1 Jon 5:20 - Madak

²⁰ Nedik ta xasep bok pam keretna, ne Nitna ne Moroa ga rupot la ga raba vam dik mi laxasep, kusu nedik tabakleklen ne Moroa, neni laradi ruturun. Nedik dik lok at ne Moroa i ruturun la at ne Nitna, Iesu Karisito. La ne Moroa neni lavasuun at lorooro avolo.

1 Jon 5:20 ပူးပေါင်းရင်းမြစ်များ

Metiu 13:11

La ne Iesu ga vorang i ridi xeretna, “Moroa ira raba vam nimi mi lakleklen at Linintoo no vana at laxalibet; gano ga nemen alipe; ketla tinedi limixin petpes kopmen.

Lagale Lavavang At Ne Iesu Karisito Luk Ga Malagan i 21:15

mila nenia aba raba nimi mi levelinga la laxasep at lakleklen kusu kopmen teta atdi di munepen minimi naba epovo xusu na vorang levelinga atnimi.

Lagale Lavavang At Ne Iesu Karisito Luk Ga Malagan i 24:45

La neni ga lox arepalas levendoxoma atdi kusu dinakleklen avukat Lovoang Kaala,

Lagale Lavavang At Ne Iesu Karisito Jon Ga Malagan I 1:18

Tara goxovisi ven ne Moroa. Ne Nitna xusuk mun, neni i epovo mi ne Moroa, neni it kis esogo mi ne Temen la neni xa ga paase axasep dik mi ne Moroa.

Lagale Lavavang At Ne Iesu Karisito Jon Ga Malagan I 10:30

Nema’ mi ne Tamak ma lok ngan legesara.”

Lagale Lavavang At Ne Iesu Karisito Jon Ga Malagan I 14:20

Dola nom laaleng na vot, mibaklen ka i do nenia a nemen eburu mi ne Tamak la nemi mi nemen tarak; kerekngan mun nenia a nemen keneng atnimi.

Lagale Lavavang At Ne Iesu Karisito Jon Ga Malagan I 14:23

Iesu ga vorang i rin keretna, “Do nege i balamu ia, neni naba ronga res at levenanasa rak. Ne Tamak naba balamu i, la nema’ mi ne Tamak, maba esuxun min la mana nemen eburu min.

Lagale Lavavang At Ne Iesu Karisito Jon Ga Malagan I 14:6

Iesu ga vorang i rin, “Nenia langas, luruturun mi lorooro. Kopmen teta naba vosiga ne Tamak at tangas petpes, ketla atarak kusuk mun.

Lagale Lavavang At Ne Iesu Karisito Jon Ga Malagan I 14:9

Iesu ga lok tin keretna, “Pilip, aga nemen amisik eburu minu la nu xovisi unaklen ia do? Do lara ira ven pam ia, neni ira ven pam ne Tamak. Ixo epovo do una tong i do, una lox ase nama mi ne Tamam.

Lagale Lavavang At Ne Iesu Karisito Jon Ga Malagan I 15:4

Mina nemen tarak, la nia anaba nemen atnimi. Laxakan una xopmen na epovo na visik do ni xopmen na nemen sogo at luuna. Nemi xopmen mina epovo ri visik lempeven una se do nemi mina nemen tarak.

Lagale Lavavang At Ne Iesu Karisito Jon Ga Malagan I 17:14

Nia aga raba vam di mi levelinga ram ketla limixin at na lavatbung menemen diga sok tixirixes di, mila nedi xopmen di mede at na lavatbung menemen, kerekngan nenia xopmen ia mede.

Lagale Lavavang At Ne Iesu Karisito Jon Ga Malagan I 17:25

Tamak. Luruptuvuk taram ik mokso, la limixin at na lavatbung menemen kopmen dinaklen u, ketla nenia aklen u, la nedi na diklen i do uga riki ia ude.

Lagale Lavavang At Ne Iesu Karisito Jon Ga Malagan I 17:3

Lorooro avolo i lok keretna; do dinakleklen u, legesa Moroa ruturun kusuk mun la dinakleklen ia, ne Iesu Karisito, nenu ga riki ia ude.

Lagale Lavavang At Ne Iesu Karisito Jon Ga Malagan I 20:28

La ne Tomas ga lok tin, “Nenu Leeme Silok tarak la lo Moroa rak.”

Lagale Lavavang At Ne Iesu Karisito Jon Ga Malagan I 8:42

Iesu ga lok tidi xeretna, “Dola ne Moroa ne Temen nimi, nemi minaba balamu ia mila nenia aga laa boro at ne Moroa la monga nenia ak lok de. A goxo vas kaxat mi lodoxoma axa rak, ketla ne Moroa ga riki ia.

Leven Gugu 20:28

Mina lok tatao avukat nemi la mina lok tatao nedi bok limixin, Loroonan Kaala gara lok li vam nedi maxopok at loklok tatao atnimi. Mina lok ngan luvuttadi loklok tatao sipsip kantubu at limixin at ne Moroa, no ni ga lok li di do ateren axa mumu lanmet at ne nitna.

Lovoang At Ne Pol Ti Limixin Nunu to Rom 9:5

Nedi lubungmixin diga ravasu at loxongkulao silok at ne Moroa me gano. La ne Karisito, neni ga vot ngan laradi, neni at nedi na lubungmixin. Ata emi asu mi laasen at ne Moroa neni i lok tatao lempanga axap la kopmen taxavaxap teren! Tuturun.

1 Korin 1:30

Ketla ne Moroa gara lok ka vam nimi ri lixitkis etangas eburu mi ne Iesu Karisito la ne Moroa ga lok katling pam ne Karisito ngan laxasep tidik; keneng mun at ne Iesu Karisito, ne Moroa ga vaxaxis buru dik min, la ga lok dik ngan limixin dadat teren, la gara lox asepmus nedik basinge laxakapmek atdik.

2 Korin 4:6

Moroa axa ga lok keretna, “Laxasep na soosoo su at lamain.” Neni mun ne Moroa mo ga lok laxasep teren i soosoo xeneng at lorooro atdik kusu ri raba dik mi laxasep at lakleklen mumu lisisixam at ne Moroa mo ga soosoo at lemeren ne Karisito.

2 Korin 5:17

Do tara i nuunu at ne Karisito, neni i ngan laradi maxat at loroonan teren; levempanga xapmek at lorooro maut ira xap pam, la lorooro maxat mo ira vot ta.

Epesas 3:18

la mina umsu mi lolos eburu minedi limixin at ne Moroa kusu miba xasep do labalamu at ne Karisito i babaalom, ip teplas, i urut, la i si aleng tino,

Pilipai 3:9

la anat kis esogo min. Nenia a goxo lok ka lomokmokso at lemeren ne Moroa mumu i do agang tonga res at Lenavolo. Kopmen. Nenia na a nemen mokmokso at lemeren ne Moroa mumu lunuunu rak keneng at ne Karisito. La ne Moroa axa ga lok li ia xusu ana sepmus basinge loklok kakapmek.

1 Timoti 3:16

I ruturun aleng do lotu atdik, ni lavanga i silok aleng mumu Leeme Silok atdik; “Neni ga rupot ngan laradi; Loroonan Kaala ga lox asuusu i do lorooro ren ga nemen mokmokso; la lubungangelo diga ven i. Limixin diga vavang min to at lengkot axap la limixin diga nuunu ren nade at na lavatbung menemen; la ne Moroa ga lok ka i uto vana at laxalibet.” Sam 9:11

Taitas 2:13

La kerepmo atam tebeng loklox avukat ap mo levenaleng atat kis tangais ti mo langsangan laaleng avukat, la lovotpot nunuan at ne Iesu Karisito, neni ne Moroa silok atdik la neni Leeme Loklox Arooro atdik; neni naba rupot mi lisisixam silok at ne Temen.

Ibru 1:8

Ketla neni ga lok ti ne Nitna xeretna, “Nenu ne Moroa, lixitkis orong taram naba nemen amisik la amisik la nenu uba lok limixin axap kusu diba mu asu loklok mokmokso ram.

1 Jon 2:23

Do taradi i sok tixirixes kepe ne Nitna ne Moroa, i ngan do neni i sok tixirixes kepe bok ne Temen. Do taradi i nuunu at ne Nitna ne Moroa, neni i nuunu bok at ne Moroa, ne Temen nedik.

1 Jon 2:24

Minam tebeng lolos amisik mo levelinga miga ronga i, ap mo levenaleng miga ruuna ka lunuunu maxat. Do kuren, minabat kis esogo amisik mi ne Nitna, la ne Temen.

1 Jon 2:6

do taradi na doma i do lorooro ren ik lok keneng at ne Moroa, lavatpas teren na lok ngan tinotno ne Iesu Karisito.

1 Jon 4:14

La nema magara ven pam ne Nitna la ma tong asu i dola ne Temen dik ga riki ne Nitna ngan Laradi Loklox Arooro ri limixin at na lavatbung menemen.

1 Jon 4:16

La nedik axa takleklen i do ne Moroa i balamu dik la kerepmo ta xasep do ik lok tatao dik. Moroa neni laradi balamu la do tara i rooro keneng at labalamu, ni i nemen keneng at ne Moroa la ne Moroa i nemen keneng teren.

1 Jon 4:2

I epovo do mina ven kibis mo laradi i ruuna levenanasa at Loroonan Kaala at ne Moroa. Do neni i tong asu i do ne Iesu, neni Lanarong at ne Moroa la ga vee radi ngan nedik, la neni i ruuna Loroonan Kaala at ne Moroa.

1 Jon 5:1

Do tara i nuunu do ne Iesu neni Lanarong at ne Moroa, i lox asuusu i do i ruuna ka vam livipisik amaxat at lorooro ren keneng at ne Moroa; la do tara i balamu ne Temen, i balamu bok limixin at ne Moroa.

1 Jon 5:15

Nedik ta xasep pam do ne Moroa ing tonga levesingising atdik, kuren la nedik ta xasep bok do neni im taba dik mi mo lempanga ta ngising tin.

1 Jon 5:18

Nedik takleklen i do mo tara i ruuna ka vam livipisik amaxat at lorooro ren keneng at ne Moroa, neni noxo lok bok ba laxakapmek. La ne Nitna ne Moroa i lok tatao i kusu laradi kapmek ne Satan noxo lok kapmex i.

1 Jon 5:5

Nege i epovo kusu na los kimit loklok at na lavatbung menemen? Neni xusuk mun laradi i nuunu dola ne Iesu neni Nitna ne Moroa.

Lisilimet 15:3

la digak pixan mi loxompixan at ne Moses, lasaxaruki at ne Moroa la digak pixan bok mi loxompixan at Lanasip; diga lok keretna, “Moroa Leeme Silok, u lolos aleng. Lempanga axap nenu uk lox i, i silok la i lox avukat aleng. Leventaangas taram la leveloklok taram ik mokso la i ruturun aleng. Nenu Loorong Silok mavana at limixin axap at na lavatbung menemen.

Lisilimet 19:11

La nia aga ven laxalibet ga rem suang la aga ven lara lavaros bunbun. La mo laradi gat kis go mavana ren, laasen teren, ne Luruturun. Lodoxoma ren ik mokso la kerepmo neni laradi ing tonga linga la ik paxaru kaxat levenesep.

Lisilimet 3:14

La Leeme Silok ga lok bok tia xeretna, “Una malagan na levelinga ti laangelo ik lok tatao limixin lotu ro Lodisia. ‘Ana levelinga boro at ne Luruturun, ni laradi ruturun i tong asu levelinga at ne Moroa la ni lamgomgo at luruntudum li at ne Moroa.

Lisilimet 3:7

Leeme Silok ga lok bok tia, “Una malagan na levelinga ti laangelo ik lok tatao limixin lotu dik lok ro Piladelpia. ‘Ana levelinga neni boro at laradi i melemelengan la i ruturun. La neni im tebeng lengki at ne Devit, loorong silok me gano; mo lengki i susuang lumusaragu at Linintoo at ne Moroa. Mo lumusaragu neni i susuang i, kopmen tara na epovo xusu na vi pe i, la mo lumusaragu neni i vi pe i, ixo epovo do tara na suang i.

Lisilimet 6:10

Digap kup lolos mi laxaka linga xeretna, “Moroa lolos aleng, nenu u melemelengan la u ruturun aleng. Lingisa ba uba vaxaru li limixin at lavapaase la una sev amet di ri vorang laniu nema maga ekip tangarang min?”