1 Korin 1:2 - Madak

² A malagan i na lovoang tinemi limixin at ne Moroa dom Korin; la ne Moroa ga lox akmokso luruptuvuk atnimi at lekngen ne Iesu Karisito xusu nemi limixin dadat teren. Moroa ga ro xaka vam nimi do ateren; la nemi mit kis esogo amisik mi ne Iesu Karisito, kerekngan limixin to at lengkot axap di lotu parap Leeme Silok atdik ne Iesu Karisito, neni Leeme Silok atdi la Leeme Silok bok atdik.

1 Korin 1:2 ပူးပေါင်းရင်းမြစ်များ

Sam 45:11

Loorong naba veneves at levereven nunuan taram; neni laradi silok taram, la una mumu asu levelinga ren.

Leven Gugu 10:36

Nemi miklen Lagale Lavavang neni ga song araba limixin me Israel min; na Lagale Lavavang i lok lumulum kantubu at ne Moroa la limixin mumu lanmet at ne Iesu Karisito, neni Leeme Silok at limixin axap at na lavatbung menemen kopok.

Leven Gugu 15:9

Moroa ga lok legesa ngas mun ti lorooro rinedik limixin me Judaia la tinedi limixin kopmen di me Judaia; ni ga gos amaxat lebelen di mila diga nuunu ren.

Leven Gugu 18:1

Melemu at na, Pol ga on basinge lemenemen Atens la gat pas uto Korin.

Leven Gugu 22:16

La nemen utat kis gamasa. Katu kaxat la una lok ka lesep susu la ne Moroa naba doxoma xepe leveloklok kakapmek taram, mo do una sing ti loklok tooro at Leeme Silok.”

Leven Gugu 26:18

Nenu uba suang lodoxoma atnedi la uba sat kaka nedi basinge lamain at ne Satan uto at laxasep at ne Moroa, la basinge lolos at ne Satan uto saparap ne Moroa, kusu dina nuunu rak. La kerepmo ne Moroa naba doxoma xepe leveloklok kakapmek atnedi la dinaba ruuna ka loxot tidi xantubu ap mo limixin ne Moroa ga soxolik ka vam di.’

Leven Gugu 9:13

Ananias ga vorang i rin keretna, “Leeme Silok, buaang limixin diga tong lempanga ria mumu nom laradi, la mumu bok lempanga xakapmek ni ga lox i ri limixin taram to Jerusalem.

Leven Gugu 9:14

La ni gat pas ude Damasko mi levelinga lolos at lavamaasa silok, kusu na xoxo ka nedi di mumu asu laasen taram.”

Leven Gugu 9:21

La nedi diga ronga i, diga rakdu la diga esue, “Kereva na? Na laradi ga nemen to Jerusalem la ni gap sev amet limixin diga nuunu at ne Iesu. La ni gat pas ude xusu na ranga alis nedi la na lok kaka nedi uto at lavamaasa silok.”

Lovoang At Ne Pol Ti Limixin Nunu to Rom 1:7

Nia a malagan na levelinga rinemi axap mi nemen dom Rom, Moroa i balamu nimi la ga ro xaka nimi do nemi limixin teren. Letaba nabalamu la lenmila rinimi boro at ne Moroa ne Temen nedik, la Leeme Silok ne Iesu Karisito.

Lovoang At Ne Pol Ti Limixin Nunu to Rom 10:12

Ana levelinga i vung kimit limixin axap, atla kopmen tevereven petpes kantubu at limixin me Judaia la limixin kopmen di me Judaia; Moroa xusuk mun legese Eme Silok atnedik axap, la ik lox anarong aleng nedi di ngising ti loklok tooro boro ren.

Lovoang At Ne Pol Ti Limixin Nunu to Rom 3:22

Ketla ne Moroa ik lok li akmokso limixin mumu lunuunu atnedi saparap ne Iesu Karisito. La ne Moroa ik lox i na rinedi axap di nuunu at ne Karisito. Kopmen tevereven petpes atnedi leme Judaia la limixin kopmen me Judaia,

Lovoang At Ne Pol Ti Limixin Nunu to Rom 8:28

Nedik ataklen i do ne Moroa i gugu mi luvukat at levempanga axap, keneng at lorooro atnedi di balamu i, la nedi no neni gara ro xaka vam nedi xerekngan lodoxoma ren kuren.

1 Korin 1:30

Ketla ne Moroa gara lok ka vam nimi ri lixitkis etangas eburu mi ne Iesu Karisito la ne Moroa ga lok katling pam ne Karisito ngan laxasep tidik; keneng mun at ne Iesu Karisito, ne Moroa ga vaxaxis buru dik min, la ga lok dik ngan limixin dadat teren, la gara lox asepmus nedik basinge laxakapmek atdik.

1 Korin 10:32

La mina rooro mi luruptuvuk nunuan kusu limixin me Judaia la limixin kopmen me Judaia la limixin nuunu di noxo sak kikixin at lunuunu atdi.

1 Korin 12:27

La kerepmo nemi axap mi lok ngan labantuxu at ne Karisito, la nemi getgesara mi lok ngan levengkot ap mo labantuxu ren.

1 Korin 8:6

Ketla legeso Moroa mun tinedik axap, neni ne Temen nedik la neni laradi loklok li at lempanga axap, la nedik ata rooro rin. La legesa Eme Silok atnedik mun ne Iesu Karisito, la keneng mun teren ne Moroa ga rudum li lempanga axap la keneng mun teren nedik di rooro.

2 Korin 1:1

Nenia ne Pol, laradi vavang at ne Iesu Karisito; Moroa xa ga soxolik ka ia ri mo lugugu; ne Timoti, neton dik i paase aru box ia at na lovoang. Nia a sok na lovoang tinemi limixin mi nuunu at ne Moroa dom Korin, la tinemi bok limixin nuunu mik lok to at lengkot axap at lenep silok Grik.

2 Korin 4:5

Nema maxo vavang minama xa, ketla ma vavang asu mi ne Iesu Karisito ngan Leeme Silok; la nema ma lok ngan lavasaxaruki atnimi mumu lugugu at ne Iesu.

Galesia 1:2

Nema axap loxoeton nade ma lox aonon lomomo atnema rinemi limixin lotu at laramenemen do at lenep silok Galesia.

Epesas 5:26

Neni ga lox i xuren kusu ri lox adadat di basinge laxakapmek. Ni ga lox adadat di mi levelinga ren i ngan ladan.

1 Tesalonia 1:1

Nenia ne Pol. Nema mi ne Sailas la ne Timoti, ma malagan na lovoang tinemi limixin nuunu dom Tesalonia. Nemi limixin at ne Moroa, ne Temen dik la Leeme Silok, ne Iesu Karisito. Letaba nabalamu la lenmila rinemi boro at ne Moroa.

1 Tesalonia 4:7

Moroa ga ro ka nimi xusu mina dadat aleng, kopmen do ri lox abilinga lorooro atnimi.

2 Tesalonia 1:1

Nenia ne Pol. Nema mi ne Sailas la ne Timoti, ma malagan na lovoang tinemi limixin nuunu dom Tesalonia. Nemi limixin at ne Moroa ne Temen dik la Leeme Silok, ne Iesu Karisito.

1 Timoti 2:8

A vara i do lavatlok at levengkot axap dina ngising amisik, la dina song aurut mi levengkikngen di upana keneng at levesingising atdi la kopmen teven mukmusak la levenedak noxo nemen at lorooro atnedi.

1 Timoti 3:15

Do nia a noxo vot soso, nenu u epovo na lox ase limixin kusu dina lok tatao avukat di keneng at lixitkis koetemen atdi mi ne Moroa; na loklok, ni lavasuun at lotu ruturun at ne Moroa i rooro amisik, neni luxus una la lusu auru at levelinga ruturun.

2 Timoti 1:9

Neni ga lox arooro dik la ga ro ka dik kusu ataba lok ngan limixin teren. Kopmen mumu levempanga dik gara lok pam i; ketla at lavavara ren, i lok ngan letaba nabalamu ren tidik keneng at ne Iesu Karisito; ni ga raba dik mi na letaba nabalamu avot ti luruntudum li at na lavatbung menemen.

2 Timoti 2:19

Ketla levelinga at ne Moroa i tu lolos la kopmen tara i epovo na ba gili i. Diga lox amuat levelinga ren keretna, “Leeme Silok ikleklen nedi ateren axa,” Kex 16:5 la “Nedi di tong asu i do nedi limixin at Leeme Silok, dina lok kepe laxakapmek at lorooro atdi.” Ais 28:16

2 Timoti 2:22

Kuren la una ke xepe leveloklok kakapmek, kerekngan loklok at luvuraau; la una lolos kusu una mu asu leveloklok keretna; loklok mokmokso, lunuunu, labalamu, la limila. Una lok na levempanga eburu minedi limixin di nuunu at Leeme Silok la nedi lorooro atdi i lok nunuan.

Ibru 10:10

Ne Karisito ga mu asu lavavara at ne Moroa, la neni ga raba lorooro ren ngan laplavang at legesa xonaleng mun kusu na lox adadat limixin basinge laxakapmek atdi.

Ibru 13:12

La kerepmo ne Iesu bok ga xip losongsongot to maxamang at lemenemen silok Jerusalem kusu na lox adadat limixin basinge laxakapmek mi lada xa ren.

Ibru 2:11

Ne Iesu eburu minedi limixin ni ga lox adadat di, dik lok keneng at legesa xitkis koetemen. Kerepmo la ne Iesu neni i lok momo aleng ti tong di do luvutneton.

Lovoang At Ne Jut 1:1

Nenia ne Jut, lasaxaruki at ne Iesu Karisito, la neton ne Jems. Nia a malagan na lovoang tinemi limixin, mo ne Moroa gara ro xaka vam nimi do tin, la mi rooro xeneng at labalamu at ne Moroa ne Temen dik, la mik lok keneng at loklok tatao at ne Iesu Karisito.

Lisilimet 19:16

La lara langas linga ik lok to at lisingsigaara ren la to bok at laaon teren; nom langas linga i lok keretna, “Loorong Silok mavana at lavaorong silok la Leeme Silok mavana at lavaeme silok.”