1 Korin 10:1 - Madak

¹ Luvutnetak mi luvurinuk. A vara i do mina doma su at levempanga ga vot saparap lavalabat atdik gano migomgo, at levenmaares diga mumu asu ne Moses. Diga nemen maxopok at loklok tatao at ne Moroa, ni gam gomgo ridi at loxontakabu, la diga vas polo tubu at loxontas, laasen teren Laras Memele.

1 Korin 10:1 ပူးပေါင်းရင်းမြစ်များ

Sam 105:39

Moroa ga vung pava nedi mi loxontakabu kusu ri lok tatao di, la lababao at laxao ti raba nedi mi laxasep at lengkanimin.

Sam 66:6

Ni ga lox arepukus laras i ngan ta laxangka mesemes; lavalabat atnedik diga vas korop lavatdan sen silok mi lengkangkedek mene. Ap mo loxot maga lok momo mi mo lavanga ni ga lox i.

Sam 78:53

Neni gam lam aratao avukat di la di goxok marat; ketla laras ga repit pava lavamunepen atnedi la diga met axap pam.

Lagale Lavavang At Ne Iesu Karisito Jon Ga Malagan I 4:20

Lavalabat atnama mede Samaria diga lotu parap ne Moroa at nai lakaana, ketla nemi leme Judaia mi tong i do lemenemen Jerusalem neni lenep ti lotu parap ne Moroa e.”

Lovoang At Ne Pol Ti Limixin Nunu to Rom 1:13

Luvutnetak mi luvurinuk. Nia a vara i do mina xasep nunuan; buaang laxanaleng nia agam doma i do anat pot pasa nimi, ketla lentaba lempanga ga tu pe ia. Nia a vara i xusu ana vavang dom atnemi xusu teventaba dinaba nuunu bok, kerekngan ia aga lox i ro at lengkot petpes kantubu at limixin kopmen me Judaia.

Lovoang At Ne Pol Ti Limixin Nunu to Rom 11:21

Ne Moroa goxo ke atnaasan bok leme Judaia do lengkakan tinotno ba ren; kereva, mi lok do ni naba ke atnaasan bok nimi?

Lovoang At Ne Pol Ti Limixin Nunu to Rom 4:11

Diga vit kepe loxontuxu ren ga melemu ba, la mo loklok diga lox i rin, ga lok ngan loklok katling ti lox asorun i do at lunuunu mun at ne Abaram, ne Moroa ga siam kaka i ngan laradi mokmokso, avot tinotno ri livirivit kepe loxontuxu ren. Kuren la ne Abaram i lok ngan ne temen nedik axap di nuunu at ne Moroa la dik lok keneng at lisisiam ngan luvuttadi mokmokso ren, nedi bok di goxovisi vit kepe lengkontuxu atnedi.

1 Korin 12:1

Luvutnetak mi luvurinuk. Ana anasa nimi mi leventamtaba boro at Loroonan Kaala, xusu mina xasep teren.

1 Korin 14:38

Ketla do xopmen dina ven kisiv i do na levelinga rak boro at ne Moroa, nemen mita ronga res at levelinga ren.

Galesia 3:29

Do nemi at ne Karisito, mi lok ngan pam do nemi livipisik li at ne Abaram, la minaba ruuna xaka mo loklox anarong ne Moroa ga xaape min ti ne Abaram.

Ibru 11:29

Limixin me Israel diga ruuna lunuunu, kuren la diga vas korop Laras Memele, digat pas mun at laxangka mesemes. Ketla at loxonaleng limixin esep boro Isip diga lok tong pen i xusu dina vas polo, laras gak mit di la diga xong axap.