1 Korin 11:3 - Madak

³ Ketla a vara i do minaklen avukar i do ne Karisito neni i nemen mavana at lavatlok axap, la latlok neni i nemen mavana at latkin teren; la ne Moroa neni i nemen mavana at ne Karisito.

1 Korin 11:3 ပူးပေါင်းရင်းမြစ်များ

Metiu 28:18

La ne Iesu ga vas saparap nedi la ga lok tidi xeretna, “Moroa gara raba vam ia mi lololos axap to vana laxalibet la de xopok at lavatbung menemen.

Lagale Lavavang At Ne Iesu Karisito Jon Ga Malagan I 14:28

Mia ronga vam levelinga rak keretna; ‘ana on basinge nimi, ketla anabamlong bok ude saparap nimi.’ Do mina balamu ia, miba momo aleng do nenia anat pas uto at ne Tamak; mila neni i silok aleng tia.

1 Korin 3:23

Ketla na i ruturun dola nemi at ne Karisito, la ne Karisito at ne Moroa.

Epesas 4:15

Ketla nedik ta paase asu levelinga ruturun at ne Moroa, la lorooro atdik na umsu mi labalamu; la at lorooro axap atdik, ataba ravasu lolos la mina sep sogo ri lamgomgo atdik ne Karisito.

Kolosi 1:18

Neni lamgomgo at lotu ren kerekngan lavatlak at laradi, ni lamgomgo at labantuxu ren. Neni lavasuun at lorooro maxat, la neni lara avot ga roo xat amlong basinge lanmet. Ni ga lox i xuren kusu neni xusuk naba ruuna ka lixitkis silok ti levempanga axap.

Kolosi 2:10

La nemi bok miga lok ka vam nom leveloklok at ne Karisito, neni lamgomgo ri lubung angelo eburu mi limixin lolos atdi.

Kolosi 2:19

La ira xap tim tebeng lolos ne Karisito, neni lavatlak at labantuxu. Karisito xa neni imgomgo nga na labantuxu, la labantuxu im tem saga mun at lavatlak, la mo do labantuxu na repes boro at lavatlak, neni ixo epovo rinotno na su maraanu.

Kolosi 3:18

Nemi lavakin. Minang tonga res at lavatlok atnimi mila na loklok, ni loklok at lavakin di nuunu at Leeme Silok.

1 Pita 3:1

At na mun langas bok la nemi lavakin minang tonga res at levendoxoma at lavatlok atnemi, kusu do tentaba atnedi do dixo nuunu at levelinga at ne Moroa, loklok mun atnemi naba lok nedi la dina nuunu. La ixo epovo bok do minaba vaase axa toxolinga ri lox amlong levendoxoma atnedi.