola mina vot buru kusu mina anan at leluxa at Leeme Silok, mina ngais ka be nedi kovisi dina rupot.

1 Timoti 1:20

Kantubu atdi, ne Aimenias la ne Aleksanda, aga song araba vam du ri lekngen ne Satan, kusu dubaklen ka i do du noxo paase vupu ri ne Moroa.

1 Jon 5:19

Nedik takleklen i do nedik limixin at ne Moroa, la limixin at na lavatbung menemen kopmen dina nuunu at ne Iesu Karisito, di nemen maxopok at lololos at laradi xapmek, ne Satan.

Lisilimet 3:19

Nedi nia a balamu di, a vaase aronga di la a lox aleeng di. Kuren la nemi bok mina doma avukat la mina leeng.