1 Korin 10:14 - Madak

¹⁴ Kuren la, luvutnetak mi luvurinuk, mina ru asepsu basinge levelaplavang ti laxampoovo moroa.

1 Korin 10:14 ပူးပေါင်းရင်းမြစ်များ

Leven Gugu 15:20

Ketla ata malagan tevelinga ri vaase axasep nedi do kopmen di noxo anan leveluxa no diaplavang pam min ti laxampoovo moroa; la dina ke loklok kakapmek maxamang at lixitkis epot, la di noxo anan lempanga mi lavanuet kangkedek no diga xur amer i la lada ren goxo sen su ukamang, la lempanga bok mi lada atnedi.

Lovoang At Ne Pol Ti Limixin Nunu to Rom 12:19

Larapen tangas tarak, nemen gat miguta belemamao kaxat kusu ri vorang tavanga, ketla mina ke xepe ne Moroa na lok asuusu lebelemamao ren; atla Lovoang Kaala i vaase i xeretna, “Leeme Silok ne Moroa i vaase xeretna, ‘Nenia anaba ru kun la ana lok lugugu rak, la nenia anaba lok lovoporang at levempanga.” Len 32:35

1 Korin 10:15

A paase rinimi i ngan luvuttadi akleklen; nemi xa mina ila avukat at na levelinga rak.

1 Korin 10:19

Kereva, mo lovoovo moroa neni lomoroa ruturun? Kopla leveluxa limixin diplavang min ti lovoovo moroa ni laramtaba ruturun?

1 Korin 10:7

Nemen gat mita lotu saparap lempatpoovo moroa i ngan leventaba atnedi digak lok kuren. I lok ngan levelinga at Lovoang Kaala i tong i do, “Limixin digat pot buru ri leveluxa la melemu diga tii mi leventinii xapmek la diga pubeles at laxapmek.” Pas 32:6

1 Korin 5:11

Lavasuun at levelinga rak i lok keretna, nemen mita etangas eburu mi laradi lotu, neni laradi i lok laxakapmek maxamang at lixitkis epot, kopla ik lok papavas la i lotu saparap laxampoovo moroa, ik lox asi lentaba vetpes mi levelinga, la i inin tangtangku, kopla ip sep paxat panga. Nemen mita etangas eburu mi laradi ik lok kerepmo la nemen gat mitat kis eburu min kusu ri anan.

2 Korin 11:11

La tila ba nia a vaase i na? Ti lox asu i do axo balamu nimi? Kopmen. Moroa iklen i do a balamu nimi.

2 Korin 12:15

Kerepmo aba lok momo aleng do ana raba axap lorooro rak, mi levenaleng tarak, la lololos tarak kusu ri lok tooro nimi. Kereva, ixo epovo do mina balamu lixilix ia xerekngan nia a balamu aleng tinotno nimi?

2 Korin 12:19

Agut mi doxoma i do nema mo mak lok tong i do mana paase see atnama ro melamgo atnimi? Kopmen tinotno. Ma paase ngan limixin at ne Karisito to melamgo at lemeren ne Moroa. Larapen tangas orong tarak. Levempanga axap ma lox i xusu ri lok tooro nimi.

2 Korin 6:17

Kuren la mina vas su basinge limixin kapmek la mina nemen petpes basinge di. Nenia Leeme Silok ne Moroa a tong i na.” Moroa ga tong box i xeretna, “La nemen mita vubeles at laxapmek, kusu nia aba siam ka nimi.

2 Korin 7:1

Larapen tangas orong tarak. Na levelinga a tong pam i, ni levengkakaape ne Moroa ga lox i ridik; kuren la ata lox adadat dik basinge leveloklok kakapmek axap, mo i lox abilinga labantuxu la labaroonan atdik, la ata lok ka luruptuvuk i xaala, mi loklok ngangao atdik ti ne Moroa.

Pilipai 4:1

Luvutnetak mi luvurinuk. Mi ronga vam na levelinga rak; kuren la mina tu atmatkun at lorooro atnimi keneng at Leeme Silok. Larapen tangas orong tarak. A balamu aleng nimi la a sosoro aleng ti tong asuusu nimi ri limixin mila labalak i lok momo aleng mumu nimi.

Pilimon 1:1

Nenia ne Pol, nia a nemen de at loogu xokoxo mila nenia a tong asu Lagale Lavavang at ne Iesu Karisito. Timoti, neton dik, ik lox eburu minia. Nema mi ne Timoti ma malagan na lovoang tu, ne Pilimon. Nenu lentangas avukat atnama la nu laradi gugu at ne Moroa ngan nema.

Ibru 6:9

Larapen tangas tarak. Ma paase lolos tinimi xetla nemen mita doma solo i nom, mila ma nuunu ruturun do leveloklok i nunuan naba ravasu atnimi, mo levempanga naba lox asuusu i do mira lok ka vam loklox arooro.

1 Pita 2:11

Larapen tangas orong tarak. A sing nemi mi lodoxoma axap tarak. Nemi mi lok ngan mun limixin kadiong de at na lavatbung menemen, kuren la mina ru asepsu basinge leveloklok kakapmek at labantuxu, atla neni na leveloklok i vesep eburu mi labaroonan atnemi.

1 Jon 5:21

Luvutnuruk orong, mina lok tatao nimi basinge lempoovo moroa. I ruturun.

Lisilimet 13:8

La limixin axap at na lavatbung menemen diba lotu parav i; nedi limixin kopmen levenasen atdi ik lok at lubuk at lorooro, mo lubuk ga nemen avot ti luruntudum li at na lavatbung menemen, la ni lubuk at Lanasip, mo ga uu at laxaba.

Lisilimet 2:14

Ketla a ruuna lempapaase lixilik mun mumu nimi at lempanga mi lox i kopmen na lox avukat. Lentaba atnimi dom dim tebeng alolos levenanasa at ne Balam, mo ga lox ase ne Balak kusu na sar asoogong limixin me Israel ti laxakapmek. Ni ga tong i ridi do dina anan leveluxa laplavang ri lempoovo moroa la ni ga sar asoogong di kusu dina lok laxakapmek maxamang at lixitkis epot.

Lisilimet 21:8

Ketla nedi limixin makmarat la nedi dina sok tixirixes lunuunu atdi, la nedi dina lok laxakapmek silok la nedi dina sev amet parang limixin, la nedi dina lok loklok kakapmek maxamang at lixitkis epot, la nedi luvuttadi sak, la nedi dina lotu parap levempoovo moroa, nedi limixin babala; nedi axap na, nenia anaba lu arup midi uto xeneng at lemet kao i ngangao mi lasalpa. Na losongsongot, ni lanmet sepsev agepura.”

Lisilimet 22:15

Ketla limixin kakapmek la lavaun sak, la nedi limixin diga lok laxakapmek maxamang at lixitkis epot la limixin sepsev amet tadi, la nedi di lotu parap lempoovo vanga, la nedi bok di vavara aleng i xusu dina paase babala la dik lox amisix i; nedi axap na di noxo vubeles to xeneng ap mo lemenemen silok.