1 Korin 10:17 - Madak

¹⁷ Leges akde mene nedik ta anan teren, kuren la nedik ta lok ngan legesa bungmixin, keke i do nedik di buaang.

1 Korin 10:17 ပူးပေါင်းရင်းမြစ်များ

Lovoang At Ne Pol Ti Limixin Nunu to Rom 12:5

I lok ngan pam nedik axap na nedik di buaang, ketla nedik di lok ngan legesa bantuxu mene xeneng at ne Karisito la nedik dik lox eburu ngan levenasen kot axap at legesa bantuxu mun.

1 Korin 10:21

La kerepmo ixo epovo do mina inin at lakap at Leeme Silok, la at lakap bok at lubunggas. La kopmen tinotno na epovo do mina anan at leveluxa at Leeme Silok la minam tebeng alis bok loklok at lotu saparap lubunggas.

1 Korin 12:12

Labantuxu at laradi i ruuna buaang laxangkot; ketla neni mun legesa bantuxu mi levengkot axap ik lok teren. Karisito ik lok mun kuren.

1 Korin 12:27

La kerepmo nemi axap mi lok ngan labantuxu at ne Karisito, la nemi getgesara mi lok ngan levengkot ap mo labantuxu ren.

Epesas 3:6

Mo levelinga lipe i lok keretna. At Lagale Lavavang limixin kopmen di me Judaia di epovo na lok kaka leveloklox anarong at ne Moroa kerekngan limixin me Judaia; la nedi legepu bungmixin diba lok ngan lengkot at legesa bantuxu mun la nedi eburu diba lok kaka mo lempanga ne Moroa ga vaase alii i rinedi di nuunu at ne Iesu Karisito.

Epesas 4:16

Nedik axap ta lok ngan labantuxu ren la maxeneng teren dik tat kis buru. La lengkot axap at labantuxu ren na elok tooro ela, la kerepmo labantuxu ren ba su lolos la ba lox aru axa i mi labalamu, mo do lengkot axap na gugu nunuan.

Epesas 4:25

Kuren la nemi getgesara mina lok pes kepe levelinga xaxarang la mina paase mi luruturun ti limixin at ne Moroa, mila nedik axap lengkot at labantuxu at ne Karisito.

Epesas 4:4

Legesa bantuxu mene nga la legesa Roonan Kaala, kerekngan mun ne Moroa gara ro xaka vam nimi ti legesa doxoma voovo,

Kolosi 2:19

La ira xap tim tebeng lolos ne Karisito, neni lavatlak at labantuxu. Karisito xa neni imgomgo nga na labantuxu, la labantuxu im tem saga mun at lavatlak, la mo do labantuxu na repes boro at lavatlak, neni ixo epovo rinotno na su maraanu.

Kolosi 3:11

La ti lususu ba ren keretna, kopmen bok ba leme Grik dina lok petpes ti leme Judaia, leme Judaia la nedi kopmen me Judaia, limixin etaba, limixin at lamain, limixin saksaxaruki la limixin di nemen gamasa mun; legesa Karisito mun ik lok la i suxuna lorooro atnedi axap.

Kolosi 3:15

Mina ke limila na suxuna lorooro atnimi, mo limila ne Karisito im taba i; mila ne Moroa ga ro xaka nemi kusu mina nemen keneng at limila ngan legesa bantuxu. La amisik mina tong loklox avukat ti ne Moroa.