1 Jon 5:13 - Madak

¹³ Nia a malagan na lempanga rinemi mi nuunu at laasen at ne Nitna ne Moroa kusu mina xasep do mira ruuna ka vam lorooro avolo.

1 Jon 5:13 ပူးပေါင်းရင်းမြစ်များ

Lagale Lavavang At Ne Iesu Karisito Jon Ga Malagan I 1:12

Ketla nedi diga siam ka i la diga nuunu ren, ni ga lok li nedi ngan tinotno luvutnitna ne Moroa.

Lagale Lavavang At Ne Iesu Karisito Jon Ga Malagan I 2:23

At laaleng ne Iesu ga nemen to Jerusalem at leluxa at Lovovolo Pe, buaang nedi limixin diga nuunu at laasen teren atla diga ven mo levempanga sangsangu ren.

Lagale Lavavang At Ne Iesu Karisito Jon Ga Malagan I 20:31

Ketla leventaba levempanga sangsangu ik lok at na lubuk kusu mina nuunu do ne Iesu neni Lanarong la Nitna ne Moroa; la do mina nuunu ren, miba ruuna ka lorooro avolo at laasen teren.

Lagale Lavavang At Ne Iesu Karisito Jon Ga Malagan I 21:24

Mo laradi loklok ka anasa ga ven na lempanga la ga malagan levelinga at na lubuk, la maklen i do levelinga ren i ruturun.

Lagale Lavavang At Ne Iesu Karisito Jon Ga Malagan I 3:18

Do nege i nuunu at ne Nitna, neni noxo lok kaka loxokoxo; do nege xopmen na nuunu, neni ira sok ka vam loxot tin, mila neni xopmen na nuunu at legesa madak mun at ne Moroa.

Lagale Lavavang At Ne Iesu Karisito Jon Ga Malagan I 5:24

A tong tuturun i rinimi. Do tara i ronga levelinga rak, la i nuunu ap mo lara ga riki ia, neni ira lok ka vam lorooro avolo. Neni xopmen noxo tu at lavapaase at laaleng ete, ketla ira roo suu vam basinge lanmet la ira ruuna ka vam lorooro avolo.

Leven Gugu 3:16

At lunuunu mun at laasen at ne Iesu la na laradi mi ven i la miklen i, ira lok ka lolos maxat keneng at luxangkedek teren. Lunuunu keneng at laasen at ne Iesu na, i lox aroo na laradi de melamgo atnimi axap.

Leven Gugu 4:12

Keneng mun at laasen teren nedik ataba lok ka lorooro avolo; mila kopmen bok ba teta at na lavatbung menemen kopok, laasen teren ne Moroa ga raba limixin min kusu nedik ataba rooro mu i.”

2 Korin 5:1

Dik atakleklen i do lorooro atdik at na labantuxu noxo nemen abao, ba lok ngan mun loogu xukuxut. Mo do ira rem utut pam, nedik di ruuna lara loogu ro vana at laxalibet ne Moroa ga gagas li vam i ridik la naba tu amisik. Mo loogu limixin di goxo lok i mi levengkikngen di.

Galesia 4:6

Nedik luvutnitna ne Moroa, kuren la neni ga riki asu Loroonan i nemen keneng at ne Nitna ukeneng ti lorooro atnedik, la neni mo Loroonan ik lok nedik la diram doma su at ne Temen nedik la dira toro rin keretna, “Tamak, Tamak!”

1 Pita 5:12

Ne Sailas ga lok tooro ia xusu ri malagan na lovoang mutmut tinemi, la neni netak at laasen at ne Karisito. A vara i xusu ana lox alolos nemi mi levelinga at na lovoang, anai neni letaba nabalamu rinotno at ne Moroa. Kuren la mina tu lolos keneng teren.

1 Jon 1:4

Nema ma malagan na levelinga nunuan tinimi kusu lomomo atdik naba umsu aleng.

1 Jon 2:1

Luvutnuruk orong. Nia a malagan na levelinga rinemi kusu mi noxo lok taxapmek. Ketla do tara na lok laxakapmek, ne Iesu Karisito neni Leeme Mokmokso naba lok tooro i, naba sing saparap ne Moroa ne Temen dik, kusu ne Moroa naba doxoma xepe mo laxakapmek teren.

1 Jon 2:21

Nia a malagan na lovoang tinimi kopmen do mixoklen levelinga ruturun teren, ketla a malagan i na mila mikleklen levelinga ruturun la kopmen taxaxarang i nemen atnedi di ruuna levelinga ruturun at ne Moroa.

1 Jon 2:25

La neni naba lox epovo lavapaase alii ren, no ni ga xaape min tinedik keretna, neni naba raba nedik mi lorooro avolo.

1 Jon 2:26

Nia a malagan na levelinga rinemi ri lox axasep nimi mi loklok at limixin di lok tong i xusu dina sar asoogong nimi.

1 Jon 3:23

La levelinga ren tidik i lok keretna, nedik tana nuunu at laasen at ne Nitna, neni ne Iesu Karisito la atana ebalamu ela kerekngan ne Iesu ga tong i ridik.

1 Jon 4:9

La ne Moroa ga lox asuusu labalamu ren tinedik keretna, neni ga riki legesamdak teren ude at na lavatbung menemen, kusu nedik taba ruuna ka lorooro avolo ma xeneng at lugugu ren.

1 Jon 5:10

Do tara i nuunu at ne Nitna ne Moroa, neni i ruuna ka vam mo levelinga keneng at lorooro ren. Do tara kopmen na nuunu at ne Moroa, i lok ne Moroa ngan laradi xaxarang, atla ni kopmen na nuunu ap mo levelinga ne Moroa ga vaase i mumu ne Nitna.

1 Jon 5:11

Mo levelinga i lok keretna, Moroa ga raba vam dik mi lorooro avolo, la langas ti mo lorooro i nemen at lekngen ne Nitna.

1 Jon 5:20

Nedik ta xasep bok pam keretna, ne Nitna ne Moroa ga rupot la ga raba vam dik mi laxasep, kusu nedik tabakleklen ne Moroa, neni laradi ruturun. Nedik dik lok at ne Moroa i ruturun la at ne Nitna, Iesu Karisito. La ne Moroa neni lavasuun at lorooro avolo.